فنجال حكمه تغتنمه الرجاجيل

يا هاجسي والشعر مزنٍ هماليل = لا لاح برًاقه غشى الارض وبله
وأردف و غطًى كل وديانها السيل = وأنبت ثراها قحويانه و ربله
وتهيضت كل القلوب المعاليل = وشفت البدو كلٍ يساير هوآ إبله
أرجوك حظّر لي بديع التماثيل = قافٍ ليا سمعه ضمير أنطرب له
ورّد حبالك صافيات المناهيل = يا هاجسٍ ما قد قصر فيه حبله
الفكر يملك غالي البن و الهيل = وحنّا لجل كيفه نشب الحطب له
يا فكر صب الكيف جوف الفناجيل = وعدّه على الوافي ودن الرطب له
فنجال حكمه تغتنمه الرجاجيل = آخير من فنجال عنتر لعبله
والفكر لبّى واعتنى بالتعاليل = مثايلٍ ما صاغها فكر قبله
يمكن يجي الحافر على حافر الخيل = وكلٍ نصيبه من سهامه و نبله
بقدًم الموجز بليا تفاصيل = لا فيه لا بعده ولا فيه قبله
ستّة نصايح ما تبي أي تحليل = نصايحٍ ما ضمّها قلب الأبله
تدري وش اللي يزعل الرجل بالحيل = لا عز له رجلٍ وهو ما حسب له
وتدري متى تصعب على كل حلحيل = لا جاه ضيفٍ ما لقى وش يهبله
وتدري وش اللي يسهر العين بالليل = زلّة رفيقٍ قد دنيت الشّبب له
و اكيد تدري عن هل القال و القيل =من ساير النّمام جاب النشب له
جنّب عن هروج الخبول المهابيل =هرج الخبل ناتج من أفكار هبله
من يستمع فيهم يشوف الغرابيل = المقديه في الشرق و القوم قبله

وسلامتكم

أرجوا أن تنال إعجابكم
ويهمني رأيكم
ودمتم

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num=",black""]
يا هاجسي والشعر مزنٍ هماليل = لا لاح برًاقه غشى الارض وبله
وأردف و غطًى كل وديانها السيل = وأنبت ثراها قحويانه و ربله
وتهيضت كل القلوب المعاليل = وشفت البدو كلٍ يساير هوآ إبله
أرجوك حظّر لي بديع التماثيل = قافٍ ليا سمعه ضمير أنطرب له
ورّد حبالك صافيات المناهيل = يا هاجسٍ ما قد قصر فيه حبله
الفكر يملك غالي البن و الهيل = وحنّا لجل كيفه نشب الحطب له
يا فكر صب الكيف جوف الفناجيل = وعدّه على الوافي ودن الرطب له
فنجال حكمه تغتنمه الرجاجيل = آخير من فنجال عنتر لعبله
والفكر لبّى واعتنى بالتعاليل = مثايلٍ ما صاغها فكر قبله
يمكن يجي الحافر على حافر الخيل = وكلٍ نصيبه من سهامه و نبله
بقدًم الموجز بليا تفاصيل = لا فيه لا بعده ولا فيه قبله
ستّة نصايح ما تبي أي تحليل = نصايحٍ ما ضمّها قلب الأبله
تدري وش اللي يزعل الرجل بالحيل = لا عز له رجلٍ وهو ما حسب له
وتدري متى تصعب على كل حلحيل = لا جاه ضيفٍ ما لقى وش يهبله
وتدري وش اللي يسهر العين بالليل = زلّة رفيقٍ قد دنيت الشّبب له
و اكيد تدري عن هل القال و القيل =من ساير النّمام جاب النشب له
جنّب عن هروج الخبول المهابيل =هرج الخبل ناتج من أفكار هبله
من يستمع فيهم يشوف الغرابيل = المقديه في الشرق و القوم قبله

وسلامتكم
[/poem]