رواية موت ذيب ابن شالح هل هي صحيحه و لا ؟

السلام عليكم ورحمة الله و بركاته ..
ارحبوا يارجالها
تبارك الموضوع الوكاد ياذيابه عندي علمً و ابي اعرف هل هو أكيد و لا موت ذيب ابن شالح بأشوف الروايه الي انا اعرفها صحيحه و لا و هاذي هي الروايه :

كان ذيب مع ابوه يصبله القهوه ويسولفون و ابوه يتقهوء يمزح مع ذيب بأبيات و هاذي الابيات :
ياذيب انا يابوك حالي تردى .. و انا عليك من المواجيب ياذيب
تكسب لي اللي لاقح ٍ عقب عدا .. طويلة النسنوس حرشا عراقيب
تجر ذيل ٍ مثل حبل المعدا .. و تبرى لحيران ٍ حغار ٍ صباحيب
الوكاد ذيك الليله رقد شالح لكن ذيب مارقد جلس يفكر بالابيات الي قالها ابوه قرر ان يجيب لأبوه بل من خيار بل عتيبه ركب حصانه الرجال و شل سلاحه بدون محدن يسمعه على شان مايقوم ابوه و مر اخوياه و قالهم بالطريق انهم رايحين لديار عتيبه على شان ياخذون منها ماء و خذوا ثلاثه ايام بالطريق و صلوا الى بئر في ديار عتيبه على شان يسقون رواحلهم و يستسقون منه و يريحون عنده و اسم البئر ملية و هي عن جبل ذهلان غرب وسط نجد و يوم حدروا عليها من جبل يطل عليها شافوا ورد لعتيبه يستسقون قرر ذيب انهم يرجعون على شان مايشوفونهم و و يعلمون القبيله بهم على شان يستعدون لهم كان من ضمن السقاء صياد اشتل سلاحه بندقيه و توجه للوادي الي انحدر معه ذيب يدورله صيد و يوم شاف ذيب راح ورى الشجر انت يالصياد و اطلق على ذيب .

وسلامتكم ..

وعليكم السلام ورحمة الله وبركاته :
اخي العزيز ابن جماز الله يعطيك العافيه
الله يرحم الفارس ذيب بن شالح وابوه وعمه انشهد ان اعلومهم معروفه وغانمه
اخي الكريم القصه مقاربه الى الحقيقه والله اعلم بذلك
ولكن عندي استفسار :
1- من الذي قتل ذيب ما اسمه
2-ومن كان مقابل ذيب من عتيبه باخذ الثار .

هـلا أرحب المنار
اي و الله الله يرحم ذيب و شالح و الفديع رحمةً وسيعه هم و جميع اموات المسلمين
و الله و انا اخوك بالنسبه لا أستفساراتك مدري بس تقول انت ان القصه مقاربه للحقيقه ياليت تقولنا القصه بالضبط أنت و لا أي أحد من الإخوان ..
و لاهنت على مرورك طال عمرك

__________________

= ياللي علينا غيرك هرج واشين .. حنا ترا هرج الهمج ماسمعناه
= لاتحسبنا بنترجا مقفين.. من صد عنا و ابتعد مارجيناه
= ياشايفٍ نفسك ترانا قحاطين .. من شاف نفسه تحت الاقدام دسناه
= من خلقت الدنيا و حنا سلاطين .. و كم عز قوم بالمعارك كسبناه
= يشهد لنا التاريخ يوم ٍ على تين .. عز الشريف و قوم ضاري خذيناه
= حنا بنجد المجد عالعز راسين .. و السيف في دم الاعادي سقيناه
= تاتي لنا الجزيه من يسار و يمين .. تاتي لبن هادي على جال مركاه

السلام عليكم

القصة مذكورة بالتفصيل في كتاب ( ابطال من الصحراء) لمحمد الاحمد السديري ...واظن الاخوان قد كتبوا عنها في المنتدى .

اما من قتله فأظنه ( نكره) ...راعي وليس بفارس وكانت رمية ً من غير رامي ... وبعد ان قتله ...أخذ رفاق ذيب جثمان الفارس ذيب وواروه في غار ورحلوا يحملون هم من يبلغ الامير شالح ....

وذهب القاتل الى جماعته القريبين واخبرهم بما حدث .. فذهبوا جميعا ً الى الغار وكانت معهم فتاة منهم ... تلك الفتاة صاحت بأعلى الصوت باكية ً على الفارس ذيب ابن هدلان ... فشتمها الموجودون لسوء نيتهم ... ولكنها قالت لهم بأنها وعائلتها كانوا جيران لابن هدلان وان ذيب كان يأتيهم بالماء والزاد وعينه لاترتفع عن الارض حشمة ً لنساء جيرانه وأنهم لم يروا منه مايعيبه ... فسكت عنها القوم ورحلوا فرحين ب ( رمية ً من غير رامي) ......

وهذا مايسميه بعض المنظرين ب ( سخرية القدر) !!! وقد ذكر لي احد الاخوان ان هناك رواية - لست متأكدا ً منها - لمقتل الفارس الجاهلي عنترة بن شداد تتلخص في انه خرج لقضاء الحاجه في الخلاء ومر به رجل اعمى .... وظن الاعمى بأن عنترة سارق اتى من اجل السرقة فضربه بعصاه الغليظه على رأسه فقتله !!!!

فالعظمة لله سبحانه ثم لمن كان مقتله واقعة ٌ لاتصدق ... وليست لمن قتله .....خصوصا ً اذا كان القتل بهذه المصادفة وليس جزءا ً من كر ٍ وفر ....

والله جل جلاله أعلم

كفارة المجلس

سبحانك اللهم وبحمدك أشهد أن لااله الا أنت أستغفرك وأتوب اليك

القصه هي الاقرب للحقيقه ومن المعروف انه قتل على يد العتبان وفي ديارهم لكن كيفية ذلك هي السؤال الاهم
والقصه اللي رويتها وهي مكتوبه في كتاب ابطال من الصحراء هي الاقرب للحقيقه

والـــــــــــــله اعلم

__________________
[قحطان لاركبت ظهور خيولها

اهتز لها مصر والعراق الاسفلي]

ابن الجماز والجميع حياكم الله.

بالنسبه لمقتل ذيب ابن شالح فقتله الراعي صحيح ولكـن لم يصوب على ذيب .. ولكنه عندما رائ ذئب مع اخوياه وشاف جهماتهم من بعيد رمى وصابة رميته ذيب ابن شالح.

يعني بالاصح رميت من غير رامـــــــي.

وللمعلوميه فا انا قرائت وسمعت ان العتيبي اللي يـرعى عنــده الراعــي ذبح الـــراعي من القهــر . ويقـول عجـزو اعتيبه في ذبحـه واخرتها يذبحه الراعي برميه غير مقصـوده بعــد.

لشـاعره

لاهنت والقصة تراها اللي قالها المشبهاني وتراها رمية من هطفاء



تحياتي

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها

ياربعي بيض الله وجيهكم بذكر الله ورفع قدركم بعمل صالح لاتنسون ذكر الله رطب لسانك

مايهمنى من الي ذبحه الهم الوحيد عندنا ان علمه بيض بوجيهنا ووصل لنا علمه بعد سنين ياليت اولادنا يصرون مثله ويستفدون من هذا القصص





ونشكركم

الله يعطيكم العافيه ياعيال الشايب ياصلب جداني على بعض الروايات عن القبيله اللتي وهي غنيتن عن التعريف عند جميع القبائل ......الحاضر والبديه ؟؟؟؟والماضيه

فعولنا بالضد كلن يعده يعده الأول لنسل التوالي