السلام عليكم ورحمة الله وبركاته

انقل لكم قصيدة للشاعر فهد المحيشير رحمه الله بالاضافة الى بعض محاوراته مع عدد من الشعار امل ان تحوز على رضاكم



قصيده للشاعر ..


[frame="1 80"]اللي يجنب محلي ما علي منه
ان مر قلنا هلا وان راح مسموحي
لا صار مابه رفيق وافي فنه
كثر المشاريه غربالٍ على روحي
بعض العرب لا نصحته زاد به جنه
من داعي الخير لا يسمع ولا يوحي
مطغيه طيش الشباب ومخلف ظنه
مريوح ومرافق المريوح مريوحي
الله يثيب العذارا يوم عافنه
ما للغنادير فالخبلان مصلوحي
من ضحكن اليالي السود بكنه
ماهيب كل الليالي ضحك وفروحي
الصبح لا صاده الصياد ما حنه
الوقت دوار والمطرود مطروحي
[/frame]







وهذه محاورة لشاعرنا مع رفيق دربه الشاعر احمد الناصر ..


[frame="3 80"]

أحمد الناصر







أنا لي صاحب ما قد نشد عني ولا مرّه
ولنّه شافني هّلا مثل غيره يهليبي
ولاني راجي خيره ولاني خايف شره
ولكن للرجال اسلوم وحقوق ومواجيبي






فهد المحيشير







أنا لي صاحب فيه أكثر العربان مغترّه
يكمخني بوجهي مير في الضيقة يماريبي
أنا ما خبر علي للناس مثقال ذرة
ولا حد كاشف صدري ولا معطيه من جيبي






أحمد الناصر







ولا له في السما طاري ولا له فالوطا جره
وهو يبخس محلي والجفا كله عذاريبي
رفيقك لو يجيه الموج لا سره ولا ضرّه
سواة الطير ولرياح تقبل بي وتقفيبي






فهد المحيشير







يقولون العرب من طاوع الشيطان أو مرّه
تغيره الروابع فالقرايب والاصاحيبي
صحيح أن هالسنة عنا سفينة نوح مفترة
أحد يقطف زهرها وأحد تقالبه اللواهيبي






أحمد الناصر







أنا عيني تنام الليل مرتاحة ومسترة
أكمّل مطلب الاصحاب ثم آخذ مطاليبي
إليا منه و فا لله ياهل المعرفة درّه
واليا جفا عديت في عالي المراقيبي






فهد المحيشير







عيونك دالهة وأنا عيوني دوك محمرة
على جنبي شهر ما شفت خط ولا مناديبي
وأبو زيد الهلالي يوم لبس الثوب ما زره
يشوفون العرب علباه بين الشك والريبي






أحمد الناصر







مكينة موترك يا بن الحلال العصر محتره
لقيت اصحاب غيري والدهر كله تجاريبي
يقولن العرب كم واحد ضوح القمر غره
أضنه ظن ولا ما حد يدري عن الغيبي






فهد المحيشير







حشا الله ما صبيت من غربي وال كره
ولا عديت من بيتي ولا بيت المعازيبي
كثير الناس لا يطرق لسانه ثم نجتره
ويقعد طول عمره لا لسان ولا لغابيبي
[/frame]








وهذه المحاورة بين شاعرنا والشاعر / سعد المعنـّى البقمي جاءت ضمن مهرجان التنشيط السياحي في أبها عام 1408هـ .

[frame="4 80"]المعنى:




جانا الخبر واشتقت لديار الجنوب
للشاعر اللي حاويٍ دنيا ودين
هبي علينا يا ذعاذيع الهبوب
هبي علينا من شمال ومن يمين




فهد:





أبغى أتلبس بالفرح تسعين ثوب
وأحفاد ابو تركي كعام العايلين
افعالهم من عقبها الكافر يتوب
الله يدوم بعزهم للمسلمين






المعنى:







فهد ترى دايم مع الناس امحبوب
لكن بعض الوقت يرطن له رطين
انته فهد وانا المعنى عنك صوب
اصبر فإن الله يعين الصابرين





فهد:







سولف واسولف لين يبدن الدروب
وأركد على المعنى يالين انه يبين
مادمت في حكمة مطوعة الصعوب
بالك تفكر بالهدير من الحنين






المعنى:







الله يديم الناس بيضان القلوب
اللي يحطون العنب تفاح تين
ياخي ماوصلت لمسكات الجيوب
حجوا لمكة واطلعوا راس القرين






فهد:







دنياك هذي بين غالب ومغلوب
ما طاب لك مادام لك طول السنين
الناس قالوا ليت ابو مرة يتوب
لاشك ما طاوع لسيد المرسلين






المعنى:







يالله دخيلك عن كثيرات الذنوب
اركع لربك كان طعته ركعتين [/frame]









وهذي المحاورة بين شاعرنا والشاعر / عبدالله بن سيف السهلي..



[frame="7 80"]

عــبـــد الله بـــــن ســيـــف:







بعد ربي جمعنا وأجتمعنا يا أهل العادات
سلامي عد ما هل المطر من غر الأمزاني
أشوف سهيل بعيوني ولا هم العرب ما فات
ولا يأبو محمد جرها يا طير حوراني





فــــهــــد الـمـحـيــشــيــر:







بعد ما أوحيت عبد الله يجر الصوت بالأبيات
هلا ترحيبة فيها ثمر وردن وريحاني
اليا طبيت وسط السوق ما أشريها بعنز وشات
وأسعر فالذهب لا ركدوا له كل ميزاني





عــبـــد الله بـــــن ســيـــف:







ليا جانا الخبر من يمكم قلنا أبرك الحزات
وأنا ما باشكي عليك الحال من حامد وحمداني
أنا قلبي دليلي وأعرف الروحات والجيات
وأبزهم صاحبي لياه بين الربع يقصاني





فــــهـــــد الـمــحـيـشــيــر:







معزبنا من اللي يكسبون الفود والطالات
وأنا وياك عنده بنصير أصحاب وأخواني
حضرنا من غلاه وحشمته نمشي على السمحات
ولا حنا بمن يدها البري ويقطع العاني [/frame]







وهذي المحاورة بين شاعرنا والشاعر / سلمان السبر



[frame="9 80"]سلمان السبر:





يالمحيشير سفرتنا تراها طويلة
يوم جا للشعر فك وربط ومجالي
كيل صاعك وصاعي ياقحطاني بكيله
عارف مكسبي وموَزِع راس مالي





فهد المحيشير:





قبل يعرض على العرّاف عدله وميله
وش يريد الزناتي من ذياب الهلالي
صاعي أملاه بالحمله ولاهي ثقيلة
وأن نزع عني الماء ما تقصر حبالي





سلمان السبر:





يبرق البرق والعالم تراها تخيله
مر يبرق جنوب ومر يبرق شمالي
آه ياكبدي اللي للمعارك غليله
ناوي نطله الغترة وذب العقالي





فهدالمحيشير:





أنت تبغي طويل الرجم والا المسيله
أمش وأنت المخيرَ فالسهل والجبالي
وهدو الخيل يا صحاب الخيول الأصيلة
قدمكم درب صعب وقابلوني لحالي





سلمان السبر:





شايلِ السواري ما نقلت الفتيلة
كل حي تجيبه مقبلات الليالي
كل رجال قلبه في زمانه دليله
وانت تفهم جنيه بضاعتك والريالي





فهد المحيشير:





يالزعيم المفوه بلف ليله وليله
مير في حال تجفل من سمار الظلالي [/frame]


وسلامتــــــــــــــــــــــــكم

حشا الله ما صبيت من غربي وال كره
ولا عديت من بيتي ولا بيت المعازيبي
كثير الناس لا يطرق لسانه ثم نجتره
ويقعد طول عمره لا لسان ولا لغابيبي
.................................................. .................................................. .................................................. ........................

الله الله الله يابوتركي بيض الله وجهك يالذيب

ومجهود رائع تشكر عليه يالقرم والشاعر

فهد المحيشير علم من اعلام الشعراء

القحاطين الله يرحمه ويغفر له

__________________

الله لايهينك والله يرحم المحيشير.

ابو تركي


بيض الله وجهك


هنا مكامن الابدااااع في الفتل والنقض


فهد المحيشير من الشعراء اللي عليهم الكلام


الله يرحمه


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

أبو تركي العبيدي أبيض وجه والظاهر أن الصندوق الاسود عنك ولا حولك . حفظ موروث شعراء قحطان الأولين مطلب ونحن نعمل على ذلك فحبذا لو وضحت أكثر عن سيرة ونسب هذا الشاعر وسنة وفاته وقصايده في النظم .

وتقبل تحياتي ،،،

__________________
للإطلاع على تحقيقي حول قصيدة حسان بن ثابت


للإطلاع على الموضوع اضغط هنا

لزيارة موقعي أنساب العرب

تفضّل بزيارة هذا الرابط

http://ansabalarab.com/

وجهك ابيض يانواف

لاهنت على المرور

ولايشينك ياعاشق

لاهنت على المرور

ابو سعود زاد الابداع بمرورك

لاهنت يالغالي

وجهك ابيض يابوشداد

بالنسبة لنسب الشاعر فهو من قبيلة الضورة ال عاطف

اما بالنسبة لسيرته ووفاته فلا علم لدي في الوقت الحاضر وفي انتظار الاخوة الاعضاء ممن لديه معلومات عن الشاعر العلم رحمه الله وخصوصا من قبيلة الضوره

لاهنت على المرور يالغالي

بسم الله الرحمن الرحيم
السلام عليكم ورحمة الله وبركاته



الله يعطيك العااااااافيه

__________________

تــــــحـــــيـــــاتـــــي لــــلـــــشـــــعـــــب الـــــســـــعـــــودي