شيلة [يا ياسر عليك آمان ربي مـن الحسـآد] بصوت : محمد بن زميع

السلام عليكم ورحمة الله وبركاته





مساء الخير على الجميع (مراقبين ومشرفين وأعضاء وزوار )






قبل لا أدخل في الموضوع ..



عمركم سمعتوا بــ (غدرة طيب) ؟


صح إن الغدره ما يسوّيها إلا شخص ردي


لكن الغدره اللي أتكلّم عنها وصارت لي تختلف عن غدرة الردي


الغدره اللي جآتني (غدرة طيب وناموس )



تبون تعرفون من اللي غدر فيني ؟




عبدالله بن غفره



الرجال هذا رشّحني للاشراف وخلاني مشرف وأنا مدري



طبعاً القصور فيني لأني مبطي ما دخلت المنتدى



لكن اللي بأقوله لك يا عبدالله .. عسى الله يرفع قدرك ويعزّ مقدارك



طبعاً ولا يهون اخوي ابراهيم الرفيدي اللي بادلني نفس شعور اخوي عبدالله



وإن شاء الله نكون عند حسن الظن في ثقتكم الغاليه ..






وبهذي المناسبه ..




أهديكم شيله جديده للمبدع : محمد بن زميع




والقصيده من كلمات الرائع : عبدالله بن سحمان






تشوش الحميا والهواجيس قـدح زنـاد
وقلبي من الأحساس ضخـت شرايينـه

عليك الله اكبر يا زمان أمس يـا جحـاد
وانا ماتوقعـت الزمـن ناسـي حينـه

جملنا جملنـا قايـد الزمـل مـا ينقـاد
ولو هو برك للحمـل كثـرت سكاكينـه

يا ياسر عليك آمان ربي مـن الحسـاد
ضعيـف يـدور زلتـك _فاتـح عينـه

ترى من جداه يراقب الناس بالمرصـاد
ضعيف خفيف ماش حيل و ولـد قينـه

يعقب الردي واللاش ومزهب الأصفـاد
ومن بروز أسمه قبل يكتـب عناوينـه

ومن غار مالقناص بالما العكر يصطـاد
إذا ماشبـح للنايفـه تقصـر يديـنـه

ألوووف الحشود_العام في خانة (الآحاد)
وهذي السنه ترقـص لإعـلام وتدينـه

من الزوبعه بانت نفـوس تبـث أحقـاد
وعرق النسب دساس ويحـدد الجينـه

يشوفون أسمك واللقب طـاول الأمجـاد
أناس ضعاف تخرج المـرأ مـن دينـه

لما أكبر ولدهم لقمتـه قربـوه الـزاد
و ولدنا يموت من السحا ما حد يعينـه

ورشفة عسل مجرا تداوي غشش الأكباد
ومن يصعب علاجـه فحنـا مداوينـه

تعصب حميـا هـزت مـدرج الأستـاد
وميول النوادي لأجـل عينـاك ملغينـه

تحزم ترى منـت بلحالـك وراك أعـداد
تدوس الخطر والنذل والهييـن تهينـه

يا بو سعيد براق الحيا حثحـث الرعـاد
وسالت مزونه وأروت الزرع والطينـه

وجبال السراه ارسى من العارض المنقاد
ومن طيب صيب الأرض تثمر بساتينـه

تهب الريـاح العاتيـه ثابـت الأوتـاد
ولازعزعـه ياكـود ثـورة براكيـنـه















اضغط هنا لتحميل الملف








أتمنى أن تنال على إعجابكم ..





وعسى الله يحفظ الجميع

ابيض وجه

لك تحياتي

__________________

تستاهل الطيب يا ابن شايع

وابو غاده ما هي غريبه عليه ... فالطيب من اهل الطيب مهوب غريب.


لاهنت على هذي الشيلة ولا تحرمنا جديدك

__________________

ابو صقر



وجهك ابيض



ولا عدمتك على هذا المرور



والله يحفظك ..

سلمان ال سعد



ولاتهون وجعل عمرك طويل



وابو غاده يستاهل كل خير



وكل الشكر على المرور الجميل


والله يحفظك ..

بيض الله وجهك وانت تستاهل الطيب

وصح الله لسان عبدالله بن سحمان

وجلعنا ما نعدم ذا الصوت يا محمد بن زميع من اجمل الاصوات اللي سمعتها اداء مميز

لا هنت يا ابن شايع الله يرحم شيبانك

تقبل تحياتي

اخوك

بيض الله وجهك وانت تستاهل الطيب

وصح الله لسان عبدالله بن سحمان

وجلعنا ما نعدم ذا الصوت يا محمد بن زميع من اجمل الاصوات اللي سمعتها اداء مميز

لا هنت يا ابن شايع الله يرحم شيبانك

تحياتي00000000اخوك

ارررررررررررررررررحب يا ابو شايع في محلك


ويالله حيه .... وش اخبارك ...

وبصراحه الرجل المناسب في المكان المناسب ... ولا هوبقصور في باقي الاخوان


,,,,,,,,,,,,,,,,,,,,,,,,,,

وصح الله لسان زميلنا الشاعر عبدالله بن سحمان.... وسلم اللي غنى القصيده ومن نقلها


جعل عمرك طويل يا كحيلان

ولا هنت

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

تستاهل الاشراف

وعبدالله ما عطاك الا لأنه يثق فيك

وأنت بلا شك أهل للثقه


وجاري التحميل

وتكفى أي شي لبن زميع لا تأخره

__________________



لأستشاراتك القانونية أضغط هنا
لوجه الله تعالى

وجهك أبيض يا خالد


ويستاهلون عبدالله بن سحمان وبن زميع كل خير


وكل الشكر على هذا المرور المييز


وعساني ما انحرم منه


والله يحفظك ..