تكفون يآل مطارد العفو لوجه تعالى

قصيده نزهم فيها آل مطارد الكرام
للعفو عن السجين عبدالرحمن بن صالح لوجه الله تعالى
وهم اهل للعفو والصفح والنظر لما عند الله تعالى
القصيده/

ياخاطري والقصائد جبت معناها
والفكر يضمن لها المعنى والاوزاني
سلام ياهادي وربع ن نخيناها
جمع المطارد وننخا فالسليماني
ارقب لربك وربعك دور رضاها
الله كفيل الصبر بأجر ن وغفراني
ازهم عيالك ودرب الخير ممشاها
والعم عايض لعله يصلح الشاني
كل القصايد صغيره في مزياها
بامجادها تكبر حروفي والألحاني
ماًدام الاجواد تمنع فية لحاها
في صبركم والعفو يا وسع الاعياني
ترا ابن صالح بغم وكبر بلواها
متحيرن وسط قيد الهم حيراني
ما هو غريم ن له ولا دور قضاها
نزغة غضب فرقة مابين الاخواني
علم المهادي قلوب الناس يشعاها
ساق الديه من حلاله واعتق الجاني
كم من كريم ن قلوب الناس هناها
كانت تحشرج وطارت دون جنحاني

شعر/ناصر آل جمان

__________________

اقتباس:

علم المهادي قلوب الناس يشعاها ساق الديه من حلاله واعتق الجاني

لاهنت يا ناصر وبيض الله وجهك


والله يسد الشان وال مطارد ونعم وانشاء الله يدورون لما عند الله