مرثية في شاعرالمرحوم عبدالله بن شايق.كلمات الشاعرمساعدالظلافيع

ياوقت ياوقت العنا والبهاذيل
في كل يومٍ لك علينا فجيعه
هجماتك الشرسه طيور أبابيل
حذفاتها القشرا علينا سريعه
العام جانا علم بعض المهابيل
اضعاف الانفس مخلفين الشريعه
لاكثر الله امثالهم في المداهيل
و يالله عساهم للفناء والقطيعه
وهذي السنه جانا الخبر بالتفاصيل
امحق خبر وامحق مذيع يذيعه
قالو توفى متعب الجيش والخيل
قلنا البقا للي خلقنا نطيعه
راضين بالمقسوم من عادل الميل
ولا نعترض في شي ما نستطيعه
عبدالله ابن شايق رحل يارجاجيل
رحل ولابه من يسد الذريعه
راحت طراة الشعر نثر ومواويل
وماتت طواريقه وقفى ربيعه
تاريخنا الشعري دخل ضلمت الليل
واتلى العهد به يوم روح بريعه
فياوجد حالي من فراق المشاكيل
ادروعنا اللي في الملاقا منيعه
امثال ابن شايق عسى قبره السيل
وعسى مكانه في الرحاب الوسيعه
فوالله مايرثيه شعر وأقاويل
مهما تعب راعيه واحسن صنيعه

مساعد مداوي الظلافيع

__________________

صح لسانك يا أبو مداوي في المعاني الجزيله ولا هي غريبة منك ونسأل الله العلي العظيم أن يرحمه بواسع رحمته هو ومن كان معه واموتنا وموت المسلمين
’’’’’’’’’’’’’’’’’’’’’ مشكور يا خوي حمد الظلافيع ’’’’’’’’’’’’’’’’’’’’ على المنقوووووووووول