قصيده جديده للشاعر / حسين بن شتوي الحبابي
بعنوان ((حثلان وعمير )) صوتيه وكتابيه

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

ياهل الملايين ياحثـلان وعميـر=ياسعد مـن تربطـه فيكـم علاقـه
ياللي جمعتـوا ملاييـن ومغاتيـر=وصيت ومكانه وناموس وطلاقـه
جمعتوا الوضح واطربتوا الجماهير=وشاف المشاهد بعد طول اشتياقـه
وضـح ماشبهتهـا الا بالغناديـر=ولاكما الموج لازاد اصتفاقه
في الجهل عربونها روس المناعير=واليوم عربونها شيك وبطاقه
ورجال الاعمال تلعب بالدنانير=وستين مليون نقطه الانطلاقه
العام هذا عن اعوام مضت غير=السوق غالي ول اللناس طاقه
والمشكله من هل البل والهوامير=واللي لما قيل سوق المال ساقه
من كثر ماله مايدري بالمخاسير=زود وتباهي مايشريها عشاقه
والعصرعصر انفتاح وعصر تطوير=بث فضائي ومورث وعراقه
والاعلام له جانب سلبـي وتاثيـر=من بعد ما كان شوف الابل شفاقه
وعند السنافي لماجوه المسايير=حليـب خلفاتها حلو مـذاقه
يقوله اللي سـرى ليلـه تفاكير=يدعي على الفقر ويـدور افراقه
موظف راتبه ياتيه تقطـير=والراس مرخيه لامواس الحلاقه
آجار وديـون واقسـاط وفواتيـر=انـا وهي كلها ربع ورفاقه
قلته وانا مقتنع بالشـر والخير=ولاقلتها مـن حسد ولاحماقه
رزقي علي ربي اللي يرزق الطير=باب على الله فتحه وانغلاقه
ابغي قضاء الدين ياحثلان وعمير=وعندي تساوي لها لكزس وناقه [/poem]

__________________

ارحب يابو فيصل

صح لسان حسين وسسلمت يمينك

__________________
[


صفحتي على تويتر

haian_ali@

الايميل الجديد
ali_haian@hotmail.com

اسعد بتواجدكم

هلا وغلا ابوحيان ولاهنت علي المرور

__________________

لاهنت يابو مسفر وصح اللسان ابن شتوي

اخوي الغالي
لاهنت علي المرور

__________________

يعطييييييييييييييييييييك العافيه جميعا

__________________

بيض الله وجهك يابوفيصل

وبيض الله وجه ابن شتوي

قصيده فوق الوصف وتحكي الواقع

الله يسدد ديننا ودين ابوفارس

__________________

صح الله لسان ابن شتوي

قصيده في محلها ولاهنت ياعلي

وحسين شاعر فوق الاشاده والاطراء

حياك الله اخي الغالي

انا سعيد بمرورك علي مشاركتي

دمت بكل الود

__________________

بيض الله وجه الشاعر والناقل
والمعاناه وحده

__________________