*شــارع المـليـــون* !

أبيات للتــواصــل أتمنى أن تحوز على رضاكم

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=sp num="0,black"]
قــــالو المليـون فاتك يا غبي=ليه ما شـــــدّيت عفشك للسفر
قـصّ حجزك يا رجل على دبي=وأبشر بفزعـــة يشدّ بها الظهر
كــم فقير يمكن ان بوه صلبي=في عمله من الـفجر الى العصر
صــــار يعرفه العجم واليعربي=فالقنـــــاة وفالجريدة له صور
ظهّر اسـمك فوق وإبليس يهبي=وابشــــر بقومة بني عم وجبر
وانت شـــــاعر يا ولد ومعرّبي=لو تعــــــــذّر ما لقيـنا لك عذر
قلت والله ما عـــرفتو مـطـلـبـي=علّمو عنّي الـــــجحادر والفهر
ما تحمّسني دراهم بـــــو ظبـي=والملاييـن المبيــــدة للــــــفقر
النّجـــــومــــيّة مثل برق العبي=الطّيـــــــــور تهدّ والحرّ انشهر
كـــان ودّ العــرب تعرف مذهبي=لا وردنا نـــــارد عدود النـــهر
القصيـــــــــد اللي بيوته تكتبي=لا سمعته من رجـــــــالاته فخر
مثـــل (ابن وسـام) ولا (الأكلبي)=ولا (ابن ريفـه) ليــا منـــه حضـر
المعـرفة صـــدق لاعـــب أجنبي=علّمو اللـــي مــا بعد جاه الخبر
هل عرفتو يا ربوعي ويش أبـي=ما نبي خليــــــفة الصبر السهر
فدام راســــــــي شايلنّه منكبي=ودامنـــا ننحت بيوت في صخر
مــــا يقيّمنا (دمــشقي وحلبــي)=كيـــف تلقط شارة البدو الحضر
قبــــــــــل لا أختم بصلّو عالنّبي=كيــــــف عدّيتو ليالي هالشّهر
التجاهل صعب والغـبن أصعبــي=العلـوم لها بــطن ولـــها ظهـــر
((اســمعو هرجي ويـحماه شنبي=دام ابن ثاني على كرسي قطر
والله لو يمشي السّعودي ويحبي=قد صـدر فــ(إمــارة)الدوحة أمر)) ![/poem]وسلامتكم

سعيد جدا بارائكم

بيض الله وجهك

وصح لسانك على القصيدة الجزلة

__________________

يعطيك العافيه اخوي رائد
الهدف واضح من القصيدة
لكن راجع قافية الشطر الاخير في ابياتك ..

هلابك وبقصيدتك الناضجة وصح الله السانك قصيدة تعبر عن رؤياك وقناعاتك حيال شاعر المليون والتي يشاركك في هذه الرؤيا عدد ليس بقليل من الشعراء ...

هل تسمح لي بوضع بعض الابيات التي ارى من خلال وجهة نظري انها بحاجة لاعادة نظر فتقبل النقد بروح اخوية واعلم انه نقد نقي وصادق واتمنى ان يصب في مصلحتك ...


كم فقير يمكن ان بوه صلبي
في عمله من الفجر الى العصر!!


النّجوميّة مثل برق العبي
الطّيور تهدّ والحرّ انشهر ؟؟


مثل (ابن وسام) ولا (الأكلبي)
ولا (ابن ريفه) ليا منه هدر.


المعرفة صدق لاعب أجنبي
علّمو اللي ما بعد جاه الخبر



اتمنى لك التوفيق والي الامام ..


مع فائق التحية والتقدير لشحصك الكريم

اررررحب يا عبد الله والله لا يهينك على المرور يالوافي

ارررحب يالحر السعدي الله يعافيك ولا هنت على المرور

قافية الشطر الأخير ! وش فيها

تقبل تقديري

ارررحب يا راشد الله يحيك ولا يهينك على المرور المشرف
واللي ما يقبل النقد ما يقبل المدح اكيد

1- اي صلبي يقحم نفسه في الشعر وليس له به ناقة ولا جمل وانا داري ان قصدك قدح في الشعراء المشاركين بالعكس ولكن قد يكون هناك استثناء !
2-وش الغريب بيت القصيد فالقصيدة على ما قالو
3-هي والله اصلا حضر مكتوبة خطأ ولاهنت على التنبيه
4-قد يكون غريب بعض الشئ لكن معبر !

ولا هنت على المرور مرة أخرى

بيض الله وجهك يا الكيرعااااني

وصح لسااااااانك ,,, وسلمت يمنااااااك

وافي ولا يجي منك قصوور

__________________

بيض الله ووجهك


قصيده جزله من رجال كفوا

فدام راسي شايلنّه منكبي
ودامنا ننحت بيوت في صخر
ما يقيّمنا (دمشقي وحلبي)
كيف تلقط شارة البدو الحضر

كفواعلى الحرام انكوااافي


دمت بود

__________________



أخي الكريم ادخل على هذا الرابط وصدقني ماتندم

http://www.shbab1.com/2minutes.htm



من طآح من عينكـ ؟! ومن بآقي مآطآح}~

مُنـَﮯ سلِآم لـِﮙل شِخَصَاً عنّ وُصْآلـْﮧ آبطيتْ ~••~ ومُنـِﮯْ عذّر لـٍﮙل شُخصَاً يظّنَ آنـﮯْ تجَآهلتـُﮧ


آعتذر عن آلآنقطآع بسببُ ظروف آلدرآسةة

ارررررحب يا نواف ووجهك أبيض يا كحيلان

وسلمت يمناك على المرور المشرف

تقبل تقديري