&&&الوسام&&&

كتبت هذه القصيدة في أخي العميد.عبد الله بن سالم بن خلبان الذي كان من حرصه علي كلما حصل على ترقية بلغني أولا بأول وحيث أنه من الرجال الأفذاذ العصاميون الذين يرفضون الهامشية والحقيقة أن له علي معاريف كثيرة أسأل الله الكريم له حياة سعيدة .[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
يارب أنا أسألك حياة كريمه=بأمرك تعز الدين وتعز الأوطان

وتعز كل أهل النفوس الحشيمه=أهل المبادي والمكارم والإحسان

مبروك ياشيخ فعوله قديمه= عبد الله الخلبان من نسل قحطان

مبروك والفرحه لك الله عظيمه=إي والله أفرح لك بها ياكحيلان

يا بالغنايم ماهي أول غنيمه=لك كل يوم فيد ياطير حوران

حشت المراجل بالهمم والعزيمه=وروابع تربع وهقوات سلطان

شجاع لو أن المصايب مليمه=والحلم والحكمة لها قيد وعنان

وتجود لو إن المخابي عديمه=سجيتك والجيب فاضي ومليان

تسامت أمجادك شهامه وشيمه=ومروة ماهيب حين عن أحيان

يوم المروة في الأوادم عقيمه=مروتك تنجب وفاء يابن خلبان

ما أنسى فعولك يوم بقعا مقيمه=ياراعي الفزعات في ماض الأزمان

واليوم أبارك والمشاعر حميمه=ماينكر المعروف ياكود جابان

يامن تحلاك العقول الفهيمه=إليا ذكرك فلان وفلان وفلان

لك سيرة تشفى الكبود السقيمه =في مجلس به مثل شرواك شيخان

يامن تنال الضدمنك الهزيمه=للخير بيبان وللشر بيبان

تجاهل الأجواد جور وظليمه=إللي لهم في صفحة المجد عنوان

الطيب ماله بالنفوس الوخيمه =ولا يروم إلا طويلين الأيمان

الطيب مثل القارة المستديمه=ومن لارقا في قارة الطيب خسران

الطيب طبعك والهقاوي هميمه= رقيت بالعليا على رأس مابان

يابو رياض الشعر ذعذع نسيمه =والمدح في مثلك وشرواك له شأن

يازبنها لاأعطى الرعاع الخريمه=في حزة الأفعال زود ونقصان

من لابة من ضدها إلا تضيمه =معروفة بأفعالها يوم الأكوان

من خوك أبو فيصل تحايا جسيمه= محزمك لاجاء وقت روغات الأذهان

وصلاة ربي عد همال ديمه=اليا إنهمل مامور من غر الأمزان

على نبي السيرة المستقيمه= محمد الهادي إلى خير الأديان[/poem]

__________________

صح السانك والله يبيض وجهك والطيب يستاهل المدح وانا اخوك

تحية عطرها تاريخ سلالة ال الجرو الأبطال وذوقك الرفيع أشكرك كل الشكر على عباراتك الجميلة وتشرفت بمرورك يأخي الكريم خالد وأعتذر عن التأخير في الردتحياتي الحاره.

__________________

لاهنت ياابوفيصل على القصيدة شاعر وبيض الله وجهك وجعلني ماابكيك ولاهنت

ألف شكر أخي سفر الحبابي بيض الله وجهك إنت كل عام وأنت بإلف خير وصحه وسلامه

وشكرا لمرورك...

__________________

صح الله لسانك يابو فيصل ....وكفو المادح والممدوح ....تقبل تحياتي

صح لسانك والمدح زاهي على هله

صح الله لسانك واعتلا شانك

وانت كفو واخو يستاهل وكفو

وانتوا معروفين يا آل خلبان وعلومك عليا اول وتالي


وتقبل المرور

اخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

أعزائي لاأجد ماأقول إلا ألف شكر وتقدير لمروركم وإهتمامكم فأنتم نجوم لهذه الشبكه أسأل الله الكريم أن ينفع بكم

تقبلوا تحياتي تحيه حاره خاصه لأخي الكريم سعيد الجهيمي وتحيه أيضا لإخواني الكرام الضويري والعبدي

ألف شكر للجميع...

__________________