[poem=font="Arabic Transparent,5,black,bold,normal" bkcolor="transparent" bkimage="backgrounds/9.gif" border="double,thick,black" type=4 line=0 align=center use=ex num="0,black"]
الاياموجد المعـدوم في حـزة عوز واعـدام = ولا يامعـّدم الموجـود لي جـت ساعـة اعدامـه

إلهي لاإله إلآ أنت منشي من النطف اجسام = تطاول بالسنن مابين نصّاحه ونمّامـه

قليل الي يقول الصدق اقل الّي يقال إمام = كثير الّي فعوله ماتشابه شكل هندامه

غدينا في زمان [ن] لايمه في ذمتي ماألام = يسندها حدى اعجامه تحدر مع حدى عجامه

زمان [ن] فوق سعِر السوق سومه للعنا لِي سام = وليباع العنا يرخصه للسوام لِي سامه

على كل الكتوف تلاقي الاوهام فوق اوهام = وكلن همه خلافه ومن فوقه وقدامه

وانا مثلي مثل هالناس لي هم ورجاء واحلام = ولايمكن حدى هذي الثلاث تنزل الهامه

رفعت الراس بين الناس لاكاذب ولانمام = ولي بآن العدو فـ انا عمى عينـه واناكعامه

ولي هاجس قصيد[ن] يطرب الاعرآب والاعجام = ولِي بان اللزوم يقوم والدرهام درهامه

قصيد[ن] شوّقه طاري ابن عمي في مكان [ن] عام = تناقل ذكره الشيخان صدقانه واخصامه

على فعله درج ذكره جنوب وغرب شرق وشام = وعلى ساسه رفع راسه وثبت بصمة ابهامه

اذا تاريخ غيره واسمه وختمه شري بارقام = هذا التاريخ يعجز لايعد ويحسب ارقامه

اذا تاريخ غيره واسمه وختمه كُتب باقلام = هذا التاريخ يستأذنه اذا جاء ينصب القامه

وقف زبن المراجل والمواقف في اللزوم اشمام = وصهل والي سواته لِصهل مصهاله لجامه

بذل ماله لاجل ربعه وعلق في السماء ثم حام = لاجل ربعه سهر ليله طوال الليل مانامه

دعى جمع الحباب الي لهم يوم الزحام اعلام = رجال [ن] في الملاقى تفرق الشامه عن الشامه

اهل نخوه واهل سطوه واهل عز وذرى وحزام = على ماقيل سِعد الي بني محبوب [ن] حزامه

اقدم لك نيابه عنهم الاجـلال والاكـرام = وشكر[ن] في رفيع النايفات ترفرف اعلامه

تقدمها هجوس الشاعر الي في اللقاء ماانضام = مدامك من بني عمه وشيخ العز وحسامـه[/poem]

__________________

أخوي علي بن نملان أرحب فيك اجمل ترحيب وفي الشيخ ظافر بن نملان والف نعم فيكم جميع

والقصيده جزله وفيمن يستحقها ألف شكر وتقدير لكم جميعا ......................

__________________

أرحب ملايييييييين يا بو محمد ..

وصح الله لسانك واعتلى شانك ..

قصيدة جزله ورائعة .. من شاعر يعشق الجزالة ..

والشيخ ظافر بن سالم آل نملان يستحق المدح والثناء لطيبه وكرمه وكونه من روس عرب ..

وبيض الله وجهه على الماقف الطيب في حفل الحباب اللي يبيض الوجه ..

وما هوب غريب الطيب عليه فهو من آل نملان .. مترس شيخه وأهل فروسية وكرم منذ مئات السنين ..

أبوه الشيخ سالم بن علي بن عون بن محمد بن نملان حفظه الله ..

وجده الشيخ عون بن محمد بن نملان رحمه الله وغفر له ..

وفي انتظار جدايدك يا ابن عمي ..

لاهنت يا الغالي ..

أخوك/ مشاري بن علي بن محمد أبو هبشة آل نملان

صح الله لسانك يابومحمد

قصيده كفو وفي شيخ كفو يرفع الراس

وسبعين نعم بالمادح والممدوح

اخوي الغالي

شاعر قبيلة ال نملان الحباب

صح الله السانك وعلى شانك شاعر جزل يابو محمد

ونعم في الشيخ الخال \ ظافر بن سالم ال نملان فمهما تكلمنا عن ابو محمد لن نوفيه

بالكلام والشعر وقبله ابوه الشيخ سالم مقرع حق لجميع القبايل ومفكك النشايب لتضايقت عند الشيوخ والتاريخ يشهد

وليس لهم منا الا الدعء في ظهر الغيب ..

__________________

ونعم بهم كلهم

صح لسانكـ يا بو جابر

لاهنت على القصيد الجزل

ويستاهل الشيخ ظافر بن سالم بن نملان المدح

وتقبل فائق التقدير والاحترام

علي ابن نملان

اررررحب صح الله لسانك يا بطل

قصيده كفوووو

ويستاهل اشيخ ظافر ونعم بالمادح والممدوح

دعـى جمـع الحبـاب الـي لهـم يـوم الـزحـام اعــلام رجال [ن] في الملاقـى تفـرق الشامـه عـن الشامـه

اهل نخـوه واهـل سطـوه واهـل عـز وذرى وحـزام علـى ماقيـل سِعـد الـي بنـي محـبـوب [ن] حـزامـه

الله لله كفووووو

لك تحاياي

اخوي سفر بن مبارك..

الله يبيقك ويطول عمرك على طاعته ورضااه ..

ولا عليكم زود ..ولا املك لك سواء الشكر الجزيل ..واسعندني مرورك بمتصفحي

تقبل من اجمل تحيه...

__________________

الأخ/مشــــاري بن علي ال نملان...


الله يبقيك ويبقي شايب خلفك ..ويديم عليكم اتم الصحه والعافيه...

وشكراً لك علي مرورك العطر..وصراحة عندما ارى امثالك من الرجال الوافين..الذين تخط انامله بالاعجاب والثنااء

فانه يحتويني الشرف

لك مني اجمل التحايا ....

__________________