بعض العرب ماينعطى وجه بالحيل

[frame="10 90"]

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
بعض العرب ماينعطى وجه بالحيل = ليا عطيته وجه صار إلك عله.
وبعض العرب ماله سنع لكن حليل=وبالضبط كنك لاتعمنت ظله.
وبعض العرب من وين ماجيت كوكتيل = وفي زعمه إنه يفهم الكون كله.
وبعض العرب لايهيضك ثرثرة ليل=وبكره ترى ماقال لك شي لله٠
وبعض العرب ماتصيده إلا مع الذيل=والا بغير الذيل مانت ابتدله٠
وبعض العرب تلقاه بالحط والشيل= أما بغير الشيل والحط لله٠
وبعض العرب ماغير بندق ودربيل=ومن وين ماهب الهوا جايزن له٠
وبعض العرب محتاج رفعه وتنزيل= وخله على هالوزنه اللي تعله٠
وبعض العرب ماهو بحاجه لتحليل=وزنه معك تربط عليه وتحله٠
وبعض العرب لابالله الا تهاويل=مهما عقدت العقد لازم يفله٠
كد دربوه ولكعوه الرجاجيل=ومن قبل مايصير الحدث حاسب له٠
وبعض العرب لاهو بعاقل ولاخبيل= ولا له إليا منه ردا الوقت لله٠
وبعض العرب لا بالله الا مهيبيل = لا تنصحه يزعل ولا تستظله ٠
وبعض العرب تلقاه بالقول والقيل= يروح من شله ويرجع لشله٠
على الهوا ينقل كلامك بتفصيل= وايا خبر من حضرتك جايز له٠
وبعض العرب ناقص ولا يوفي الكيل= ومنه تعاف المدح والطيب كله٠
وبعض العرب يصلخ وينفخ وهو ريل= وليا بخصته ماتجيه بمحله٠
وبعض العرب يسلك مع الناس تمثيل= وليا لقاله طيب(ن) يستغله٠
وبعض العرب بالخلق تاتيه تشكيل= ومسحوب من درج الرجوله سجله٠
والوقت هذا وقت بزنس وتظليل =تعاف لا برقت دقه وجله ٠
أطلب من الله العزيز التساهيل =بأمره وعلمه كل عسر(ن) يحله٠
وصل الفروض ويقبلن التنافيل =وحافظ على حلتك كان إلك حله ٠
وكانك شجاع القلب حارب إسرائيل=قبل اليهود القدس ماتستحله ٠
وكلش يهون الا الثلاث الغرابيل = المسكنه والمهزله والمذله
[/poem]
منقـــــــــــــــــــــــــــــــــــــــــــــــ ول ٠[/frame]

__________________

أجمل شي في ألانسان قلب صافي يدعو لك

صح لساااااااان كاتبها ....

قصيده جزله و قيمه جداً .... ابدع فيها ايما ابداع ...

يعطيك العااااافيه يابو ريان ,,,,

__________________

كوكب زحل تسلم والله صح لسااااااااان كاتبها وفعلا هذا حال العرب

__________________

أجمل شي في ألانسان قلب صافي يدعو لك

ابو ريان

بيض الله وجهك على النقل المميز ويعطيك ألف عافيه يالغالي


وصح لساااان قايلها وتسلم يمين ناقلها

__________________



ممصمنا المبدع
تركي العلياني
ألف شكر لك

اخوي ابوريان لاهنت وبيض الله وجهك اسمحلي القصيده لشاعر معروف لم تذكراسمه



وبعض الابيات مضافه وبعضها ملغى انانشرتهاكامله طبعا بعداذنك ومشكور على اجتهادك

__________________

@ ابو ريان@

بيض الله وجهك على ذي النقل الطيب

وصح الساااااااااان قااااايلها وسلمت يمين ناقلها

تســــــــــــــــــــــــــــــلم وبيض الله وجهك

بن غفره تجياتي لك وتسلم

__________________

أجمل شي في ألانسان قلب صافي يدعو لك

الشواطي راعي عقدان

انا لااعرف الشاعر ولم اضيف اي شي ولم الغي شي وعايدي تسلم على هذي الملاحظه يالغالي

__________________

أجمل شي في ألانسان قلب صافي يدعو لك

انا الغالي تسلم وبيض الله وجهك وجه كل عضو في هذا المنتدى الجميل

__________________

أجمل شي في ألانسان قلب صافي يدعو لك