أبيك في كلمهـــ(من روائع بدر بن عبد المحسن)

السلام عليكم ورحوة الله وبركاته


يسعدني ان اهدي لكم قصيده لمهندس الكلمه

الشاعر/ بدر بن عبدالمحسن


أول كـلامــي



أبيك في كلمـة لو هي خطـا تغفـر لي الزلـه
وردتك ظامـي وان عـز وصـلك فاقـطع حبالـي
أحبــك ذا تـرى أول كـلامـي وآخـره كلـه
ولكن وش يضـر اليـوم لـو تدري عن احـوالـي
وخذ ما جـاز لك من هالحكـي واللي تبي خلـه
انا لا قلـت مـا فـي خـاطـري والله ما بـالـي
ظلال العاشـق جروحـه ومن مـا يتبعـه ظلـه
أمانـة يا شعـاع الشمس لا تغضـب من ظلالـي
وتقـدر تطـوي الـدرب البعيـد وتقـدر تفـّلـه
ولكن صعب تمنع في الهـوى صبـري وترحالـي
وتقـدر تغمـد السيـف الرهيـف وتقـدر تسلّـه
ولكـن عـند خـلاّق البـرية عـلـم الأجـالـي
متى عمـرك سمعت بعاشـق قد مـات من غلـّه
هذاك الحاسـد وراعـي الهـوى تتلفـه الأمالـي
حبيبـي من يعـزك في الهـوى ما تقـدر تذلـه
ترى قـربك يزيـدك بالغـلا وان عفتنـي غالـي



بدر بن عبدالمحسن




وسلامة الجميع

رافق رفيق لاتضايقت يشفيك
ولاتنفع الرفقة على غير فزعات
والا الردي عند اللوازم يخليك
لانافع نفسه ولامنه نفعات
خله ترى له طاري غير طاريك
لك نية وحدة وله عشر نيات
رافق اصيل في زمانك يداريك
لاشاف غلطاتك مع الناس غطاك