قصيدة مرثيه في الشيخ ((جـــــــــــراب))

هذه القصيد طلبها مني بعض الاخوان لوضعها هنا علما انها قديمة جدا

وهي مرثية في وفاة جدي الشيخ /جراب بن حسن ال جميع الحبابي يرحمه


الله وتغمده بواسع رحمته وجميع اموات المسلمين




[poem=font="Simplified Arabic,6,darkblue,bold,normal" bkcolor="transparent" bkimage="backgrounds/2.gif" border="groove,medium,gray" type=2 line=0 align=center use=sp num="0,black"]
خذيت القلم وابديت من حسرتي والهم=بيوت تعالج جرح خفاقي الشاقي
منامي على كوعي وزادي طعمته سم= قضاء الليل بين الحبر والهم ووراقي
الا ياوجودي وجد طفل ظلمه العم=يتيم لشوفة والده تاق واشتاقي
على الظلم عاش صغير بالعمر ماتم= مع الناس عاش هموم واحزان وارهاقي
وجودي وجود اللي تعادوله ابناء العم=وساقوه عدوانه على الهون وانساقي
توجدت وانهلت دموع النواظر دم=على شيخ قوم شاقني ذكره الباقي
توفى جراب اللي لكل الوفاء قدم= عقد يحب المجد ويفك الاعناقي
يفك الرقاب اللي عليها القصاص اللزم=ومن يزهمه يرتاح صدره اليا ضاقي
لكسب الوفاء عنده عقيده وطيب اشيم=يسير الوفاء بعروق دمه والاعماقي
فقيدة رجال لا عطاها الامر تهتم=ليا صار في الميدان ماطر وبراقي
رصاص البنادق ماطر للعداء حطم= وبرق الحروب سيوف عهد وميثاقي
وفقيد على من يعرفه بالحزن خيم=ومن ضمنهم قلبي لفرقاه ما طاقي
عضيدي وجدي قيلي مات قلت احلم=تفأجيت ما صدقت والدمع دفاقي
عيوني عليها النوم ياهل الوفاء يحرم=وقلبي من اللي صار بالحزن خفاقي
توفى العقيد وباقي لابة تكرم= من الذم والنقصان ربي لهم واقي
عياله شيوخ بالوفاء والكرم تحشم=خذوا شيخته وبعون قسام الارزاقي
يدوم الوفاء والناس با فعالهم تعلم=يعيش الذي ماهوب للعهد بواقي
ولاضاع ماقفهم وراعي الوفاء يسلم=اقوله وذا مضمون خفاقي الشاقي
((محمد بن حمد بن هتفر الحبابي))
[/poem]

أخوي محمد بن حمد بن هتفر

سلمت ودمت ولاهنت

صح لسانك وبيض الله وجهك

قصيده جزله ووافيه من وافي

الله يرحم جرب ويسكنه فسيح جناته أمين

لك فائق احترامي وتقديري

صح الله لساااانك وعلا شاااانك يابوخالد سمعت هذا القصيده
عده مرات وهي قصيده وافيه من وافي وقيلت في شيخ
فخر للحباب كلهم جراب تاريخ معطر بالعلوم الغانمه ويحق لك الفخر بجدك
والله يعطيك العافيه وسجل اعجابي بك وبقصائدك الوافيه

__________________

صح لسانك يابن هتفر


والله يرحم الشيخ جراب ويسكنه فسيح جناته


لاهنت ولا عدمناك


.

ابوحمد صح الله لساااااانك


والله يرحم جراااااااااب ويسكنه فسيح جناته واموات المسلمين


انت شاعر كبير ولا نستغني عن تواجدك وابداعك



وتواصلك


اخوك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح الله لساااانك


وفكرك


ولاهنت يالجزل

__________________

ارررررررررررررررررررررررحب تماتيك يابو خالد


حي الله بن هتفر صح لسانك مدد ماهو عدد


الله يرحمه يستاهل منك هذا الابداع

صح لسانك قصيد كفو من رجال كفو والميت الشيخ جراب بن حسين كفو والله يرحمه واموات المسلمين

__________________
السنحاني

الله يرحم الشيخ جراب رحمة ً واسعه وأن يسكنه فسيح جناته


وصح الله لسان يامحمد وقصيده جزله ومؤثرة


الف شكر لك وتقبل تحياتي


أخووووووووك

__________________



ممصمنا المبدع
تركي العلياني
ألف شكر لك

ارحب مليون يابوخالد
صح الله السانك والله يعطيك العافيه
قصيده ثمينه ولا تستغرب منك وامثالك
وتقبل تحياتي طال عمرك