06-05-2006, 05:20 AM
06-05-2006, 11:30 AM
|
المشاركة الأصلية كتبت بواسطة عامر الكدادي
ناصر الشهواني وشهوان
وش حالكمـ بيسألني عنها ربي يوم القيامه اتهامك لي اني اشككـ 0000 ماهقيتها تجي منك ياناصر حنا نقول السوالف وسالفه تجر سالفه وياخوي الله يجزاك خير انك بتعلمني الطريق الصحيح فزعة ولد عم عساني ماخلى على العموم انا كتبت الحين لهدف اني شايف ناصر زعلان علي من فكره خطأ اخذها من الموضوع وبصفحة 22 وبصراحه مازلت حاسدك ياشهوان الله يكملك بعقلك وحلمك سعة الصدر تزيد الرجال كمال اعذروني من اي كلمه انفهمت خطأ والظاهر بحط بلوك على المنتدى حتى تهدأ العاصفه انا من ناحيتي استفدت من النقاش معكـ بالذات ياشهوان والانسان مايولد عالم كل يوم يتعلم وكل كلمه كتبتها ياشهوان ماراحت سدى000 ابشرك اني حفظت كل كلمه منها وحاطها على راسي ماهو بالضروره اقتنع بكلامك اهم شيء اني سمعت واخذت ان شالله يكون لقاء اخر في موضوع اخر اليوم حنا الضديدين يمكن بكره نكون بصف واحد وانا والله معكم في كل وقت واعذروني وربي يحفظكم |
06-05-2006, 01:45 PM
؟؟؟؟
06-05-2006, 01:52 PM
|
الاخ عامر الكدادي لا انا ولاغيري يطلعك من بني هااجر انت معروووف المشكله ياعامر انت تقوول المعرووف ما ينعرف كلام سليم من الي فاتح الموضوع هل الي فتح الموضوع واحد من الشهاوين طبعااااا لا هل العضو شهوان ولا انا فتحنا مواضيع عن الضياغم في هذا المنتدى طبعااا لا بغض النظر عن المشاركات الي فتح الموضوع واحد من ال محمد من الجدي يعني بن عمك واقربلك مني اتحداك ترووح اي منتدى ثاني لقحطان اوو بني هاجر تحصل وواحد من الشهوان كاتب موضوع عن الضياغم لان المعروف ماينعرف على قولتك والي يخليناااا مانكتب مواضيع مثل هااذي انداري بني عمنا الباقين ماودنا خطرهم تشين لكن يوووصل الموضوع انك وفي حدااا كتباتك في صفحه 22 انك تشكك الا والله لا برد عليك وبعلمك ووين الطريق الصح |
06-05-2006, 02:38 PM
|
ال عميره معروفين ولايدخلهم اي شك فهم ضياغم يابن عمي والكباره الي قال عنها الكاتب سعود الهاجري معروفه وانشد شيبانك عنها ولا انكرها ذي بعد؟؟؟ الكباره هي من اخير الابل والكسب كانو يأخذها لو ان الذي ارك معهم هو شخص واحد فقط من ال عميره يقدمونه وياخذ الكباره الطيبه انا ماني قايل هالكلام هذا كي افتخر لا والله العظيم انما هذا الصدق وكل بني هاجر تعرفه ولاهو معنا كلامي انش اشكك في بقيه فخذيه بني هاجر لا والله فجميعهم نسل الضياغم ال محمد والمخضبه |
| وعامر الكدادي لافض فوهك الكدادات مايدخلهم شكه روس ال محمد ربعنا وتنشر لهم البيضااا ولاهم محتاجين قصيد ولا غيره يثبت انهم من الضياغم فعايلهم تطووول وتزووووود من اول وتالي |
|
سؤال لاخونا شهوان عزيزي ال عميره معروفين بالكباره وشرحها الكاتب سعود الهاجري وهي اطيب الكسب من الابل وقال انهم الاولى في كسبها واخذها لانهم من سالم بن عرار الضيغمي طيب ليش ماخذوها ال شهوان دامك تقول ان انتو فقط الضياغم ؟؟؟؟
|
| شهوان انا والله الكلام هذا في قلبي من زمان ولا كان ودي اني اقوله او اذكره لانها اشياء معروفه ولانريد ان ندخل بمسؤله التشكيك ولكن انت الي حديتني على هالشي واتمنى الاجابه منك؟ |
انت ماتشك في كاتبك لكن مشكلتك انك لاتعلم ان الكثير شككو في كتابت سعود الهاجري | وشاعر بني هاجر ابن عفيشه كما قال الكدادي وانا مازلت عند كلامي ان ابن عفيشه اذا ذكر الضياغم لا يخص ال شهوان فقط بل تشمل جميع فخذيه بني هاجر |
06-05-2006, 03:06 PM
|
انا من ال جدي من ال عميره ضياغم معروف مجنانا وسبب وضعي للموضوع هو لتبين سبب خلاف البعض الي نسب بني هاجر الى شريف وكان غرضي هذا الشيء وانتو يا ال شهوان طلعتو لنا على سالفه الضياغم وتحيزتووا لها وهذا والله اكبر خطأ والي ماتوقعته منكم يابني عمي والنفوس صافيه انشاء الله وجميعكم غالين من غالين وحنا وانتم واحد يا ال شهوان |
هاجر ) ، وأحدهم هاجري ، وهم من شريف التي لا تزال في أودية تثليث وطريب والعرين في شرقي بلاد عسير
06-05-2006, 06:58 PM
|
والله ومليون نعم بربعنا ال جدي بس انهم ضياغم لا يابني هاجر ماهم ضياغم |
|
الضيغمي]السلام عليكم ورحمة الله وبركاته تحيه طيبه لجميع العضاء والمشرفين والمشاركين في هذا الموضوع اولا ً ياخواني الكرام لا يعترض اي شخص من المشتركين ان ( الضياغم ) من عبيده وعلى هذا النحو سوف ابدا وبدايتي ستكون على اقوال الكتب القديمه ومنها بني هاجر ) : من قبائل شريف ، موطنهم الأصلي وادي يعوض ، وفي أسفل وادي الهفلان ، ثم في ) المنطقة الشرقية بالمملكة العربية السعودية ، وفي قطر ، ودولة الكويت ، وفي الإمارات العربية المتحدة ، وعُمان ويقول كتاب اخر قال الشيخ عبدالله البسام : بنو هاجر بطن من شريف ، كانت منازلهم في سراة عبيدة ، قادهم شيخهم محمد بن شبعان في مطلع القرن الثالث عشر الهجري ونزل بهم من السراة إلى جنوب نجد ، فلما صارت المشيخة في حفيده شافي بن سفر ، نقلهم من جنوب نجد إلى منازلهم قرب الأحساء ، وبعضهم الآن داخل حدود قطر. ومن مشايخ بني هاجر :ابن شافي ، ابن طعزة ، ابن عايد، ابن بعيث ويقول كتاب اخر يضيف العلامة الراحل حمد الجاسر ( رحمه الله ) بقوله هاجر ) ، وأحدهم هاجري ، وهم من شريف التي لا تزال في أودية تثليث وطريب والعرين في شرقي بلاد عسير كانت ديار بنو هاجر في عالية نجد بين الثُّعل والذّنائب في أوائل القرن الثالث عشر الهجري ثم في القنصلية في أعلى نجد ، ثم في سلوى بقرب قطر ،ومنهم اليوم في الظهران في السعودية. ومن ديار بني هاجر ( الجوف ) ، ويدعى جوف الحسا ، الواقع غرب بقيق وشماله الغربي ويقول كتاب اخر ومن ( جنب ) قبيلتا "شريف" و "بني بشر" ، وتدخلان مع قبائل عبيدة في حلف جنب ، ومنهم كبطن قبيلة ( بني هاجر ) من شريف. وجاء في نسب شريف قولان ، فأحدهما يقول :شريف الجنبي المذحجي ، ويجتمعون في جنب وهم أبناء بشر بن حرب بن كعب المذحجي. والقول الثاني ، بأن قبيلتا بشر وشريف ، من عمرو بن تميم ، من العدنانية ، وهم بنو بشر بن ثعلبة بن سعد بن الهجيم بن عمرو بن تميم ، وإخوتهم شُريف بن جروة بن أسيِّد بن عمرو بن تميم بن مرّ بن أد. ومن شريف: آل سريِّع ، عبدالقادر ، بنيوس ، بنو زيد ، بنو هاجر (6). أما بشر فتنقسم القبيلة إلى قسمين هما السراة وتهامة … وعن نسب جنب وسبب تسمية قبائل جنب (7) بهذا الإسم فهو عائد لجذور تاريخية ، حيث إن جنب اسم ( حلف ) ، وليس اسم رجل كما تؤكده ذلك كتب النسب ، وهذا الحلف معروف حتى يومنا هذا وبخاصة في تهامة قحطان حيث توجد قبائل متفرقة تعود في أصولها إلى إحدى القبائل المنتمية إلى حلف ( جنب ) مع سعد العشيرة حين محالفتها له ، ويطلق على القبائل التالية : قبائل عبيدة ، قبائل شريف جماعة ابن دليم شيخ قحطان ، وقبائل بنو بشر ، وهذا المتداول عرفاً لدى العامة لحلف ( جنب ). وللتأكيد على أن هذا الحلف المسمى جنب ) قد دخلته بعض قبائل عبيدة ولكنها ليست من صلبه قول شاعر من أبناء عبيدة الذين استقروا بسراة عبيدة ) ويقول كتاب اخر ومن بطون شريف بنو بشر، وبنو هاجر، وبنو بطون وأفخاذ ترجع إلى أصلين: وهما آل محمد، والمخضبة كل الكتب هذي تثبت ان بني هاجر كلهم من شريف وانا عندما اقول ان ال شهوان فقط ضياغم ومن عبيده استند على دلايل كثيره ومنها هذا الكتاب للمغيري يقول صاحب الكتاب وهنا اخي الكريم سوف اتطرق الى كتاب المنتخب في ذكر نسب قبائل العرب للمغيري وسوف اختصر الموضوع وساكتب عن سؤالك وبتحديد عن الضياغم .... يقول صاحب الكتاب ... بني ضيغم ومنهم عبدة التي قدمنا ذكرها في شمر. ومن بني ضيغم: الفغم وجماعته في مطير، ومنهم آل بتال سكنت الرياض وقال .... وأما جماعة الغنم فهم من ضيغم وقد قدمنا ذكرهم وقال ... ومن بطون ضيغم: آل شهوان في بني هاجر المتقدم ذكرهم . ولم يقول بني هاجر كلهم وهناك موضوع اخر ايضا ً والي هو شعار بني هاجر من ال محمد او من مخضبه لم يتغنى اي شاعر من شعار ال محمد او مخضبه بضياغم او عبيده في جميع قصايدهم الى شعار معاصرين من 30 سنه وجاي تغنو بضياغم وعبيده . سؤالي لماذا لم يتغني شعار بني هاجر ( ال محمد . مخضبه ) بضياغم وعبيده الى شعار ال شهوان ؟؟؟؟ وساثبت ذالك في مشاركتي هذي الشاعر دغش بن سالم ال حامد الكدادي الهاجري يقول في قصيده له يوم على فوده جرى مـن رفاقتـي وحمدت انا ربـي وسيـع الكنايـف وا نا احمد اللي جابهم ثم رمى بهـم ثـم اتليناهـم بـحـد الرهـايـف قولوا لبجـاد يخبـر هـل الغضـا والله عليـم بالـدمـي الخفـايـف جبنـا ضحاياهـم عليهـم قريـب من السعد مانرضىلهم بالشفايـف خمسه وتسعين قضى في هل الغضا مع مثلهم راحوا لقومـي طرايـف تفرشـوا منهـم ومنهـم تلحفـوا مع مثلهم راحوا لقومـي طرايـف ياما غدا فـي دقلنـا مـن سنافـي عليـه يبكـن البـنـي العفـايـف ياما بكى من حربنـا مـن معـادي من همنا ما يمـرح الليـل خايـف من وقع ربع في اللقا تحرز الوجايب حريبهم يشكي الونـي والحسايـف على سالم زيزوم حمر ايلا اقبلتـب هواجـر تتعـب جميـع الطوايـف ايلا قربـوا جمـع لجمـع وقابلـو اوهابوه مكرمة المهـار العسايـف دفعها بكفه واقتصـر فـي حبالهـا وضرب مكلوي الجمع ماهوب خايف ربع على اهل الجوف شفنا مليحهم على الخيل ورد والبكـار العسايـف عطونا على الفاقه نهار قضي لنـا وعليهم بياض الوجه في كل نايـف وهذي قصيده الشاعر راشد بن عفيشه ال شهوان وظياغم مـا خلقـو الا عنـا لـه من وقعنا اللي يمتني الذيب سرحان كم راس شيخا من متونـه نشلـه ايلا تلا قينـا والاريـاق يبسـان لا كلحـت لانيـاب خطـر محلـه بمصقلات سغـل صنـاع نجـران نروي النغلـب والوديـدي نعلـه كله لعنـا الغـر سحـاب الاردان ابـو دليقـا فـوق متنـه يهلـه ازبن عكف باشا يردد لك الشـان والغلـب طـوع وباقـي الهـرج وهذي قصيده الشاعر حرفاش بن ناشي الكدادي أقول ذكر الله وصلوا على النبـي قبل الهروج وكل طـاري جابهـا اباعـد فعـل الله وفعـل رفاقتـي لا جات هيـات يضيـع حسابهـا هياتنـا لاجـت علـى حفيفـنـا كـم حـلـة هياتـنـا خرابـهـا حنا بنـي هاجـر عـذاب للعـدا من عصـر الأنبيـاء واصحابهـا حنا قصاصيب النفوس إلـى دنـت لاجـات تحـدا والولـي جلابهـا كم جـادل منهـم طويـل ويلهـا تبكي مـن الحـرة تطـر ثيابهـا تبكي على كل ابلـج فـي دقلنـا غـدا وعقبـه شوفنـا عذابـهـا لاجيـت بأعـدد فعـول رفاقتـي بيلدني طـول الزمـان حسابهـا باعد ما واجهت معهـم ذا السنـه فان لا ولت أسـج والا انسابهـا باعـد فـوق مريقـب مخيـلـه هلت وجاء رزق الطيور سحابهـا هلت ومصبوب الرصاص لها بـرد وعج السبايـا والمـلاح ربابهـا على أبن جمعه يوم زار بجردتـه وهيـة يبطـا وهـي يحكـا بهـا جانا بقوم شوفهم يقطـع الظهـر من يوم قبـورا لنـا يحيـا بهـا جانا بشذرتهـم وسلـت حربهـم عقيد قوم فـي اللقـا يدعـا بهـا عجمان ظفران رزال في الوطـن كبار الجموع إلى خضـب قرابهـا جانا بكـل مجـرب فـي جرتـه يبغي ابلنا مشفين علـى حلابهـا خيلـه ترمـل والكمـي بيارقـه علـى البيـوت مقـدي صلابهـا من قو قومه يوم هو مرهي بهـم اقبل على البل في الضحى ما هابها واقفا يسوق البل ماهوب يهجهـا مشفى على الغراد والملفـا بهـا حكل بحكلا ما أسلمه مـن شرنـا سياتنـا جاتـه بحـذف اسبابهـا من يوم شاف الخيل لحقت بالشهر عاف العشاير عقب عذق وجابهـا جنب زماميله وغضرف بالكمـي يبغي السلامه من عسال حرابهـا والشر جاتـه تدفعـه بنحورهـا خيـل الهواجـر متعبـت حرابهـا هل سربة منها الفرج لمـا قبلـت تـرد المنايـا يـوم كـل هابهـا أهل مهـار كـل ماثـار الدخـن لا هي على التالي تعـوج رقابهـا يوم على العجمان جاء سعده لنـا عصرية ربـي عطانـا اشبابهـا جيـش تجمـع والقلايـع خايـره وكم من جـواد حولـوا ركابهـا منهم خذينا الزود وعيـال الطلـق واللي عريب جدهـا يشبـا بهـا مـن عندنـا حقوبهـا هزيـمـه إلى الجوف مالتموا وهم ذهابهـا منهم كلت سحم السبـاع وغببـت واهدت على الويوان باقي زهابها كلـه لعنـا الخلـج لا ترابـعـت في اسناعنا قامت تعـوج رقابهـا وآلا لاعنى الضيف في عسر الغلا غبق توالـي الليـل در أحبابهـا وآلا لاعنـى كـل عـذرا وقفـت شافت عدايلها الكمـي قفـا بهـا يا ليتهـا معنـا تخايـل طردهـم حتى تبـرد صدرهـا ممـا بهـا شافت هداليـق العيـال تعطفـوا كل ابلـج خـده يـدوس ترابهـا وصلوا على ذكر النبي واستـاردوا أخير مـن سوالـف يحكـا بهـا وهذي قصيده الشاعر عمير بن راشد بن عفيشه ال شهوان يا غتيرٍ بالقبايـل وتاريـخ العـرب جدنا اللي سبع الأفيا شكوا حرايبـه حن بني ضيغم عبيده عريبين النسب من بني هاجر وقحطان حن ضرايبه جمعنا يشدي قنيف يزايفـه المهـب الهنـادي بارقـه والقنـا سحايبـه والرعد حس المحبب الى منه نحـب والغثير وعج صم الرمـك سكايبـه ما نعيل الا إيلا من حرك العايل سبب وإعتمد بأمراً وكبرت بنـا مصايبـه ما يفك المنتشب من مدورة النشـب كون من لا يحسب القبر كم نصايبه لامشينا بالسلايل وحذفنـا السلـب واحتمى سوق الفناء والتقت مصايبه نرد ميراد الظوامي على جال الثغـب ماردٍ للخيل بيـن المـرج والعايبـه ذا لا عني صافي الخد مزفون الهدب جادلٍ يضفي على منحـره ذوايبـه نلتقي للضد شروا قصاصيب الجلـب لين مجلبنـا يوقـف مـع جلايبـه مجزراً لاولاد به مثل عمري الخشب لاحدر به جارح السيل من شعايبـه وإن بغـى زودٍ حايشـة النـكـب ضربةٍ في الرأس والا مـع ترايبـه وان تنزح ناصله فوق زينات الودب نقصر العنوه على من بدت سبايبـه ننثـر الغـاره ولـو فيهـا الجنـب لين يظهـر كـل متوجـد وجايبـه وهذي قصيده لشاعر محمد بن زايد ال حصين ال عضية بديت باسم اللي عزيـز شانـه وهو المصير اللي له المرجاعي وقمت أتمثل يوم زان لي المثل وعلى المعاني بان لي مهياعي وباعد نزل الله وشوفة عينـي وباراعي اللي للعبـاد يراعـي وما نيب مثل اللي كذب في قيله والكذب ما يرفع قصير الباعـي والصدق برهان ويبطل غيـره وفجوجها للغانميـن وساعـي غرنا على ابل القوم في مفلاها وقدنا عنيق المال لين انزاعـي واقفـوا عليهـا لابـة شريـه والذيب ما يرقد إلى من جاعي حالوا على ابل القوم كل مجرب وللخيل نطاح وللبـل شاعـي هواجر من عصر نـوح الأول حريبهم من فعلهـم يرتاعـي ولحق الخفيف له بمقدم سر به له نيه فينـا وظنـه ضاعـي واقفا وخلى سابقه مجضوعـه وابن جنيح يطحس في القاعـي وعافوا لقانا يوم شافوا وقعنـا وفهيد ينشد شايبه مـا ياعـي ويقول يا يابه عساك عرفتنـي وربعه على رأسه تجر الناعي هذا لا عنـى جـادل مسلوبـه سلبت وخلوها بغيـر قناعـي قامت تنادي الغايبين من أهلها كل ابلج في الضيق ذكره شاعي يا ليتها معنا تشـوف بعينهـا يوم الفشق من بينـا ينزاعـي وهذي القصيده لشاعر عمير بن راشد ال عفيشه ال شهوان ياسعيد كـان تسـال جـدٍ وتحفيـد لـك معنـويٍ باصلنـا تستفـيـده يمكن عليك نـزل بالخبـر ونزيـد انشد هـل التاريـخ تلقـى وكيـده حنا الذي يضرب بنا الوصف ياسعيد كـل يبـي منـا معـانـز بـديـده وحنا وعبدالله ولـد علـي وعبيـد غرامـة دون الـجـدود البعـيـده وعبيد مروي صارمه في الاطاريـد والنـاس لافعالـه شهـود وقعيـده ومحمد الـي لبـس تـاج المقاليـد سور الجبال حاميـه عمـن يريـده حنـا وهـم عصبـه بعـد وتاكيـد ضياغم مـن روس جنـب وعبيـده هواجرٍ يوثـق بنـا فـي المعاهيـد قحطـان ابونـا حافظيـنٍ رصيـده ونزهين من قرب الدنس والمناقيـد وعروضنا مثـل الثيـاب الصفيـده وقصيرنـا ماحـن لبيتـه رواويـد لا غـاب منـه ليـن حتـى يعيـده ولا نختبي دونه بالاشيـا المزاهيـد وايديننـا فـي غالـي الـزاد بيـده ونتبع مراضي جاهله لو على الديـد ولاكرام جار البيـت نفـرح وليـده وان مـر كلبـه ماحذفنـاه بالحيـد لو كان مانرجي ورا الكلـب صيـده ونرعى مراحيله لو هـي مغاميـد وعلى كرامه ضيفنـا هـو قعيـده وخوينـا نكمـد مشاكيـه تكمـيـد لـو مايهوجـس يمنـا بتعـويـده وان جاو اهل جيش ونايا مضاديـد ماذاقوا امـس الا شـلاوي قديـده نقحص لهم بالهيل تـرس المباريـد والبن يحمس جمر الارطـى وقيـده ونجهـز لشتـوي دفوفـه ملاهيـد ويفهق لهم عقب العشا بـه بريـده وان زارنا العاني لبعض المقاصيـد متعلـث ماننشـده عـن سـديـده ونذبح سمان الضان له والمفاريـد ومن جـاد للعانـي فرحنـا بجيـده وان زارنا المجرم يقـزي الاذاويـد ينزل ويرحل ماجعـل لـه نضيـده فوق العلا نرفـع مبانيـه ونشيـد اليـن يبعـد عـن وطنـا شديـده وان هازنـا ضـدا عمدنـا بتكويـد عود بغبنـه عبرتـه فـي وريـده نجعل علـى زوره رسـوم مجاديـد ويبطي وكبده مـن سنعنـا غديـده وان انتزح منـا ورا نـازح الميـد فالجيش يقطـع مستـواه وقويـده ماهـو علينـا لا بغيـنـاه بعـيـد ونصبر على حر الزمـان وجليـده ناتيه في الكنـه حلـول المواريـد مقيـال والا نرضـمـه بتهجـيـده يصبح قطيعه بيـن الايـدي تباديـد ويفرح ايـلا ردوا عليـه الشريـده واقفوا على ابله شايليـن التغاريـد وعتاض في الهجمه زوامل رغيـده ومن زان حنا لـه صديـق اجاويـد وخـوان للشيطـان لفتـل قـيـده لاحركوا الاسباب بعـض المقاريـد نوطي على الزرب الصريع وهميـده وان صار من عقب التساهل تلاديـد فالرابـح اللـي مقبلاتـه سعيـده شغل النضا والخيـل مافيـه تبنيـد فـي كـل وقـت لابسيـن عديـده وان ثار عكنان كشف غـره الغيـد ندعي النفوس الغاليـه بـه زهيـده نلقط على الهيجا وحـس البواريـد لو كان ماينفـع عضيـدا عضيـده الى وصلت الذلـه معلـق الاواريـد واللي معـه جريـا تقاصـر فديـده ونفرح الى من صار صك وتسنيـد الى استرغب الطارد بقبض الطريـده وصار اجتوال الخيل تـن وتفاريـد وكـل يخايـل غـره فـي نـديـده وهـذا عليـه معوديـن تـراديـد ونحيي الامور الماضيـه بالجديـده وعشنا على صايب ومصيوب وشهيد وهـذاك ممنـوع تعـزف ذويــده وهـذاك معتـدي وذا كاسـب فيـد واصبح يوزع بيـن الادنيـن فيـده تمـت وصلـى الله وسلـم بتجويـد علـى نبـي مخلـص بالعقـيـده كل هولا الشعار لم ياتي واحد منهم في قصيده واحده الضياغم او عبيده الى الشعار الي من ال شهوان هل هولا اشعار لا يعرفون اصلهم الى شعار ال شهوان ؟؟؟؟؟؟؟؟ وفيه ايضا ً موضوع اخر والي هو هجرت بني هاجر من الجنوب كانت هجرت بني هاجر من اخر الهجرات الكبيره من الجنوب لكن هجرت ال شهوان كانت قبل بني هاجر بزمن طويل وانا اطالب الجميع من يقرا هذا الموضوع ان يدخل في منتديات قحطان ويشوفون موقع بني هاجر مع اي قبايل قحطان بتحصلون بني هاجر الفخذ الخامس من فخوذ شريف في كل منتديات قحطان وانا ايضا ً اطالب من يقرا الموضوع ان يلقي نظره على شجرة قحطان الي في منتديات قحطان ويشوف بني هاجر وين سيجدهم طبعا ً مع شريف وانا اطالب اي شخص بيجيب قصيده لايجيب قصيده لشعار ال شهوان يجيب قصيده لشعار ال محمد او مخضبه وتمنى اقرا اجوبتك |
| وحتى لو فرضنا ان الكباره صحيح ( خلنا نفرض ) يعني الكباره بدخلك في ضيغم ؟ اخي العزيز بني هاجر خلك منطقي |
| في كتاباتك ومدخل الكباره لو افترضنا انها صحيح ؟ وش دخل الكباره في ضيغم ؟ |
| لماذا لم يتغني شعار ال محمد ومخضبه ( بضياغم . وعبيده ) في اشعارهم غير شعار ال شهوان ؟؟؟؟؟؟ |
| لماذا الكتب القديمه كلها تقول ان بني هاجر من شريف ؟؟؟؟؟ |
06-05-2006, 08:13 PM
06-05-2006, 08:39 PM
| ماودنا ان حنا نوصل لموضوع التكذيب لاني اكبر من هالشيء واسمى ورحم الله امرأ عرف قدر نفسه |
عشان جى على هواك [/size][/color]|
قص ولصق وكلامك هذا انت تعيده الف مره ومره ولكن لن تغير شيء صدقني وانت في جميع المنتديات تحاول ان تثبت نسبك في الضياغم واللحين تقول ماعندك شكه شلون ماعندك شكه اونت تغير وتشيل وتحط على مشتهااااك هل يعقل هذا يسامحك ربي بس
|
|
حتى كباره ال عميره تكذبها؟؟؟ ياوالله الكلام الي ماهوب على سنع شهوان انت من ال شهوان ولا اخاف انك مسمى عليهم؟؟ كيف من ال شهوان ما تعرف كباره ال عميره الله يسامحك |
|
قسمن بالله والي رفع سبع ونزل الارض ماحلفت بزور سالفه ال عميره معروفه وانا خوك ولايكذبها الى الردي والناقص تشكك في سالفه يعرفونها قبايل قحطان كلها وانت ياشهواني اتغيشم فيها؟؟ ياخي علمني اذا هو شيء بنفسك خلنا من اللحين نصفي النفوس ماهقيت لهدرجه تتحامل علي وتوصل فيك ان تكذب بطن بحاله وسوالف الكباره الي يتناقلونها علومها اول وتالي وتقولي ماسمعت |
|
وهذا ترا ماهو موضوعناااااا لكن انت اللي حديتنا على هالحكي ال عميره وانا خوك اسمع العلم الكباره ياخذونها لانهم عيال سالم بن عميره وجدهم عرار الضيغمي واذا انت تقول نشدت عن السالفه وكلن يقولك اول مره نسؤل فيها من الي نشدتهم؟؟ ياخوفي ان قلبه ميت هذا الي تاخذ منه العلوم بس |
|
الكباره ياخذونها عيال سالم بن عميره من 750 سنه يعني على ايام ابوهم عرار الضيغمي ومن اول العرب تقدم الطيب وتقدر وتحشم الي لهم شأن عرفت وانا خوك ودخله في الموضوع انهم ضياغم اصل وفصل كبقيه بني هاجر الباقين وكتاباتي يوم تقول فيها حشو سلمك الله كتاب خلان الاشده اظن ماهوب ممنوع عندكم في قطر افتح عليه وتعين موضووع مكتوب من صفحتين وعنوانها ( كباره ال عميره) |
الله يهديك العتقاد انك من الضياغم ودتك في ستين داهيه يابوك انت من ضمن بني هاجر| محد تغنى من الشهوان الى ابن عفيشه واسبابها يوم العرب بتنشد عن اصله وعلمهم انه من عرض بني هاجر الي هم من الضياغم والله يرحمه |
اوكي ارجع القصيد راشد بن عفيشه الي بينه وبين قصيدة ولده لا يقل عن 80 سنه وكان يقولها حربيه بعد عشان يبين لناس اصله لا تقول ايه بعد | ومن اول العرب ماتذكر نسبها في القصيد تذكر الفعل والرجال الي اشتركو ويوصفون العرب مثل شعار بني هاجر الي يشاركون حرفاش بن ناشي وابن شويع ال ضمين وغيرهم من ال محمد والمخضبه |
| يعني بن عفيشه حاله خاصه واولده كذلك يوم نشده واحد عن اصله رد عليه بقصيده معرووفه |
|
واليوم يوم الناس بخير ونعمه ولله الحمد ابناء بني هاجر يتغنون في اصلهم ويتغنون بالضياغم وعبيده ولا ذكرو قصيدهم عــــــــبث الى رجال من ظهور رجال وعارفين معدنهم ونسبهم وشاربينه شربه الرضيع للحليب |
؟
06-05-2006, 09:03 PM
|
ياخي الفاضل حشى انا ماقلت انك كاذب انا الحين بقولها انت ضايع ومعلوماتك ناقصه ومعتمد على كتاب انكروه بني هاجر القاصي والداني هل تنكر ان الكتاب المعني ممنوع في الكويت ؟؟؟؟؟؟ |
| اسم الي تبي تنسب نفسك له فلاح بن عرار بن شهوان بن منصور بن منيف بن ضيغم |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
العرض العادي
