قصه وقصيده للفارس الشاعر / ناهض بن سحمي

قصه وقصيده للشاعر والفارس/ ناهض بن سحمي القرفي البقمي




كان يحب له فتاه تدعى / فضه النجيميه من الفراحين وحجروها بني عمها ولكنها رفضت الزواج منهم لانها كانت ترغب الزواج منه وزوجوها احد المراشده من عتيبه وعندما ذهب بها العتيبي وصل الخبر الى ناهض فقرر ان يتجه الى نجد وكانوا القروف يعتقدون انه غازي ولحق به مجموعه كبيره من ربعه القروف وعندما لحقوا به قال لمن معه انا لاحقٍ العتيبي اللي اخذ فضه فقال له (شريم بن بريكان بن سحمي) والله ماياخذها العتيبي وانت تباها وكان معهم قاعد شقيق ناهض ولحقوا عليها في نجد وكان الهدف من هذه الرحله خافيا على البقيه ولم يطلعهم عليه حيث كانوا يتوقعون انه غازي كما هي عادته دائما 00ويوم وصلوا لهم شافته وكانوا نازلين على عد من عدود نجد 00فقالت لزوجها قم بواجب ضيفانك تراه ابن سحمي وعيال عمه وفعلا قام بواجب ضيفانه فقال له شريم ناخذها ولكن ناهض منعه من اخذها وقال له (ماقسمها الله لي لكن يكفيني شوفتها )وقد واجهتم و سلمت عليهم و لم يستطيع حتى ان يكلمها واكتفى بذلك وقال للقروف اللي معه رجعنا لديرتنا فغضب منه البعض ولكنهم بعد ذلك رضوا اكراما وحشمه له 0وقد قال فيها هذه القصيده /0


[poem=font="Simplified Arabic,5,white,bold,normal" bkcolor="black" bkimage="" border="double,medium,gray" type=4 line=0 align=center use=ex num="0,black"]

عند العشي عديت في عالي الراس = وانا على المرقاب سيلي نحاوي
واخذت لي في عالي الرجم مجلا س = وذكر على قلبٍ من اول شقاوي
باحت جرايرهم وباحٍ الارماس = الا ثلا ثٍ في مكانٍ خلا وي
ولا عاد يلحق صاحبي كود ضبّاس = ضمار حنسات تجري الجلاوي
فج العضود وسنها ربع واسداس = منوة عيالٍ يبعدون الهقاوي
فيهن قعودٍ عارفينه على ساس = مثل العقاب اللي على الصيد هاوي
الله من قلبٍ سواقيه يباس = يقرع كماتقرع شنونٍ مطاوي
إشنون بدوٍ ضميها ربع واسداس = ماهوب غبٍ وردوه الشواوي
واضعونهم للمستوي راحة امراس = إ يمين خف وهزعوله رواوي
تشبع رعاياهم شقارى وبسباس = عليه من نو الثريا مهاوي
والصبح جاذبهم على السر عساس = إفروغ شقرا والقصب له حراوي
العام قابلته من الراس للراس = وازريت لابدي لي عليها شكاوي
جتني تجر الباس نوفٍ عن الناس = كسوه وعمر يستوي للكساوي
واللي عليه من الذهب ماله قياس = يغني الفقير اللي من اول فداوي
ولا هوب حبّاب الطعم والتحناس = مثل الفريض اللي يحب الرشاوي
هرجه كمانقد الذهب عند فحاس = ماسمّج الهرجه برشق وعزاوي
راعي هدب عينٍ ضليل لياكاس = يجر سبهانٍْ جديد ٍ فراوي
من غير مقرونٍ تجره على الراس = ثوبٍ من الحوطه ومشلح حساوي
وانا من الموت اتحرس تحراس = واليا شبح فيّه ذبوحٍ قصاوي
بلعون من دونه ثمانين حراس = لا عل مايبقى لا هلها شلاوي[/poem]

السلام عليكم ورحمة الله وبركاته شكراً لك اخي الكريم على هذا المشاركة