هذه القصيدة لشاعر كبير في السن كتبها في أبنائه الثلاثة عندما تركوه

قال الذي يقرا بليا مكاتيب ******* يالي تقرون العمى من عناكم
يا عيالي اللي تشرفون المراقيب***** تريضوا لي واقصروا من خطاكم
خوذوا كلام الصدق مابه تكاذيب****** مثل السند مضموم للي وراكم
يا عيال لاصرتوا ضيوف ومعازيب**** ترى الكلام الزين ملحه قراكم
وتروا السبابه من كبار العذاريب***** وهرج البلايس ما يطول لحاكم
المذهب الطيب فهو مذهب الطيب**** والمذهب الخايب يبور نساكم
يا عيال ما سرحتكم باللواهيب****** يا عيال ماعمر المعزب ولاكم
يا ما توليت القبايل تقل ذيب ****** من خوف لاينقص عليكم عشاكم
وياماشريت السمن من عرض ماجيت** يفز قلبي يوم يبكي حداكم
ياماقطعت من الفيافي العباعيب****** ندور من صيد البراري غذاكم
يا عيال دوكم لحيتي كلها شيب****** هذا زمان قعودنا في ذراكم
قمت اتوكا فوق عوج المصاليب******قصرت خطانا يوم طالت خطاكم
عطوني القرضة عليكم مطاليب****** عطوني القرضة جزى من جزاكم
لابد يوم عاوي دوني الذيب ****** بالقبر ماافرق طيبكم من رداكم
ماني بفاضحكم بوسط الأجانيب****** باعمالكم يدرون كل اقرباكم
لوكان تدرون الردى والمعايب****** صرتوا مع المخلوق مثل خوياكم
خوالكم بالطيب تروي المغاليب ****** ولو تتبعون الجد محد شناكم
وش علمكم ياتاركين المواجيب****** حسبي عليكم هالردى وين جاكم
يالله عسى اعماركم شمسها تغيب***** يعتم قمركم ثم تظلم سماكم
ياعلكم في حاميات اللواهيب *** ياللي على الوالد خبيث لغاكم
شفت الجفا والحيف والغلب والريب*** بضلوعكم لابيض الله قراكم
اطلب عسى نساكم ماتحمل ولاتجيب*** ولا احد من الوغدان يمشي وراكم
اخسوا خسيتوا يا كبار اللغابيب****** اهبوا هبيتوا يقطع الله نماكم



((هذه القصيدة لشاعر كبير في السن كتبها في أبنائه الثلاثة عندما تركوه وذهبوا ومعهم نسائه))


تقبلووو تحياتي وتقديري اخوووكم المعمري

--------------------------------------------------------------------------------


(( منقووول))

هلا بك اخوي المعمري

لا هنت على نقل هذه القصة التي تبين عقوق الأبناء لوالديهم والجزاء الذي لقوه جراء فعلتهم

ولكن اخوي المعمري ... اخوك / شبل قحطان سبقك بإنزال هذا الموضوع وهذا رابط موضوعه

http://www.qahtaan.com/vb/showthread.php?t=2446

واسمحلي بتقفيل الموضوع

تقبل تحياتي