محاوره بيني وبين الشاعر الشيخ فايزالبراهيم


إضافة رد
قديم 04-04-2005, 07:47 PM
  #1
ذيب العبيدي
عضو متميز
تاريخ التسجيل: Mar 2005
المشاركات: 727
ذيب العبيدي will become famous soon enough
افتراضي محاوره بيني وبين الشاعر الشيخ فايزالبراهيم

السلام عليكم ورحمة الله وبركاته
اتشرف بان انقل لكم هالمحاورة والذي
دارت بيني وبين الشاعر الكبير الشيخ فايز البراهيم
(ذيب اجاء )في احد المواقع
بشكل مباشر ومتواصل واحببت نقلها لكم لعلها تروق لكم

ياهلا بذيب العبيدي
واستلم لاهنت من الذيب يالذيب
.
.

سـلام رديـت(ن) يـاذيـب طـابـت بكم
رديـت (ن) شلـتهـا لـعيـونـكـم شـلـتـهــا

قامت تلاطم بجاشي يوم فرحت بكم
يـوم انــت : يـاذيـب : يـم الـذيـب حولتها
فايزالبراهيم


دام البقاء يالمرحب يوم زانت بكم
ليله سعيده بنورك قمت واشعلتها

وانا معك والحضوض اليوم قامت بكم
والمرجله ياوسيع العرف قد نلتها
ذيب العبيدي



الليله اسعد ليال الذيب0 من جت بكم
اكذب اليا انكرتها0 واصدق اليا قلتها

ياذيب ياذيب قلي0 كيف صارت بكم
كيف الرسالة 0على من لاعرف خلتها
فايزالبراهيم


الليله المعلبه ثارت ودارت بكم
وانا لشرواك واهل الطيب قبلتها

احلاء خبر يوم روح الليل بانت بكم
واجمل خبر في لقاكم مثل ماقلتها
ذيب العبيدي



ياذيب جيتك بخافيها ولاجت بكم
ولاتجهلك ياعميلي كان حللتها

ياذيب راجت بنا 0راجت 0وراجت بكم
ولاني بهايب كلامي0 يوم زلزلتها
فايزالبراهيم


ماهي بتصعب على ان قلت جادت بكم
لكن مرتاح يوم العوص دللتها

ياذيب طالت بنا 0 طالت 0وطالت بكم
والحمد لله ضنوني الليل بدلتها
ذيب العبيدي



ياذيب ياللي 0علوم الطيب عرفت بكم
هو انت خلت المزون 0او تو ماخلتها

لاتنهزع سالفتنا00 يوم بانت بكم
ماجملتني 0وانا يالذيب0 جملتها
فايزالبراهيم


ان كان حايل زهت ذليل زادت بكم
وجمال بوزيد قامت كيف عقلتها

والسالفه ياعميل الخير عاشت بكم
تزها بذيب العبيدي وانت ماهملتها
ذيب العبيدي


حايل وشمر واجاء 0لاجيت هلت بكم
وهاذي عوايد طنايا طي مازلتها

لاشك ياأستاذنا 0ياذيب زلت بك
مرت على خير ماظنك تناولتها
فايزالبراهيم


ان كان فاتتك كلمه قلت عدت بكم
مدح النشاما ينومس وانت ماثقلتها

نامت عيوني يابن لجواد وصحيت بكم
عطني علومك رفوف الصيد جفلتها
ذيب العبيدي


يافطحل الشعر0 قلي ليه جفت بكم
عودت لعلومنا 0وعلومنا نلتها

هي وين 0ياصاحبي 0هي وين راحت بكم
غربت وجهت كلامي وانت شملتها
فايزالبراهيم


اجاء وسلمى وفعل الطيب اشادت بكم
كتبتها في جناح الطير وارسلتها

الكور كورك ونار الحرب شبت بكم
اما تولع زنادك 00 صدق قفلتها
ذيب العبيدي


وانا لها يالعبيدي 00يوم حظرت بكم
اشوفها هينه0 كانك تثاقلتها

ان كنت تجهل هبوب الصيف هبت بكم
ذي دلتي يالعبيدي تو هيلتها
فايزالبراهيم


اجيوش ذيب العبيدي صدق حاطت بكم
اما توسع لها والا انت قابلتها

والعاصفه لو تقوم الليل شدت بكم
وان هبت العاصفه ماضنت تحملتها
ذيب العبيدي


وانا جيوشي خطيره 00كان هدت بكم
لاشك ياذيب0 لك بالعذب كيلتها

نيراننا ماتطفى كان شبت بكم
وتحمله يوم 0شبت بك وشعللتها
فايزالبراهيم


اسرجت خيلك ولكن عوص فرت بكم
واللقتك في نار ذيب وقمت وافلتها

ابك السيوف الصقيله جات واومت بكم
يوم انت في وصف شعرك قد تساهلتها
ذيب العبيدي


صادق وحتى معانيها0 تباهت بكم
شاعر علم 0ياعلمها 00بس هولتها

بس احذر سيوفنا00 مادام رافت بكم
ياهولت الله00 سيوفك0 وين حصلتها
فايزالبراهيم


صنعتها وافتخر راحت وعادت بكم
ماهي سيوفك على راحتك فصلتها

بندقه مـ العام ترفاها وثارت بكم
الله يعينك ترى ماودنا شلتها
ذيب العبيدي


خابرك حر(ن) وأصيل 0وكيف صارت بكم
ياكبرها قولتك0 لو ماتقبلتها

للسيف صانع00 ولا قد قيل ذكرت بكم
هاذي على مثلكم ياذيب سجلتها
فايزالبراهيم


انا سيوفي من اشاعري وتاقت بكم
اما سيوف الحديد لغيرك اجلتها

كلمتك هذي تراها حيل سجت بكم
الله يسامحك ربعك حيل زعلتها
ذيب العبيدي



ابيات خارج المحاورة
قالها فايز البراهيم مع الرد التالي ..
.
.
ياذيب ربعك فوق كل المدايح
حمايت المضيوم اول وتالي

من سبهم ماشاف عز ونجايح
اهل المكارم محتمين التوالي

جتك الصمايل والعلوم الصحايح
ربع(ن) لنا ربعك قديم(ن) وتالي
وواصل محاورته بعدها
.
.


بعض السوالف تخاط 00 وليه شبت بكم
لاتحترق ياعميل الخير0 هملتها

ربعك هم الراس0 هـد وليه ضاقت بكم
واكون هزل وجبان 0 أن كان هزلتها
فايزالبراهيم


مشكور لاهنت يافايز واثنت بكم
مشاعري كلها وان كان برجلتها

بلغ سلامي لربع كان مرت بكم
تاجي وعزي عبيده قلتها قلتها
.
.
اخوي الغالي /الشيخ
فايز الشمري
اسعدت بمعرفتك اولا وثانيا
زادني شرف اقامه هذه المحاوره
الممتعه التي اثريتنا فيها بعبق
مفردات الاصاله والتي تميزت
بروعة وسموء اخلاقك العاليه
الله لايحرمنا منك ومن امثالك
ياغالي 0
تقبل احترامي وتقديري لشخصك
الشامخ
بشموخ اخلاقك العاليه
وتصبحون على الف خير
وكل عام وانت بخير


ذيب العبيدي




وقبل ان يختم شاعرنا فايز البراهيم
اضاف هذه الابيات
وهي الاخرى خارج المحاورة
.
.
ياذيب انا با اللعب معكم تشرفت
قلته وانا عبدي عبيده شموخي

في مدحكم مهما كتبت وتكلفت
بالمدح ماوفيكم وفكري يدوخي

عرفتكم وانا اشهد اني تعرفت
على رجل من روس ربع(ن) شيوخي

واتبع الابيات السابقه
بختام هذه المحاورة الرائعه بينهم
.
.


الملعبه والله انه 0 حيل طابت بكم
ياذيب لك كنها0 العذرا وغازلتها

لك مستوى والختام ان كان زلت بكم
ادمح تجاهل وانا مثلك تجاهلتها
فايزالبراهيم



اخوي القدير والشاعر الكبير
الشاعر
ذيب العبيدي
الف الف الف شكر لك
على طيب حظورك وتواضعك معي
ولطف وصفاء قلبك 0وانا بكل امانه اقولها لك
هذه المحاورة ستبقى مصدر فخر واعتزازلي وستصبح
وسام0 وشهادة افتخر بها00 وكيف لا افتخر بها وهي مع شاعر
كبيربشعره وكل تفاصيله
وقبل الختام
استسمحك من كل قلبي
ان كان قد حصل مايكدر خاطرك مني
وتاكد اننا اخوة وفوق اي اعتبار 0 وفقك الله
ولعلي قدمت امامك 0لو ربع ماقدمته انت من ابداع
في هذه المحاورة الجميله معك00دمت اخوي وادام عزك ورفع الله شانك
اليوم ودوم وسلام الله لك ولكل من تابع معنا هذه المحاورة من كل الاخوة والخوات
تقبل اجمل تحياتي
وكل وكل وكل
اعجابي بك ايها الذئب
اخوك
فايزالبراهيم



اخواني

انا نقلتها كما جرت بكل تفاصيلها
ولكم اجمل وارق التحايا


ذيب العبيدي
ذيب العبيدي غير متواجد حالياً  
رد مع اقتباس
قديم 04-04-2005, 08:36 PM
  #2
ابو ذيب
..:: شاعر ::..
 الصورة الرمزية ابو ذيب
تاريخ التسجيل: Sep 2004
الدولة: من ديار نجد العزيزه
المشاركات: 194
ابو ذيب is a glorious beacon of lightابو ذيب is a glorious beacon of lightابو ذيب is a glorious beacon of lightابو ذيب is a glorious beacon of lightابو ذيب is a glorious beacon of lightابو ذيب is a glorious beacon of light
افتراضي

ابو ذيب اشهد بالله انك شاعر وكفووو

لا هنت يا شاعرنا وبيض الله وجهك
__________________
[frame="6 80"]عدت من جديد [/frame]
ابو ذيب غير متواجد حالياً  
رد مع اقتباس
قديم 05-04-2005, 01:25 AM
  #3
فـارس
عضو نشيط
تاريخ التسجيل: Jan 2005
المشاركات: 229
فـارس has a spectacular aura aboutفـارس has a spectacular aura about
افتراضي

ذيب العبيدي بيض الله وجهك ووجه

ومحاوره قمه ولاهنتو

تحياتي
فـارس غير متواجد حالياً  
رد مع اقتباس
قديم 07-04-2005, 12:50 PM
  #4
ذيب العبيدي
عضو متميز
تاريخ التسجيل: Mar 2005
المشاركات: 727
ذيب العبيدي will become famous soon enough
افتراضي

اخوي ابو ذيب


لاهنت على المرور وشكرأ لثقتك


ولا اوصسيك في القصايد الجديده


تسلم لي يابعد راسي



لاهنت



العبيدي
ذيب العبيدي غير متواجد حالياً  
رد مع اقتباس
قديم 07-04-2005, 01:44 PM
  #5
فارس قحطان
GM
 الصورة الرمزية فارس قحطان
تاريخ التسجيل: Jun 2004
الدولة: في قلب شبكة قحطان
المشاركات: 7,494
فارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond reputeفارس قحطان has a reputation beyond repute
افتراضي

لاهنت ياذيب العبيدي

على هذه المحاوره الراااائعه جدا
__________________
،



«لا إله إلا الله محمد رسول الله»



،
فارس قحطان غير متواجد حالياً  
رد مع اقتباس
قديم 10-04-2005, 04:54 PM
  #6
ذيب العبيدي
عضو متميز
تاريخ التسجيل: Mar 2005
المشاركات: 727
ذيب العبيدي will become famous soon enough
افتراضي

الرائع فارس


شكرا لمرورك وهذا من طيبك والله


تحياتي لك




العبيدي
ذيب العبيدي غير متواجد حالياً  
رد مع اقتباس
قديم 05-06-2010, 06:19 PM
  #7
ذيب العبيدي
عضو متميز
تاريخ التسجيل: Mar 2005
المشاركات: 727
ذيب العبيدي will become famous soon enough
افتراضي رد : محاوره بيني وبين الشاعر الشيخ فايزالبراهيم

فارس قحطان



لا هنت على المرور



العبيدي
ذيب العبيدي غير متواجد حالياً  
رد مع اقتباس
قديم 03-08-2010, 02:31 PM
  #8
ابونواف ابن جريب
عضو متميز
 الصورة الرمزية ابونواف ابن جريب
تاريخ التسجيل: Jun 2010
الدولة: الدمـــــــــــــــام
المشاركات: 762
ابونواف ابن جريب has much to be proud ofابونواف ابن جريب has much to be proud ofابونواف ابن جريب has much to be proud ofابونواف ابن جريب has much to be proud ofابونواف ابن جريب has much to be proud ofابونواف ابن جريب has much to be proud ofابونواف ابن جريب has much to be proud ofابونواف ابن جريب has much to be proud of
افتراضي رد : محاوره بيني وبين الشاعر الشيخ فايزالبراهيم

لاهنت ياالشنب وبوركت جهودك
__________________
ابو نواف ابن جريب
ابونواف ابن جريب غير متواجد حالياً  
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
فتاوى السحر والعين للامام ابن باز رحمه الله تعالى ابو اسامة مجلس الإسلام والحياة 11 26-03-2008 12:23 AM
فتاوى السحر والمس والعين مفرغا من شريط للعلامة ابن باز : اعداد بعض طلبة العلم ابو اسامة مجلس الإسلام والحياة 11 26-05-2007 01:52 PM
الشيخ راكان بن حثلين شبل قحطان المجلس الـــــعــــــــام 7 15-07-2006 10:56 AM
بيان من ؟؟؟ الأصيل مجلس الإسلام والحياة 2 14-07-2005 01:39 PM
مجموعة ارقام هواتف المشايخ والدعاه والايميلات .. عبيدي الدمام/ابوزياد مجلس الإسلام والحياة 3 09-02-2005 11:56 AM


الساعة الآن 12:37 PM

سناب المشاهير