لفاني شريط مسجل فيه نظم سطور

حقيقة لاادري هل هذا هو القسم المناسب او غيره

[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,medium,gray" type=4 line=0 align=center use=ex num="0,black"]
لفاني شريط مسجل فيه نظم سطور = مع سالم الهذال مرسول من ذيبي

سمعت الرسالة وانشرح خاطري مسرور = ورد الرسالة للمرسل مواجيبي

هلا بالرسالة عد ماينبت المبذور = وعداد ماتدوس القار سود الدواليبي

وعداد مايخوض البحر من زورق وبابور = غزير البحور السود ذيك الغرابيبي

بشكوى صديق لاحقه من زمانه جور = حناه الهوى حنية جريد العياسيبي

صبور على بلواه واللي صبر ماجور = تولع بزينات البني الرعابيبي

ومن عاشر الخفرات يصبر على المقدور = ويطلب من الله ينقذه عالم الغيبي

خوالك على بلواك مايقبلون الجور = عليك الندى ياذيب وحنا لك نجيبي

نساول مع واليه ونقدم الميسور = ومادامها بالمال ياذيب بنجيبي

ولا عصمت الاشوار اخذناه بالمجبور = صباح تدندن فيه سود اللواليبي

ونداوم معك شهرين والا ثلاثة شهور = الين العدا ترجع صداقة واقاريبي

واليازان جوك واستمريت يالمنعور = فارخص لنا نرجع لدار المعازيبي

تحياتي لك والمعذرة عن كل قصور = لك ازكى سلامي تحيات بترتيبي[/poem]

ونعم يالمسعودي وبيض الله وجهك ولاهنت موضوع رائع وجميل


وقصيدة في قمة الجزاله والروعه



نطلب المزيد من هذه القصائد للوالد عليه رحمة الله وغفرانه



نقلت القصيدة لعذب الكلام

ونعم بحالك يابن غفره ووجهك ابيض والله لايهينك والرائع هو

مرورك وتعقيبك

تحياتي لك

بسم الله الرحمن الرحيم
أرحب تراحيب المطر
والله يرحم الوالد
وبيض الله وجهك لهذه القصيدة

__________________

هلا اخوي عبدالله والبقا بك اخوي

ووجهك ابيض يالغالي

تحياتي

الطوفان

السلام عليكم ورحمة الله وبركاته

صح لسان الوالد وكفو على هذا القول

خوالك على بلـواك مايقبلـون الجـور = عليك الندى ياذيب وحنـا لـك نجيبـي

نسـاول مـع واليـه ونقـدم الميسـور = ومادامهـا بالمـال يـاذيـب بنجيـبـي

ولا عصمت الاشوار اخذنـاه بالمجبـور= صبـاح تدنـدن فيـه سـود اللواليبـي

اررررررحب يا المسعودي والله نعم بك وبربعك

والله يرحم الشايب وسلمت بنانك على نقل الرائعه لنا


تقبل كل الأحترام يا القرم

__________________

هلا اخوي عاشق الوطن وصح بدنك يالغالي

ولا عليك زود

واشكرك على مرورك الكريم وتعقيبك

تحياتي لك

البقا بك ياولد الشايب ولا عليك زود يالغالي

والرائع هو تزيين مشاركتي بتوقيعك

الله لايهينك

تحياتي لك