عبدالله بن عايض الفهري @ سعد القحطاني (( بدون ردود ))

[frame="9 80"]

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عبدالله بن عايض الفهري
يا سعد يا مرحبا بك وشوفك يـوم عيـد=يا سلامي والغلا يزدحم وسـط الصـدور
انت رجل(ن) لك مكانه وهيبـه بالقصيـد=ولك موقف بالمواقف ولك راي(ن) وشور
سعد القحطاني
البقا بك مرحبابك وقمنـا مـن جديـد=جعلها ليله على اهل الوفا خير وسرور
هيبتي في كل موقف وسيفي من حديد=وانت تعرفني لكن لاتلـف ولا تـدور
عبدالله بن عائض الفهري
قم وخذ لك ركعتين وتشهد يا شهيـد=انت ذا الليله من ضيوف غبات القبور
الله انه يرحمك يا سعد جعلك سعيـد=ودع الوادي وجعلك بجنات(ن) وحور
سعد القحطاني
الشهاده خاتمـه طيبـه ميـر العنيـد=يلعن عنـاده نهـار الملاقـا والنشـور
مانقول الراي عكس السديد او هو سديد=والسديد إن شار شوره سداد ولا يبـور
عبدالله بن عايض الفهري
دامها ما بين كبسه وضرب(ن) فالعصيد=ما يبين الفرق بين الثعالـه والنمـور
وكم ردي(ن) شيخه كثر ماله والرصيد=والفقر كسر مجاديف وافيـن الشبـور
سعد القحطاني
ما معك خاتم سليمان وسيف بن الوليد=الفطور العصر والا الغدا بعد السحور
يامفكر في زمانـه ونـاوي بالشديـد=اعبر الدرب السهل كان قررت العبور
عبدالله بن عايض الفهري
الوفا يجري مع الدم في مجرى الوريد=للصديق اللي معا صاحبه لا ما يبـور
والجروح الساطيه تلتحف ثوب الصديد=مير لا تنبش خفايا ولا تجرح شعـور
سعد القحطاني
لاذكرت السالفه قلت مـاودي تعيـد=العن الشيطان وابليس صاغر و محشور
مادخلنا شك لو الهوى هب الجريـد=وقتنا الحالي يارجال وماظية العصور
عبدالله بن عايض الفهري
كل ما قلت اعترف قلت لا والله جحيد = ويا عسى لعصاب ما تنفلت مني واثور
وانت ربي خيرك بين نفي وبين قيد = وان بغيت الراي خلك على الشده صبور
سعد القحطاني
تالي الليل انتبه دام شيطانك مريد=مايدمر ناطحات السحاب إلا الغرور
كلنا قلنا سلامات ياعبدالمجيد=خارج من الشر يا امير ياجعله طهور
[/poem]
[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة