قصيد رائعه في انواع الرجال

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يقول الملاطي قاف والقاف له مطواع=ولايختلف لاقام يبدع قوافيها
تفكرت واثر الفكر له بابٍ ومصراع=ومن يخطي الافكار يخطي مراميها
وانا بعد ما فكرت قلت الرجال انواع=ولو كانت ثياب الكرامه تغطيها
ولا يستوون بلبسة الثوب والاطباع=ولا يستوون بمرجلتهم وما فيها
ومنهم رجالٍ مثل وصف السباع سباع=تنومس بفزعتها ونفخر بطاريها
سواليفهم بالطيب تشهر مع الارياع=والاخبار عنهم تفخر براس راعيها
ومنهم رجالٍ تنقر العلم والاسناع=وتبذل جهدها بس تخطي هقاويها
تحاول جهدها بس ما تا صل المرباع=والى جابت اخطا عودت في مقاديها
وبعض الرجال سوات الامراض والاوجاع=عسى الله من عسرات الامراض يشفيها
يحسب انه مقدم على الناس فالاطباع=وهو فآخر صفوف المراجل وتاليها
يحسب انه الشبعان وان الرجال جياع=وعلته للعقال بانت مواريها
ترى فيه رجلٍ ماينومسك فعل ذراع =ضعيف الهقاوي ما يعبر مباديها
ليا احسنت له باعك وهو للخوي بياع=وتعطيه جزلات المراجل ويفنيها
وبه رجل لامنك تعزويت به شعشاع=ينومسك في فزعته لو كنت تبغيها
لكنه يمن بها بعد شغل المذياع=يسولف بها مع كل ناسٍ يفاجيها
وبه رجل يفزع لك وآلاخر ماهو فزاع=وبه علةٍ ماحدٍ بيقدر يداويها
وبه من لبس ثوب الصداقه وهو خداع=والاحقاد في قلبه تبين مواريها
وبه رجل لاشافك شكالك وهو رماع=يكثر شكاويه ويطرق مماشيها
وبه رجل للدنيا وللمرجله جماع =لكن في لزومك تقصر ايده ويرخيها
بخيلٍ على الدنيا ولو جات بالاجماع=يكدّس فلوسه بس ما هو يزكيها
وبه رجل في فقرٍ ويغرف لها بالصاع=ولا يحسب حساب الخساير ويعطيها
ورجل لامن جاه اجنبي يبذل ونفاع=ولو جوه ربعه صك دونه ملاويها
وبه رجل متصيقر على ربعه وطماع=يحسب المراجل في علومٍ يسويها
وهو فالردى والذل والمحقره خماع=سواة الثعاله يوم تظهر خوافيها
وبه رجل لامنك زهمته يطيح بساع=كما خرقةٍ لاهبت الريح تسفيها
قليل الحلايا ما يذريك فالافزاع =ضعيف الهقاوي كلمته ما يبديها
معى حرمته تلقاه مستانس وسماع=والى شاف الاجواد انحصر ما يقريها
وبه رجل مخذول ولسانه بعد لذاع =عسى علته في وسط بطنه مماريها
وبه رجل ضايع وان ذكر قيل والله ضاع=عسى الله يرده عقب غيبات يبطيها
يقولون المعرفه لها شاجعٍ ينزاع=مثل حرٍ منزله في حجا مراقيها
لامنه حضر يبت فوق الجميع شراع=وسد اللزوم اعن الجماعه ونا بيها
وختام القصيده للاوادم كثير انواع =ولوكانت ثياب المراجل تغطيها [/poem]

يسعدنى اننى اكون اول من تشرف وقرا هذى الرئعه




من شاعر رائع وجزل صح الله لسانك وما قصرت

مااانع



صح لسانك



الحقيقه انك شاعر



وشاعر مبدع



في انتظار الجديد


ولك سلامي



عبدالله المهداني

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

اخي الحبيب مانع


والله ان هذه القصيدة

تفند الرجال من خلال

معاملتهم وقد اصبت

المحز

وقد والله اعجبني هذا البيت

الذي يصف (( العثبر من الرجال ))


مع حرمته تلقاه مستانس سماع

والاشاف الاجواد انحصر مايقريها

فمشكور من القلب والقصيدة تعبر عن معانيها0

__________________

السلام عليكم ورحمة الله وبركاته
صح السانك وعلى شانك وافيه من وافي

[7la1=00FF00]

اخوي...ماااانع..

هذا بلا شك تمكن وقوه..
ربي يقوِّيك على اعداك...

صح لسانك..ولااا هنت
اخوك الشاااعر..(عمر)

[/7la1]

__________________

الأخ والشاعر الجزل / مانع الملاطي



صح لسانك وبيض الله وجهك على القصيدة الرائعه


والرجال أنواع صدقت وأصبت والله لايهينك



جزلـــــــــــــــه من جــــــــــــــــــــــزل


تحيـــــــــــــــــــــــــــــــــــــــــــــات ـــي

__________________



ممصمنا المبدع
تركي العلياني
ألف شكر لك

السلام عليكم ورحمة الله وبركاته :
صح لسانك اخوي مانع الملاطي
قصيده جزله من شاعر كبير مثلك
ولاتحرمنا من قصايدك .

صح لسا نك يا مانع
ولا عد مناك