[poem=font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=1 line=0 align=center use=ex num="0,black"]
هذه قصيدة قيلت في المناسبة التي اقامها الشيخ ذيب ابن مترك بن شفلوت بالجله وهي قصيدة
رثائية في والده الشيخ // مترك بن شفلوت رحمه الله

من هجوس الشاعر اللي لا بدا الواجب بداله=وان وقف فالماقف الغّصاب جاب الصدق كله
شاعر لا جا مجاله ما يفرّط في مجاله=له قريحة تبدع المعنى وله قلب يدله
بينه وبين الكلام الذرب من صغره زماله=ويقنص الوقت المناسب للقصيد ويستغله
بوه قبلٍ ياخذ امه ناشدٍ عن فعل خاله=والشجاعة والوفا في شايبه طبع وجبله
من بني طلق العصاة وتحت راية بن جلاله=وعزوته فالاد مند ي سعد منهم عزوتله
راسي مثل الجبل ماحركه هب الهوا له=كون يوم فات جاته فجعةٍ من صاحبٍ له
مابقت تسوى حياته وقتها شربة بياله=مجلدٍ كنه على الحجان مضروب بسله
فلا تلومونه لا شفتوا حالته ذليل حاله=حالةٍ يرثالها والكبد كنه فوق مله
والدلاله شيب راسه شيب راسه هو الدلاله=بذته سود الليال وشيبت به قبل حله
غترته تمسح دموع عيونه ويضحك عقاله=والبشاشه مضمحله فيه يعني مضمحلة
الله يجازيك عنه ياللي ارسلت الرساله=وايش سوابك سعد شفلوت يومك مرسل له
ساعة كنها شهر من يوم هلهّ ليهلاله=انحنت بسبابها روس المراقيب المطله
وان نشدتوا قلتوا الرجال ويش اللي طراله=قلت علم هز صطح الارض قبل ايام قله
صار للمجلس حديث وصار للاعلام هاله=فالتلفزون السعودي والجريده والمجلة
ماهقيت ان فيه شخص سمع فيه ومابكاله=وما مسح دمعه بكم الثوب لين الكم بله
والله ان حتى صغير السن والعود الهلاله=كل عينٍ دمعها من فوق وجنتها تهله
فكان قلتو موت مترك يا عسى الجنه مآله=قلت موت الشيخ مترك الله الله الله الله
حكمة الباري تعالى شانه وجل جلاله=اصطفاه وراد يقبض روحه ويطوي سجله
والعزا واحد جنوب الدار ولا في شماله=للقريب وللبعيد وكل من جا عانيله
من عبيدة وقحطانٍ ومن نصى الجله وعناله=مانخص به قحطان لحالهم لله ولله
من شرورا لا تبوك ومن تبوك الى صلاله=ما قعد فوق البسيطه واحد رجله تشله
غير رجالٍ طريح فراش كفاه اتصاله=ماقدر ياجي فصوّت في وريعه يتصله
عزوا اصحاب السمو وعزوا اصحاب الجلاله=طيب راسه حط له معهم مكانه مستقلة
بام عيني شفت ابن خالد سعد يشعب جماله=ساع ماجاه الخبر فزّ وتحرّك من محله
جا يعزي في عقيد القوم ويواسي عياله=يا عسى دربه خضر في كل ترحاله وحله
راعي الوقفات والفزعات كساب الجمالة=مجلسه مدهل نشاما والنشاما مدهل له
طيب الله قبر اخو رثعا مثل ما طاب فاله=وجعلها تمطر عليه مزون وسمٍ مستهله
لين ينبت من نباته نبت قبر في قباله=وريحة خزاماه تنعش راسها من ريح فله
ماتوا رجالٍ كثير وموت خو رثعا لحاله=فرجة يا كبرها كبراه والمشكى على الله

وجه ولد الحارث اللي لا رتكى للحمل شاله=لو هو اثق من جبال طويق دايم مرتكله

شيخته شيخة جدودٍ كل ما تبغي تناله=فعلهم عدا النوايف والكواكب والاهلة
شيخته ماهي وليدة امس..من وقت الجهاله=يوم كلٍ فيه ياخذ حاجته عمدٍ وزله
شيخةٍ ماهي بشيخة من تشيّخ من رياله=الدراهم عمرها ماشيخت تالله وبالله
غيره اللي ياخذ الشيخة بنصبه واحتيالة=ذا ومثله ما نقول الا عساهم فدوةٍ له
ما ترك مترك طريقٍ فيه خير الا مشاله=وكل دربٍ فيه شرّ يحاول انه يستزله
كون لا حزّت ولزّت والرشا ركب المحاله=ركب راسه واعتزى في عزوته والسيف سله
واصلٍ يا صل مكانٍ عجز غير في وصاله =والكرم والطيب طبعه والجمايل عادتله
كم قضية حلها عنوانها تحيى العداله=تشهد رقاب الرجال وتشهد الشمس المصلة
لا نصاه اللي يدوّر فزعته يرتاح باله=وفاوله ثلاث كلمات ابلج حجاجك وفلة
فزعته لا ابناءنا قضت على نصف البطالة=وفزعته لا ابائنا لا شك تبري كل علة
وما علينا خوف دام مناحيِ عيًّن بداله=قدها والعروة الوثقى خذاها عروتله
جعلها له عون في طاعة وليّه جعلها له=مكرم الضيفان اهل للمقام وهو هل له
وماعلينا خوف دام سلالته نعم السلالة=ذيب واخوانه رجال المجلس اللي ماتمله
الرجال اهل الشهامة والحمية والشكالة=محتمين الدار لا عزّم عدوه يستحله
وكلنا ربع ورفاقه واهل قاله واهل طاله=واهل سلمٍ واهل علمٍ واهل مذهب واهل مله
حن عبيدة مثل بحرٍ لا صفق جاله بجاله=نارد حياض المنايا والخواطر مسفهله
والعدو اللي وقف بنحورنا يا عزتاله=نذبحه قدام يصبح كل شيًّ مثل ظله
كم طويل حبال يوم الهوش قصّرنا حباله= وكم وطينا راس شيخ وشيخ من حلقه نتله
عزنا الله من خلقنا والشكر له والثناله=لا خلق فينا هوان ولا خلق فينا مذلة
الولد دون ابن عمه مرخصٍ حاله وماله =فالزمان اللي مضى واللي بقى دقه وجله
ضيفنا نعطيه فوق الواجب ونكرم سباله=الشحم والعود الازرق من عقب فنجال دلة
والدخيل نفك فيه وجارنا نرفا خماله=والخوي يبشر بعزه لو حصله ماحصله
قاله اللي ما تراجع في كلامه يوم قاله=وان وقف فالماقف الغصاب جاب الصدق كله


الشاعر / سعد بن عبدالله بن شفلوت المنادية[/poem][/poem]

لاهنت ياسعد

وصح لسااااااااااااانك

والله يرحم الشيخ مترك

__________________

صح لسانك قصيده جزله وما تستغرب على

فطاحلة الشعراء مثلك وامثالك

رحم الله مترك بن شفلوت ما قيل فيه مدح وطيب واقع

__________________
[img]http://www.****************************************************/up/uploads/71585128aa.gif[/img]

صح السانك يا سعد


وبيض الله وجهك واااافي يا بو عبدالله

صح للسانك ياالشاعر سعدبن شفلوت والله قصيده قدالمقام واللماقف وهذي القصيده من اروع الصائدولك تحياتي

صح لسانك ياخوي سعد المندي
قصيدة طيبة وقيلت في شيخ مهما قيل فية قليل في حقة الله يسكنة الجنة

__________________
سبحانك اللهم وبحمد اشهد الاإلة الاأنت استغفرك وأتوب اليك

الله يبيض وجهك ياوجة ولد الحارث

وصح لسانك


كل ما بأقول فيك لن يوفيك حقك يالقرم

اخوك عبدالله المهداني

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

حن عبيدة مثل بحر لاصفق جاله بجاله ،،،،،، نارد حياض المنايا والخواطر مسفهله

اشهـــــــــــــــــــــــــــــــــد// انها قصيده وافيه من شاعر وافي

__________________
أسهر إلى نامت عيون الهداريس= بالليل أساهرساهرات النجومي
أونس بقلبي مثل صالي المحاميس=الله يــــــلوم اللي لحالي يلومي

اخوي الغالي بقدره
اخوي العالي بشعره
الشاعر سعد بن شفلوت
بكل صدق انت شاعر كبير .... قصيده اكثر من رائعه .... تجمع جزالة المعنى والتلاعب بالألفاظ بإسلوب
لا يجيده إلا من هو شاعر مثلك .... ابو عبدالله صح لساااانك وبيض الله وجهك .... ومن رائعه إلى اروع بإذن الله
اخوك
ابو ابراهيم العبيدي

صح


بدنك


يافارس


والله يسمع


منك


ولاهنت على المرور

سعد بن شفلوت

__________________