الأمير سعود بن محمد

هذه القصيدة مجاراة لقصيدة الامير السامر (يابوي)في والده

الذي أسأل الله أن يلبسه لباس العافية ولمعرفتي بالأمير الوالد

سعود وتواضعه وحبه للناس والبيت المفتوح للضيوف والكرم الغير

مصطنع قلت هذه الابيات :




يأمير كل الناس ما نامت الليل

كله علشان الكريم المهلي


سعود راع المجد والعز والخيل

النايف اللي شامخٍٍٍ مــستقلي


حلال صعبات المشاكل وحلحيل

كفه على المجد الرفيع متولي


له مجلسٍ فيه الشحم والمعاميل

مجلس رفيع المستوى ما يملي


ريف الضعيف اللي حياته غرابيل

يشكي زمان العسر دمعه يهلي


يالله يامعبود ياعادل الميل

ياللي جميع الناس لاجله تصلي


يالواحد الرزاق يامنزل السيل

يالخالق اللي في سماك متعلي


أنك تشافي شيخنا وافي الكيل

وتزيل سو الباس عنه يولي
أصـــل العرب