الشاعر/خالد بن ناصر بن شافي ال الجرو =الهنوف

[poem=font="Simplified Arabic,4,black,bold,normal" bkcolor="transparent" bkimage="" border="double,medium,black" type=4 line=0 align=center use=ex num="0,black"]
يكفي ثلاث أسنين عايش بهوجاس=أسهر وغيري دالهن في زمانه
سبة هنوفن كنها ظبي الاطعاس=إلي بقلبي يعلم الله مكانه
في مبسمه متناسقن صف الألماس=والتوت في شفته يزهي أوجانه
والخد براقن تواقد بالأغلاس=نرجس و جوري غالياتن أثمانه
أيبح صوته تحسب أن به أنعاس=أوشمع العسل شفته أيريق بلسانه
أميز بضحكته من بين هالناس=وأليا بكا يقلب العالم حضانه
والحاجب المرسوم مثل رسم الأقواس=والخشم سيف ألي خذا في أخوانه
وأعيونه الدعجا كما عين قرناس=أو غمازتينن برهنة عن حنانه
ريح الصبا لامن تعمق بالانفاس=يروي غصونن مزمناتن ضمانه
أحسب جديله شل من دهم الأفراس=أثر جديله هو الشليل بعيانه
وأنهوده الغضا كما زوج الاجراس=متعادله بين القسا والليانه
والخصر بالدقه كما رمح جساس=يومه ذبح وايل بغدر أوخيانه
ولا جليد الردف موزون بقياس=متوسطن بين النحف والمتانه
أو زودن علي ذا ذرب أو مرهف أحساس=عزيز نفس أو ما رضا بالإهانه
تحفه من أقدومه ليا هامة الراس=سيطر على عرش الجمال بكيانه
من شافه بيضرب الأخماس بأسداس=ويسبح الخلاق من عظم شانه
فلايا نسيم الليل لا هب نسناس=بودعك قافي وثمن الأمانه
وده لمحبوبي أبو عود مياس=قله ترا خالد خسر في رهانه
زادت عليه أهموم بقعا بالأتعاس=أو ظامته دنيا الكدر واللعانه
قلبه من الفرقا غد له أضراس=وأينوح نوح ألي أخذف أبزنزانه
على الكدر صلبن ولاهو بحساس=ولا طلب من غير ربه إعانه
في طاعة المعبود ماطاع خناس=أوماسكن درب النبي مع أعنانه
لا له مع أهل النمه أوكل بلاس=أمحصن ألسانه أوصاين أحصانه
وإلى بلاه الرب ماصابه الياس=يصبر على عسر الزمان أوهوانه
فيكفي ثلاث أسنين عايش بهوجاس=أسهر وغيري دالهن في زمانه
سبة عنود الصيد ريمية الماس=ألي بقلبي يعلم الله مكانه[/poem]

انا وعدتكم بردي على السبيعي والمعذره والله حاولة انشره اكثر من مره وما قبل معي لان القصيده طويله ورجعت انشره في منتدى الفويلق

لاهنت على القصيدة الجيده

وقايل ما يهان مشكور على المرور

قصيدة طيبة يالجروي

لاهنت طال عمرك