هذا انتو ياقحطان الله ...((مصافحتي الأولى))

هذا انتوا ياقحطان الله يوفقكم

[poem=font="Arial,5,darkblue,bold,normal" bkcolor="transparent" bkimage="" border="double,medium,burlywood" type=2 line=1 align=center use=ex num="0,black"]
لا والله إلا بركت غصب وإذلال=ما عاد فيها الحيل والحمل مايل
اللي من أول تطوي البيد زرفال=ما تشتكي في القيظ حر القوايل
شيب الجمال اللّي لها الصبر جمال=شيّالة حمول اللّيال الثقايل
واليوم عقب الشيل ما عاد تنشال=على مباركها تضارس علايل
توهنت واستسلمت رغم الآمال=كلت وملت واستذلت الأصايل
ولا أحر من جمر انتظار ليا طال=والصوت عقب الفوت لوم وعذايل
وين أنت يا اللّي ما طرى لي على البال=قبلك وبعدك من عيال الحمايل
فيك اختياري صاب من بد الأجيال=روابعي ما تنقصر عن الأوايل
حر ولي في نخوة الحر مدخال=إنص الخيار وخل عنك الهزايل
وأنا من اللّي مجدهم شامخ عال=أول وتالي بين كل القبايل
وأنا وغيري من حداه أشهب اللاّل=وأضعف مقادير اللّيالي هوايل
وجيتك يا بوعبدالله اشكي لك الحال=حال طواه الهم طي الرسايل
ناره تواقد بالحشا تشعل اشعال=ومبطي وأنا من حرها في ملايل
الحق علي يا طيب الصيت والفال=يا بن الرجال النادرين القلايل
هل نعم و النعمين طبع ولا زال=على الرخا ولاّ نهار الصمايل
قوم مكاسبهم سمينات وجزال=نصف الجنوب ونجد وأطراف حايل
أهل الرمك والطاس قحطان الأفعال=حتى لو إني قلت وش عاد قايل
يوم أنت عني فاهم كل الأحوال=بالعين شايف ما تبي لك دلايل
جتك الهقاوي خيل والشعر خيال=تسابقك كثر المطر بالمخايل
رجل تسوقه هقوته صوب رجال=والشك من بين المطاليق زايل[/poem]

مهداة للشيخ/ مسعود بن هادي بن مباري القحطاني


أخوكم الشاعر / دغيليب بن بطيحان القربي الشهراني