ابن نادر ابن الحنيش وهجرته

المرادي قشاد وعياله الاربعه ساري ومالح ومرعي ومجثل وذودين من لوارك وهجرة 23 سنه من مارب الين وصل ارض رفيده وقضى على كل من في اوسط الجرم والجرم اسم اعلى الوادي عند ال نادر كان قشاد قبل ان يحتل وادي الجرم
في قرية ال الشيخ لمدة 20 عام وقالوا كبر في السن الين صار كانه طيرا مقرنس - وفي يوم جت اباعره الا ومشادقها خضر قال لعياله اتبعوا مفلاها وخلونا نحيل صوبه وسوا النشاما ما قال ابوهم ورجعوا له بالعلم يابوي هذي ارض زراعه وماء غيل وحياة قرى راغده وحنا رعاه قال اهجدوهم غدوه ولاترجعون الا تشددوني لارضهم والله لو يكلفني روسكم كلها ماهمني والا لواني شلي ماكان احتجت لاحد قالوا تم وهجدوهم شي حيله وشي قدام الوجيه الين ما بقي احد الا عجوز وولدها عمره عشر سنوات واجهوا مشكله كانوا اهل القرى يغطون الابار ما يندرى وينها المهم ساومواالعجوز على ان تعلمهم وين مدافن الما وشرطت عليهم انهم يتركون ولدها يفلح واذا اومى لها من راس الخياله جبل في اسفل وطن ال نادر وشرد الصبي وعلمتهم وين الما في قصيده اخرها
وترى في اعلى الحنجور عدا ركيه -- تسوق الثمان في ثمان في اربع
وحاولوا يلحقون بالوغد ولا قدروا وهذا اساس ربعه في السليل وهم من شيوخ الدواسر الان طبعا العجوز اسمها هضيله وذبحوها يبون الوادي صافي لهم وكان لحق قشاد بعض بني عمه قضام وراجح وكان رفيق قبل لال عبد وال الفرس وهكذا
(وقال الذريع المرادي)(قشاد ذر مراد علما وكيدي == راعي لوارك حد مارب وسيحون)
0000000000000000000== واجلى هل الودي بشلفاه يجلون)
من ال نادر الدواسر 0 المرحوم الشيخ عبد الله بن ظفر ابن حنيش ابن نادر مات عام1348 كان شاعر فحل رحمه الله ومن شعره اسمع العود الحكيم وافهم التلميح
ياراكبن من عندنا فوق مقران ========== ولد اشقر تزهى الموارك متونه
اسبق من اللي في الهوى صف جنحان======= وان ناشه العرقوب زادت جنونه
سلم على ال حنيش ذربين ليمان ======== للضيف ذخر ابيوتهم يخرجونه
سلامن احلى من لبن كل مسمان======== واحلى من السكر وما يشتهونه
فمن ذل سلم وبدل الجود محيان ======== لعاد ماله لابة ينصرونه
لعاد مال النفس في العز ميدان ======= حلفت ما نرضى لها بالمهونه
دار بدل دار وربعا بخلان ========== والعز لوان البحر حال دونه
فنا كما حربد اراس ما بان ======= يشهر ولينهم بالعلف يجذبونه
اسال الله لكم قراه ممتعه ومن له استفسار فانا حاضر ومن عنده معلومات اضافيه فلاهان واهل هذيك الديره ممكن يكملون قصيدة العجوز هضيله (استغفر الله عن الخطا واساله الصواب والسلام عليكم)

سالفه طيبه تشكر عليها

المرادي من اي قبايل ؟

هل هم من قبايل مراد المذحجيه ؟

اولا مرحبا بالهاجري تراحيب السيل ياوجه قحطان عيال مذحج 1 - سعد العشيره2 - عله 3 -عنس 4- مراد (يحابر)
وتراك ضيفي ما غيرك احد طق بابي من امس ولاهي بغريبه على خلان الاشده

عساك على القووه ياراعي المحل

اخو مسير على خويه ماني بضيف

والله لايهينك،،،

انا قلت ان مراد اسم قبيله عظيمه من قبايل مذحج ومنازلها الان اليمن اعتقد
وفي السابق كانت تصل ديارها الى العراق ونجد نتيجه الجهاد والفتوحات الاسلامية والله اعلم


لاهنت يا ذرب اليمين

الله لا يهينكم ماقصرتو جزاكم الله الف خير

الله لا يهينك يا ابا الذيب
لكن لدى سؤال وارجو ان تجاوب عليه
حسب ما فهمت من قصتك انهم حلو ال قشادفى رفيده فمن اين هم


ولا هنت

__________________

]لا اله الا الله
محمد رسول الله

ابشر ولو انك لوتمعنت في المكتوب كان عرفت انه من مراد ومن خيرة ربعه والله لايهين من اهدى الي عيوبي

ابالذيب شلونك

قصه ممتعه وتاريخ جميل

حسب معرفتي بان الهضبه سميه بهضيله (هضبه هضيله)

وقشاد معروف

ولكن ما هي العلاقه بين هضيله قشااد ال عبد ووادي الجرم

وكذلك ربعنا ال نادر من الدواسر هل تقصد بانهم يرجعون الى ال قشاد ام لا

وهل هجرتهم تمت من قحطان ومكوثهم بوادي الدوسر ام العكس

انا حاولت اطرح عده اسئله لكي اثير افكارك ليتضح ما كتبت للقراء

واخيرا هل انت من ال قشاد ام لا

تحياتي

__________________

رحم الله والدي ووالدتي واخوتي ومن له حق علي ولاموات المسلمين جميعا

ارحب ياكحيلان ومن العايدين
الاوله ال قشاد من مراد وحلوا وطن ال نادر وخذوا الديره وعلمها وعلمها
الثانيه ال نادر من ال الحنيش اللي في وقشه وحروبهم وبياض وجيههم مع بني بشر ال مكر بني عمهم معروفه وكما سبق وذكرت لك ابادهم قشاد الله يغفر لذاك الزقم ولم يبقى الا الورع النشمي ولد العجوز هضيله ولو ما احتالت العجوز لولدها ما سلم وال نادر اللي مع الدواسر هم ال نادر الالحنيش ترثية الصبي
الثالثه مالك لوا انا نقلت علم احد دهامير مراد اللي افتخر بهم وتفتخر بهم قحطان
الرابعه افدنا بما لديك لاثراء الموضوع افادك الله

__________________
لله الامر من قبل ومن بعد

ارحب ياكحيلان ومن العايدين
الاوله ال قشاد من مراد وحلوا وطن ال نادر وخذوا الديره وعلمها وعلمها
الثانيه ال نادر من ال الحنيش اللي في وقشه وحروبهم وبياض وجيههم مع بني بشر ال مكر بني عمهم معروفه وكما سبق وذكرت لك ابادهم قشاد الله يغفر لذاك الزقم ولم يبقى الا الورع النشمي ولد العجوز هضيله ولو ما احتالت العجوز لولدها ما سلم وال نادر اللي مع الدواسر هم ال نادر ا ل الحنيش ترثية الصبي
الثالثه مالك لوا انا نقلت علم احد دهامير مراد اللي افتخر بهم وتفتخر بهم قحطان
الرابعه افدنا بما لديك لاثراء الموضوع افادك الله

__________________
لله الامر من قبل ومن بعد