((منوة الروح للشاعر / حمد أبو ظهير ))

حمد بن ناصر أبو ظهير
...............




راحت على خط الكويت الشقيقه
تكفون خلوني على خطه أروح
.
وقفت معها فالمحطه دقيقه
وقالت فمان الله والدمعه تفوح
.
يا عود موز ٍ ناعمٍ في حديقه
ما ترحم إللي من سبايبك مجروح
.
يا بو خدودٍ صافيات رقيقه
خطراً على البرقع يولع من الضوح
.
الصبر بعد افراقكم ما نطيقه
والطرف عاف النوم يا منوة الروح
.
وطبع الهوى يرث جروحٍ عميقه
جرح ٍ بجرح ٍ ما يداويه طحطوح
.
أشوف زادٍ تو عيني حقيقه
ودي بذوقه لكن يردني الفوح
.
أرجوك شف لي حل بأية طريقه
ترى الجفا راعيه ما هو بمسموح
.
وطراتها بين العشيق وعشيقه
حب ٍ يطول الوقت ما هو بمفضوح
.
وأن طعتني ولاّ عساك بحريقه
بروح منك بعيد يا زين وتروح




..............

مشكور على النقل وصح لسان الشاعر حمد ابو ظهير شاعر البيعة بس الملاحظ انه لايظهر في الاعلام وش السبب

__________________

حياك أخوي ضرغام وشكرا على المرور وسؤالك وجهه للشاعر نفسه لأني لا أعلم عن السبب ,,

ارحب ياعزيز النفس

الف شكر على النقل

وبيض الله وجه حمد ابو ظهير شاعر جزل

__________________

أجمل شي في ألانسان قلب صافي يدعو لك