براكين القوافي

السلام عليكم

هذي قصيدة كتبتها واتمنى انها تنال اعجابكم

باسم الله اللي مِهدي الخلق للدين
ناصر نبيه ضد جمع الملايين

تحركت فيني حروف القوافي
تحركت من ثم ثارت براكين

في مدح ربعي موطعات الغصايب
من كان يجهلنا ترانا سلاطين

لآنت لنا كل الغصون اليباسي
ياللي تسمّع حن نسل العريبين

حنا قحاطينٍ نهار الملاقآ
نلطم وندعس خشم كل المعادين

هواجرٍ ياتاج راسي يالهواجر
سقم المعادي في اللقى ظربهم شين

ونعيم اهل الجود واهل الشجاعه
واهل الكرم والطيب نسل الوفيين


وان جيت لـ آل مره بتلقى عجايب
قد جهزوا مدهالهم للميامين

وعجمان يانسل الرجال النشاما
عنّز عليهم في الشدايد قريبين

ويامٍ لهم بين القبايل حشيمة
الله مهديهم على نصرة الدين

ومطير حمران النواظر قبيلة
تارد حياض الموت وسط الميادين

ومن عقبهم تاتي قبايل عتيبه
ضيوفهم ماتذكر انهم بخيلين

وسبيع يالغلبا ياكسابة المدح
ياللي تعاونتوا على العسر واللين

وبالله نشهد ياعنزة انكم ذيابه
ذيـابـةٍ مـا يخـتـلـف فــيهــم اثنيـن

ثمٍ عليكـم يـالطـنـايـا نحــوّل
لعيونكم نضبط جـمـيـع الـمـوازيـن

واهل الوفا واهل الحمى والكرامة
خـوالـدٍ يـوصل كرمهم الـى الـصـيـن

ثــمٍ عـلـيـكـم يـالدواسر نـجـيـبـه
طاروق يعجبكم على الزين والشين

يشمل جميعٍ آل تـغـلـب وزايـد
في الحرب كلٍ يشتكي يالشديدين

واذكر انا ليّه قبيلة عريبـــــــه
لآد البوكواره على الـحـق قـاسين

وابن الكبيسي فارحٍ في ضيوفه
ماجوّع ضيوفـه ولا طنش شويـن

والا المناصير الرجال المطاليق
افعالهم تشهد لهم في المعادين

ولا عليكم يالقبايل قصـــــوري
كلٍ له افعاله وتشهد له العين

كل القبايل قدرها بـالالـوفـي
لا والـلـه الا قـدرهـم بالملايين

وختامها صلّوا على خير الامه
محمد الـلـي نوّر الكون بالدين

سلامتكم

طبعاً احب انوّه على بعض القبايل يمكن بعضكم مايعرفها وهي قبايل قطرية

نعيم=النعيمي ومرجعهم قحطان

الكبيسي=جدهم الحارث من عبيده

البوكوارة=الكواري ومرجعهم بني تميم

صراحه يا ناصر القصيده ما عليها كلام
ولاهنت وفالك التوفيق

السهاوي

ولانت والله يوفق الجميع

مشكور على مرورك