؛؛قصيده للشاعر العملاق / سعيد الفهري ؛؛

ســـــــــــــــــــر البحر



بينـي وبينـك يابحـر سـرّ قديـم مـا يـذاع
غيري وغيرك غير رب البيـت مـا حـي درا


حتى السمك واللول والمرجان وحبـال الشـراع
والمركـب اللـي تدفعـه قـدام ويـعـود ورا

واليوم ابكشف سرك المدفـون واشيـل القنـاع
واعلـم البحـار واعلـم حـمـام أم الـقـرى

وارسل حمام ام القرى برسالـة فيهـا صـراع
للمسلـم اللـي قطـع حبـال وثيقـات العـرى

واعطيه كلمه طولها في الخاتمه عشريـن بـاع
علّة يفّكر فـي كفـوف الفقـر وكفـوف الثـرا

ان كان باقي تحت عظم الراس شي من النخـاع
وان كان باقي يصـك براسـه حيـود القـرى

نبتت لحانـا بالفخـر والعـز وبيـوت رفـاع
وليـا وزانـا مجـرم ملحـوق حنـا لـه ذرا

واهل صحون تشّبع الخطـار وصـدور وسـاع
والطيب في كـل القبايـل والرجاجيـل اخشـرا

حنا صبرنا لين شمس العصر فارقهـا الشعـاع
واثر الصبر ما عاد له خانه وجرحي مـا بـرا

لا رحم ابوها رفقة تبنى علـى غـش وخـداع
واخير منهـا حجـة تقربـك مـن رب البـرا

البعد من سود القلوب وعـن خبيثيـن الطبـاع
مثل القميص اللي ستر جسم الهنوف من العـرا

والرزق بيـد اللـي رزق داوود والدنيـا متـاع
ما في كرامـة طيـب الجديـن بيـع ومشتـرا

واخير من بعض الكلام اللـي نقولـه الاستمـاع
واكيـد للهـرج حكمـا واكيـد للشعـر شعـرا

ونار تشب ودلة شقـرا نزيـل ابهـا الصـداع
وخوة نشامـا ماورهـم غيـر مسـك وعنبـرا

ودرس مفيد في العقيـده فـي بدايـة الاجتمـاع
ونذكر مقاديم الزمـان اللـي يـرد بهـا البـرا

وتسج فالبيدا قدم رجلـك وتدعـس كـل قـاع
عقب المطر والعشب يكسي الارض والبدو اجورا

يا الكبتن الطيـار لا تنقـص مسافـة الارتفـاع
حتى ما تصدم في الجبال اللي تلوذ بها الـورى

احرص على باقي المسافـات وعليـك الاتبـاع
وادر السلامة والعوافـي لـو غيـرك مـا درى

وتعشّ طير وخلّ طير وكـل غالـي مـا يبـاع
ترى العدود ابعد من النجميـن والغـرب انفـرا

واذا اردت انك تطاع آمر بمـا هـو مستطـاع
والا ترى ما دام عز اللـي تعجـرف وافتـرى

روح زمان السيف وسروج الأصايـل والـذراع
واقبل زمان الضحك في وجه الحصين الازهـرا

دلا يل الساعة يطيـح الـراس وتقـوم الكـراع
وتسابـق فـروخ الحمامـه كـل حـرّ اشقـرا

ويا سبع ياللي قمت تعوي لين حافتـك السبـاع
سبع رماه الله وسبـع يـوم حـسّ بهـا سـرا

ما قدمك الا الـوادي المبطـوح وعيّـر شبـاع
مالك مكان مع انكر الاصوات ووحـول الثـرى

العز والناموس لا يمكن تجـي فـي كـل سـاع
اغنم زمانك في جبل شمـرخ ولا تنسـى كـرا

والصبر مفتاح الفرج والصدق سيـف للشجـاع
ماني مطاوع رغبت النفـس وبليـس الأعـورا

المصطفى بالعقل فك قريش مـن شـر النـزاع
واقوى سبب للهجرة المُرّة نووا بـه فـي حـرا

لكـن حمـاه الله مـن الكفـار وكبـود وجـاع
واستقبلـوه اهـل المدينـه واليهـوديـة تــرا

واكمل رسالتـه العضيمـه ليـن عـم الانتفـاع
ازكـى صلاتـي للحبيـب باسـم ربـه قــرا

واختامهـا يابحـر هـون بالسفينـه والشـراع
ترى ولد نوح اعتصم بالضلـع لكـن مـادرى



؛؛ تحياتي ؛؛

اخوي سعد الشواطي
بيض الله وجهك بيض الله وجهك على نقل هذه القصيده اللتي تستوقف القارئ كثير
صح الله السان شاعرها ولاهنت انت يالذيب
تقبل تحياتي واعجابي بما تطرح ياسعد

اخوك محمد الفهري

على عيني وراسي يا الفهري

وشكرا على مرورك

بيض الله وجهك يا سعد وجمل الله حالك ما تطرح الى كل جزل

والفهري شاهدتي فيه مجروحه وصح لسانه

تحياتي0000000اخوك

بيض الله وجهك ياسعد ماتنقل إلا الجزل


وصح لساااااااااان الشاعر سعيد الفهري

__________________
[poem font="Traditional Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يلي تسمع كلام فلان وتموه = وتلد بالعين يوم يدق جوالي

ماني بصافي مع الي ماصفاجوه = حتى لوانه رفيق الدرب والغالي


الشاعر/مشخص الفهري[/poem]

لاهنت يا العبدي على المرور

شكرا على مرورك يا السيف الشاهر