الشعر له معنى وفن ونظامي -- ومن لاعرف له يا عرب لا يغنيه

يا راكبين أكوار هجـن ٍ همامـي == فج المناحر قاطعـات الرهاريـه
لا روّحن يشدن جـول النعامـي == متذير ٍ يوم القنانيـص ترميـه
ملفاكم عزيـز سليـل الكرامـي == الشاعر اللي معجبتنـي معانيـه
ترثة ربوع ٍ يحتمـون الجهامـي == واللي طِرح وخر الركايب تنجّيـه
أنا أشهد أنه يستحق الوسامـي == ماهوب خبل ٍ بايهـات ٍ قوافيـه
يشقى وينقى في جزيل الكلامـي == يكب هزل القاف ويجيـب ماليـه
وقصايده تبهج كبـود الظوامـي == مثل العسل كم من مريض ٍ يداويه
وألا حليب مرودمـات السنامـي == اللي رعت في حاجر ٍ سال واديه
لعـل يفـداه الغشيـم الخمامـي == خبل ٍ يحسب الشعر ماتوا أهاليه
أشوف فوق الشعر مثل الغمامـي == وفي تالي الأيام كثـرت رواديـه
وأكثر قواصيده يجيهـم هيامـي == والكل منهم قـام طرقـه يلاليـه
والشعر له معنى وفـن ونظامـي == ومن لا عرف له يا عرب لا يغنيه
وألا أنت يا عزيز بعيد المرامـي == قافك مثل ذوب العسل يوم أحليه
تصون قافك ما يجيـه الملامـي == وعن هرجة النقاد تحمى تواليـه
واباك للشعر الحقيقـي محامـي == من عالم ٍ قامت تحوسه وتلويـه
وختامها يالقـرم تقبـل سلامـي == ما ناض برّاق الحياء في مناشيه

حييت يا مرسـول عـال المقامـي == عداد ماهـل المطـر مـن مناشيـه
وعداد مـن هلـل وكبـر وصامـي == وأعداد من زار الحرم وأعتكف فيـه
ترحيبةٍ بأبـن الشيـوخ الحشامـي == واللي لفاني مرسـلٍ مـن معاليـه
ومن بعدها من فوق جو العسامـي == جيتك على اللي نازح البعد تطويـه
طيارةٍ من صنـع بـوش الحرامـي == تلفيك باللـي مـن غلايـه معنيـه
اليا نهضت تشـدي لحـرٍ قطامـي == حـرٍ مخاليبـه تحقـق منـاويـه
تلفي بها النـادر وهـاك الغلامـي == اللـي لزومـك لابـدالـك يلبـيـه
مـاودي أتعبهـم بـرد الكـلامـي == من حشمته واللي علينـا نسويـه
شوقتني يا أمير والشـوق سامـي == لأعذب قواف الشعر وأجزل معانيـه
وفزيت مثل اللـي نهـار الزحامـي == خصـمٍ تهقوابـه يضيـع هقاويـه
للطيب يجذبنـي خـوال وعمامـي == والشعر ورث جدود مانيب شاريـه
وأنته وأنا مابيـن لحظـه وعامـي == نفخر بمن يحكـم قصيـده ونغليـه
نثني علـى راع البيـوت التمامـي == اللي قصيده يطربـك يـوم توحيـه
واليوم أصد العين مـدري علامـي == كن الردي يطعـن فـؤادي ويكويـه
لاشفت جرح الشعر يا أميـر دامـي == أظلم سما ليلي وضاقت مساريـه
ودي على أشباه الجـراد التهامـي == أغزي وأطيب خاطر الشعر وأرضيه
النار زندي والفشـق مـن حزامـي == والنوم مايطري على اللـي نعاديـه
ياليـت وقـت متيهيـن الجهامـي == يرجع ولو عشريـن يـوم بلياليـه
وتشوف فعلي قبل تسمـع كلامـي == واللي مهو كفـوٍ للأمجـاد نمحيـه
بضرب السيوف اللي تقص العظامي == وألا ببـو عطفـه نحـده ونرميـه
هذا تـرى يا أميـر غايـة مرامـي == وخل الردي يعرف طريقه ويمشيـه
وقت الرخاء كبر صغـار الأسامـي == وأغتربـه لاشٍ كـبـارٍ علابـيـه
اللاش يهنـى فـي لذيـذ المنامـي == والقـرم يحـداه الزمـان وبلاويـه
وقرناس حول في عشوش الحمامي == والبـوم فالقمـه يلاعـب غناويـه
وقـتٍ تغيـر يا رفيـع المقـامـي == وأحتارت الأفكار مـن شايـةٍ فيـه
وتسلم ولا يسلـم شويـر المدامـي == اللي على صكات بابه توصيـه
وصلاة ربـي عـد وبـل الغمامـي == على رسولٍ زعزع الشـرك بيديـه