طيــــب الســــيرة

قصيدة تشرفت بإلقاءها على مقام مولاي خادم الحرمين الشريفين



في روضة خــــريم

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الديره اللي جعلها الله لنا ديره=تطعم من قلوبنا .. من قبل نطعمها
لا لاح براقها وساقت تباشيره =كنْه يتحضن سماها ويتهيمها
في عرض نو نسيم الطايف يثيره=وتشعاه شم الحجاز وسكبة قممها
وان طاف سودة عسير وقامت تذيره=يطبع على خدها حبه ... ويرزمها
وان كان حدر وزانت له محاديره=يقبل على نجد ويضيق مناسمها
تصبح بعد ما يكفكف وبله مخيره=يرعون بدوانها زوفة نعايمها
ديرة زعيم العروبه طيب السيره=حمّاي حرمة بيوت الله وخادمها
اللي ليا وقف تسوقه صعاطيره =لاجس متن القضية جاب قادمها
وان كبر رأس العدو وأرسل مناذيره =يكوي علابيه لين يشيط ميسمها
من رأس عود يحير الجمع ويديره =لاقام له قومة ٍ .. ما احدٍ بقايمها
جاء من وراء الحد الاقصى يشعب بعيره =مع أربعين على الهجن ... يتقدمها
عشرين عام ونجد تدير تفكيره =الين قرب يخاشرها معالمها
ساقه لها الدين والتاريخ والغيره =ولا رضت غيره من الناس .. يحكمها
سطر على ترابها اعظم اساطيره =وحدودها جمع أشلاها ورسمها
واليوم يحيا لنا اللي ننعم بخيره =بو متعب اللي مخاليبه يدسمها
فرض على الشعب تبجيله وتقديره =بالطيبه اللي محبتنا غنايمها
لا مر في شارع كثروا جماهيره =شوفتْه تكفي عن اقضيّا لوازمها
بنك الظفر كان للظفران تسعيره =لا غليت اسعارها جاها يحطمها
أصدق من سهيل في هرجه وتبريره =الكلمه اللي يبديها يوسّمها
تقفي مجاهيمه وتقبل مغاتيره =في ساعة يستبيح البنت محرمها
يقدم على قداه ما يحسب مخاسيره =ويقطع يمين النوايب ما يساومها
لبببببى هذاك الجبين اللي تعابيره =تكتب أمان القلوب ويرفع قيمها
كنه عن صدوف بقعا يعطي الجيره =ترضخ تحت سطوته لين يتخدمها
كريم كن الكرم يجذب مساييره=تقلط عليه اللحى العطره .. ويكرمها
بحر الندى اللي ترسي به بوابيره =في كل يوم تعجب من تزاحمها
وحنا رجاله .. تحت امره وتدبيره=ننطح وجيه العدا بأمره ونكعمها
نبدأ بتهليله ونختم بتكبيره =زحول حرب يسير الموت في دمها
يوم السعد يومنا وغنا لنا طيره =عاد العدو يبني احلامه ويهدمها
اليا زهمنا الوطن كل على طيره =لا عزت أرواحنا وشلون نرحمها
لين الكبيره تحول عندنا اصغيره =والعاصيه قبل شب الطوق .. نشكمها
ابقدرة اللي يسخرنا بتسخيره =يضرب بنا الأرض وندوّم بظالمها
وبقيادة إمامنا اللي ما نبي غيره =صقر العروبه وقايدها وملهمها
مقدم اهل المكارم طيب السيره =حمّاي حرمة بيوت الله ... وخاااااادمها [/poem]

__________________

أخوي عوض لافض فوك على هذا الإبداع بارك الله فيك

تقبل مروري ..

__________________

اررررررررررررررحب يا عوض
والله يحييك في محلك بعد طولة غياب


وصح الله لسانك واعتلاء شانك


وشهادتي فيك مجرووووووووووووحه يا كحيلان

وطيب السيره يستاهل المدح والقصيد

ولا تقاطعنا يا عوض
وننتظر جديدك

اخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

اررررررررررحب ياعوض


صح لسانك ،، أبدعت وأمتعت الذائقة

نص عذب ومميز

كعادة نصوصك الرائعة لحرفك وهج

دمت يسمو بوحك الجزل

أجمل تحية ..

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

صح لسانك

صح لسانك اخوي عوض

قصيده جزله


لاهنت يالغالي

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

صح الله لسانك يا بو عبد الرحمن

من اجمل ما قرات على الاطلاق فالمنتدى

لاهنت على الابداع

تقبل تحياتي

صح الله لسانك على هذا الابداع.....ويستاهل خادم الحرمين الشرفين أيده الله بنصره
مقـدم اهـل المكـارم طيـب السيـره
حمّاي حرمة بيوت الله ... وخاااااادمها
بيض الله وجهك
تقبل تحياتي

صح الله لسانك .... ياشاعر قحطان العريبة
بيض الله تعالى وجهك وننتظر جديدك