اسوق رجلي (( ارجو التقييم والنقد البناء )

[poem=font="times new roman,6,black,normal,normal" bkcolor="transparent" bkimage="backgrounds/8.gif" border="none,4,gray" type=2 line=0 align=center use=ex num="1,black""]
لاعاده الله عيد الأضحى وطاريه = هيض على قلبي شجونه وحزنه

جيت اتسلى واتناسى طواريه = واففيت انا وخطاي ماهي متزنة

ياوجدي وجد منهو ضيع هقاويه = ويامل قلب جابت اقصاه ( ...... )

جرحه عميق وبينات مواريه = وجسمي لاجل حبه فقد نصف وزنه

اشكي على المنعور ( ... ) واناديه = وازهمه انا من بدة الناس لأنه

جرب عذاب الحب قبلي وبلاوبه = ولاحى حمام الورق من فوق غصنه

ولأنه بخيس به وبأمه وبابيه = ولأنه عديلي في الهوى والمضنه

اول وانا واياه غالي وغاليه = مسجون في قلبي وانا اخترت سجنه

وعيا عذولي لا اتهنا واهنيه = وياشينها وان كان له حق ومنه

مالي جدا ياكود طيفه وانا جيه = ليلي غدا مابين عبرة وونه

اسوق رجلي صوب بيته ولا اجيه = اخاف انا هرجة عذولي وظنه

اهواه انا واهواه واهواه وابيه = ابيه انا والشرع حاديني عنه

عجل ترى رفيقك البعد كاويه = عجل تراني احتري منك رنه[/poem]