القرقاح وحبيب نار نار نار

السلام عليكم ورحمة الله وبركاته
انا عضو جديد وحبيت اشارك معكم بهذه المحاوره التي جرت بين الشاعرين العملاقين فلاح القرقاح وحبيب العازني صيف 1431حيث كانت المحاوره بحضور صقر السلمي وشاعرين عتبان لا اعرفهم وفي بداية الليل دعاالقرقاح واحد عتيبي وكان يتحدا القرقاح وشاف ماله طريق وقام يزهم حبيب ويقول
ياحبيب ياحزامي يا سلاحي ماش غيره ذبحة القرقاح مافيها حرام الا حلالي
وقام حبيب وزهم صقر وقال
يا مرحبا وابشر بعزك يا عتيبي حيل حيل الراس غير الواحد اللي ركبه ما يقطعه
وبعد هالطاروق زهم حبيب القرقاح وكان حبيب متحمس ولكن قدامه جبل وفي نهاية الطاروق بعد ما ا فحم القرقاح حبيب طلب حبيب انهاء المحاوره كما ستقرؤون الان والشاهد على ذلك في الرباعيه كان صقر ضد حبيب وهو يعيره ويقول
ما كل علم طول الايام طيب
حنا سمعنا سالفه ياحبيب
كانت بعيد وجات منكم قريب
الله يعز المملكه ويحماها
اترككم مع المحاوره

حبيب
ياهبوبن تهب ولا تهز الغصون
ياترى مزعجه والا ماهي مزعجه
ياهذا من تكون وياهذا من تكون
كل واحد على كبده يرص حدجه
القرقاح
السكون اكثر العالم تحب السكون
والهبايب لها عند الولي برمجه
نظرة في الوجيه ونظرة فالعيون
ربنا حط في رقبة البعير عوجه
حبيب
ماتفيد السكون مع اختلاط الجنون
غن ياجن بعض الجن ماله وجه
شفت لك صورة في شاشة التلفزون
يامصيبك بلا والا انها مدبلجه
القرقاح
ان رميتو راعى الرشاش بالساكتون
اتجه صوبكم ضرب الرصاص اتجه
وانت سجل عليك علوم فالتالفون
ماتجازي من اخفاها لوتحججه
حبيب
لو نبا راعى الرشاش ذبحه يهون
طلقة الساكتون الطايشه تبعجه
والله اني ما اهون وكلمتي ماتهون
وانت جبت لك كلمه فاضيه محرجه
القرقاح
لاتقولون ياعتيبه مالا تفعلون
من متى يذبح الرجال ذبح نعجه
انت جاي معك موضوع والابدون
ارق فالضلع لاتندس فالعرفجه
حبيب
والله ونعم فيكم مير ماتفلحون
مع عتيبه يضيع الصيدفالعجعجه
ياهل الرين ياللي كلكم تزرعون
المزارع عساها منتجه منتجه
القرقاح
والله انا عليكم لا ومرنا نمون
جدنا اللي تولا جدكم وغلجه
نزرع لكم عقوبتكم وتستاهلون
ندري ان العرب كل على منهجه
حبيب
يوم جينا لكم رحتو حدر هاربون
جدكم يستدير وجدنا يدرجه
ماعلينا خطر مادامكم تاكلون
اطعم العلم يالقرقاح لاتعلجه
القرقاح
كم عقيد يحول فالمعارك زبون
تلبس حدادها اللي طرفهاتدعجه
عندنا اكثر من اللي في بطون السجون
اسمع اللي ليا خاصم خصيم فلجه
حبيب
رمحنا اللي يشق الصدر ثم المتون
لين دم النحر فوق الحجر تزعجه
صاحب العقل مايضحك من المبتلون
مير يالعازمي مر الخبر واسهجه
القرقاح
كم شجاع من فعول قحطان مغبون
يبلع العافيه واعصابه مثلجه
انت سالم عسى روس العرب يسلمون
ان رقيت درجه والا نزلت درجه
حبيب
من يلومه يصيح وعزوته راحلون
وان ورد قدمه الموت الحمر يبهجه
يامطاوعة عصر الفين لاتظللون
الدما ماتسيل الامع الانسجه
القرقاح
ياسلامي على اللي يقتضون الديون
يدفع الجزيه اللي ماتفيد حججه
السوالف تجي وتروح من كل لون
والطواعه تراها ابرك من العربجه
حبيب
ممكن الا علينا عكس ماتقدرون
ابك حنا نجي للشيخ ونهججه
هاهنا الدين ياللي تكثرون الظنون
واكثر الظن ثم واللي وراه ادوجه
القرقاح
هج منكم عرب عند الحرم يدعون
وابن هادي لياجاه العدو خدجه
يكدب اللي لياومنوه ربعه يخون
ويصدق اللي لاجاب العلم ماسمجه
حبيب
شافوا المنتظر واقف على المكرفون
قال انا شيخ قحطاني وفي اصنجه
ويش رايك نختمها على مايبون
وان بغيت الطويله دربجه دربجه
القرقاح
استح استح ترى كرام اللحى يستحون
لاتسابق معافى وانت فيك عرجه

ارررررررررررحب والله يحيك بين ربعك وبني عمك ..

ولاهنت على كل حآل يا القرم ..

نقل رائع ومحاوره بين عملاقين تقدرهم الساحه الشعبيه ..

صحت السنتهم ..

وسلمت يميينك ..

تقبل مروري نفدآك وفي انتظار المزيد يا كحيلان ..

اخوك / فلاح

__________________

ولاهنت على كل حآل يا القرم ..

نقل رائع ومحاوره بين عملاقين تقدرهم الساحه الشعبيه ..

صحت السنتهم ..

وسلمت يميينك ..

تقبل مروري نفدآك وفي انتظار المزيد يا كحيلان ..

__________________

سلمت وسلم القائل..

__________________

[grade="008080 008080 008080 008080"]لا اله إلا انت سبحانك إني كنت من الظالمين[/grade][grade="DC143C DC143C DC143C DC143C"]beshry@hotmail.com[/grade]

صح لسان الشراء ولاهنت يالناقل

__________________


والله إنه صادق