أنا لا بغيت آسج واسلى مع السالين = تعرض لقلبي ما يجدد معاناته

[poem=font="Arial,5,black,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
أنا لا بغيت آسج واسلى مع السالين=تعرض لقلبي ما يجدد معاناته
هموم بقلبي طاولتني ثمان سنين=هنّي الذي لا طرّف الليل ماجاته
وانا في رجا اللي ما يخيّب رجا الداعين=يعدل زمانٍ كاثرات ملفاته
عرفنا من الدنيا صديق القسا واللين=وصيور الرجل يِبحث خفاه ونهاياته
ومن سَمْع ما هو بمثل من شاف بالثنتين=ولا كل من يروي تصدق رواياته
ومعدن ردي الساس وقت اللزوم يبين=ومعدن عريب الجد تظهر علاماته
وسيع المعرفه واجبه يرشد الغاوين=ولا كل من قصّر تقصّر طويلاته
وعمى عيني الرجال يركض ورى المقفين=يسوم الكرامه بالفلس عند شماته
ولا يـثلم الرجّال مثل الفقر والدين=ولا تنفع المبغوض كثرة علاقاته
ولا كل من سولف وغنى يجيب الزين=هدور المجالس ما تفيده دعاياته
ولا يجرحك مثل الخطا من طرف غالين=وكلٍ يجي رزقه على قِد نياته
وراعا الوفا ينهج على منهج الوافين=ومتصنـّع الطاله تضيع اتجاهاته
وأنا منزلي عند النشاما يسر العين=وقسمي مع اهل الطيب علـّيت راياته
هذي ترجمة هجسٍ لفاني عصر الاثنين=وكل مع هجسه يترجم معاناته[/poem]

__________________