قصة وقصيدة

بسم الله الرحمن الرحيم

اليوم جايب لكم قصة وقصيدة أتمنى أن أن أكون صاحب السبق في نشرها ..
________________________________________


قصيدة مشهورة ومشهور مطلعها أو عدة أبيات منها..

هي قصيدة الشاعر بن حصيص في سارةيقال أن إسمه محمد بن فهاد القحطاني عاش في الفترة من 1285هـ إلى 1354هـ .. يقال أنها كتبت في ((1000)) بيت.. أرى ان هذا مبالغ فيه.. والقصيدة طالها الزيادة وطالها التعديل واختلفت روايتها.. واشتهر منها حوالي 20 بيت فقط.. ((خلال بحثي عنها في الإنترنت وجدت عدة ابيات تختلف عن بعضها وكل شخص يرويها حسب ماوصلت له من والديه او من اجداده))
________________________________________

والرواية الأقرب للصحة..:

أن للشاعر صديق له بنت أسمها سارة.. لم يكن فيها أي جمال يذكر وقد كبرت ولم يتقدم لخطبتها أي رجل.. فشكى ابو سارة الحالة للشاعر بن حصيص.. فقال له الشاعر سأكتب قصيدة في بنتك علها تكون باب فرج لها..
فكتب القصيدة وذاع صيت البنت وخطبت وعدت من أجمل البنات في ذلك الوقت..
________________________________________


القــصــيـــدة

[poem=font="Simplified Arabic,5,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
هيض بن حصيص في تالي نهاره = ألف قافٍ من ضميـره دارجـاتِ

راكبٍ من فـوق منبـوز الفقـاره = آركـي وحبـال كـوره كالفـاتِ

آركيٍِِ ومربـع عشـب القـراره = ماعلاه الشد لـه سبـع سنـوات

كن في عينه من الفرقـا شـراره = أو مخاليب الوحـوش الطايـرات

ولعتني بالهـوى والزيـن سـاره = واخلفتني عـن غناديـر البنـات

من خبر جارٍ ذبـح بالـود جـاره = بالمبيسـم والثنايـا المرهـفـات

المطوع لو يشوف خديـد سـاره = طبق المصحف وعجـل بالصـلاة

ريق ساره سكر له فـي غظـاره = أو حليب ابكار عـربٍ مسمنـات

والثنايـا قحويـانٍ فـي زبــاره = نافـلٍ نـوره علـى كـل النبـات

والنهود زبيـديٍ فـي لغـد قـاره = علهـن وبـل الحيـا ومصلعـات

حالفٍٍِ ما سلى ولا انسى حب ساره = لين اهل شقـرا يخلـون الصـلاة

صاحبي بالجـو مـد هالـه وداره = ما ربى في ثـر مـدا وألا مـرات

جعل ضلع طويق يمحل هـو وداره = جعل يمحـل والوشـوم مربعـات

حيث ينزل عند نا مضعون سـاره = واهني صويحبـي عنـدي يبـات

واوجودي وجد مكسـور الجبـاره = ساهرٍ تسعيـن ليلـه مـا يبـات

أو وجود اللي فضى الحاكم ديـاره = وخـذ مالـه والحريـم مسلبـات

عقب ماهو تاجرٍ راعـي عمـاره = صـار فـلاح وامـوره هيـنـات

لا يمي يعطى حنيشٍ فـي خبـاره = سمها يشظـا العظـام الصالبـات [/poem]

وسلامتكم..

أرحب يا ذيبان ..

بيض الله وجهك يا بو مهدي ..

موضوع مميز .. وقصيدة أجمل ..

لاهنت يا الغالي ..

تزوجت سارة وخواتها الاربعة بسبب محمد بن فهاد رحمه الله لاهنت على ايراد القصة والقصيدة

الأخ مشاري والأخ ابو حسين ألف شكر على ثنائكم ومروركم

وإنشاء الله أكون عند حسن ظنكم تحياتي للجميع,,,,,,,,,

قصة جميلة وابيات جميلة

__________________
لا يزال لسانك رطبا بذكر الله

لاهنت يا ابو مهدي بيض الله وجهك على هاذي السالفه والقصيده

__________________

الأخوان ( القنا ) ( وإبن مهذل ) مشكورين على المرور وبيض الله وجيهكم



تحياتــــــــــــــــــــــــــــــــي,,,,,,

لاهنت يا وجه ال سعد على ايراد هذه القصه والقصيده وتقبل مرور ي وتحياتي

__________________
[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,black" type=0 line=0 align=center use=ex num="1,black""]
مرحوم يا معرب الجدين والخالي =من روس دعوى سعد تعرف عزاويها
ابوي يا مقرع للحق مامالي =يفرض فروضه وبدعوى يقاضيها
منصا لربعه ولضيفان مدهالي =الباب مفتوح والكرمات يثنيها
كريم عارف شجاع ماهو يبالي =يمنع ويردع وياقف عند حاضيها
يشهد بفعله حجا الحافر ولنقالي =بمات تاجين ما يخطي مراميها
يوم لفانا العدو رجلي وجمالي =يبغا مفالي لنا يرعى مراعيها
عود كسير وجاز من التخبالي = والرجل من جور مافيها يشاديها
هذي فعوله فعول ماهي اقوالي =قول بلا افعال عيب انا نطريها[/poem]

وافى يابن حالية وقصيدة جزلة لاهنت

ماعليك زود يا وجه عبدالله ولاهنت على المرور وابيض وجه ومن يقرا

__________________
[poem=font="Simplified Arabic,5,darkred,bold,normal" bkcolor="transparent" bkimage="" border="solid,4,black" type=0 line=0 align=center use=ex num="1,black""]
مرحوم يا معرب الجدين والخالي =من روس دعوى سعد تعرف عزاويها
ابوي يا مقرع للحق مامالي =يفرض فروضه وبدعوى يقاضيها
منصا لربعه ولضيفان مدهالي =الباب مفتوح والكرمات يثنيها
كريم عارف شجاع ماهو يبالي =يمنع ويردع وياقف عند حاضيها
يشهد بفعله حجا الحافر ولنقالي =بمات تاجين ما يخطي مراميها
يوم لفانا العدو رجلي وجمالي =يبغا مفالي لنا يرعى مراعيها
عود كسير وجاز من التخبالي = والرجل من جور مافيها يشاديها
هذي فعوله فعول ماهي اقوالي =قول بلا افعال عيب انا نطريها[/poem]