لا والله اللي عيّدت بي بنت هامور الخبر = تكفى يا عامر ويش هو حل القضية يابن أبي !

أبيات أرسلتها لأخوي القرم عامر الوهّابي


[poem=font="Simplified Arabic,5,black,normal,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يابو سعيد اسلم وسلم لي على اللي فالخبر=الجادل اللي حرت أحدد من حياتي وش تبي
تكفى تغانم جلستك ما دمت في جنب البحر=عطني علوم الشارع ابو سايدين الجانبي
الراشد يحده جنوب وشرقه المووت الحمر=والابنيه في جانبينه مثل برج ابو ظبي
أخاف أوصف لك زياده بالبيوت وبالنمر=وأعود أنا وأنت في مس شنبك مس شنبي
المقصد إني اني شفت لي عفرا مهي مثل العفر=لو المهيلب شافها قال استميلي واطلبي
مامن وراها الا السهر ولا القهر وأدهى وأمر=يا ليتني ما شفت غمزتها ومبسمها الأبي
أعرف نفسي صامل ما أخاف من جور الدهر=والمشكلة لاجيتها ما عاد شلتني ركبي
ماني غبي واعرف أساليب المحايل والمكر=وان قالت أحبك تحيرت ودريت اني غبي
يا والله اللي عيدت بي بنت هامور الخبر=تكفى يا عامر ويش هو حل القضية يابن ابي !![/poem]
.

.

.

وكــان ردّ عامر

[poem=font="Simplified Arabic,5,black,normal,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
يا مرحبا بعداد مزن هل وبله وانهمر=ترحيبة الشيخ الكريم إليا لفاه الأجنبي
حياك ربي والسوالف كلها علم وخبر=وأنا أفتخر باللي مثل شرواك دامه صاحبي
يالكيرعاني كلنا نبغى المعادن والدرر=ونغوص أنا وإياك في قاع الخليج اليعربي
اللي جرالك صابني يالقرم في يوم النحر=من شاف حالة صاحبك هلل وصلى عالنبي
لقيتها فالراشد اللي راح بعقول البشر=تمشي على طرد الهوى وأقول يابنه جنبي
كتبت فيها ملحمة بسمعك شطر شطر=مزيونة ودك بها حتى ولو تحبي حبي
نهود وخدود حمر وردوف تلعب بالفكر=ماصرت أميز يارفيقي مطعمي من مشربي
لاكن صبرنا نحتسب ولا معك غير الصبر=والله يحقق مطلبك والله يحقق مطلبي
مادامني جنب البحر ياصاح تبشر بالسفر=عهد علي إليا بدا الماجوب لأدي واجبي
بروح أشغل موتري والكامري تحت الأمر=وأبحث وأوصل ماتبي لو كان حتى لي دبي
ماني مفكر فالدروب ولا مفكر فالخطر=واللي يقول إني كذا بقول يخسا ويهبي
بجيبها ياصاحبي طال الزمن وألا قصر=وإن عاندتي والله إن أروح وأسبيها سبي[/poem]


وسلامتكم

أررررررررررحب يابو عبدالله

وصح الله لسانك يالقرم وأنت وافي وقصيدك وافي

وأفتخر بمجاراة مثلك وشرواك

تحياتي لك...

صح لسانك

ارررحب يارائد

صحت ألسنتكم


لاهنت يا كحيلان

__________________

شعارنا الغالين رائد الكيرعاني وعامر الوهابي صح الله السنتكم

رائد

ماني غبي واعرف أساليب المحايـل والمكـر
وان قالت أحبك تحيرت ودريـت انـي غبـي

يا والله اللي عيدت بي بنـت هامـور الخبـر
تكفى يا عامر ويش هو حل القضية يابن ابي !!

عامر

ماني مفكر فالدروب ولا مفكـر فالخطـر
واللي يقول إني كذا بقول يخسـا ويهبـي

بجيبها ياصاحبي طال الزمن وألا قصـر
وإن عاندتي والله إن أروح وأسبيها سبـي

رائعين جدا وصوت وصداء رائع تقبلو تحياتي اخوكم

ارررحب يارائد

صحت ألسنتكم

__________________

أرحب يارائد
صح لسانك وصح لسان الوهابي وللأمانة شعراء مبدعين ورائعين ولكم مستقبل زاهر
وسلم لي على نفسك وعلى عامر كثير السلام

المقصد إني اني شفت لي عفرا مهي مثل العفر
لو المهيلب شافهـا قـال استميلـي واطلبـي
لقيتها فالراشد اللـي راح بعقـول البشـر
تمشي على طرد الهوى وأقول يابنه جنبـي



الله الله الله

لاهنتو يارائد وعامر وصح الله السنتكم

وما الومكم الله يعينك انت وعامر

لاعاد ترحون الشرقيه اخاف عامر يرتكب جريمه ويسبيها سبي

سجلو اعجابي بما قدمتوا يالنشامى

__________________

مشكورين يالغالين...على القصائد الأكثر من رائعة

ارحب يارايد وارحب ياعامر وارحبو يازهير وارحبو يالوهابه شعراء يستحقون الثناء من المنصف