أبو صالح جالس مع أبو راشد بعد صلاة العصر يسولفون ويقطعون الوقت...

تنهد أبو صالح وقال: أفكر في ها الدين العظيم اللي طلع من مكة المكرمة ووصل إلى آخر الدنيا!!!

قال أبو راشد: إيه والله إنك صادق يا بو صالح...

قال أبو صالح: بس لا يهمونك دين أهل آسيا الوسطى وأوربا والله مالهم من الإسلام إلا اسمه!

رد أبو راشد: والله إنك صادق يا بوصالح

وأضاف أبو صالح: ولا دين هالأشوام (أهل الشام) والله دينهم ما هوب اللي إنت تبي يا بو راشد

فرد أبو راشد: والله إنك صادق يا بو صالح

قال أبو صالح: والا هالأفارقه والمصاريه والسودانين متصوفه مبتدعه ما عندهم من الإسلام إلا المظهر

قال أبو راشد: ايه والله يا بو صالح إنك صادق...

قال أبو صالح: إن بغيت الإسلام في ها الديره (السعودية)

قال أبو راشد: ايه والله إنك صادق يا بو صالح...

فرد بتنهد أبو صالح: والله ماهوب دين كل أهل هالديره على اللي إنت تبي يا بو راشد؛ أهل الجنوب أهل بدع وزيدية وإسماعليية مالهم من الدين إلا اسمه

قال أبو راشد: ايه والله إنك صادق يا بو صالح

قال أبو صالح: والا أهل الشرقية رافضة وشيعة والله ما خذوا من الإسلام إلا اسموه، وأهل الحجاز مبتدعة صوفية ماهوب والله اللي إنت تبي يا بو راشد

وأضاف أبو صالح: إن بغيت الدين والله في نجد والباقين خلهم على يسراك (شمالك)

رد أبو راشد: والله إنك صادق يا أبو صالح...

قال أبو صالح: والله بعد ماهوب كل أهل نجد دينهم على اللي إنت تبي! أهل الرياض واللي حولها شرابين للتتن (الدخان) ويشوفون الدش والله ما أدري عن دينهم يا أبو راشد!!! لكن لابغيت الإسلام تراه عندنا بالقصيم!!!

رد أبو راشد: والله إنك صادق يا أبو صالح...

فأضاف أبو صالح: والله ماهوب كل أهل القصيم دينهم على اللي إنت تبي، أهل عنيزة واللي حولها يبعون التتن ويلبسون كبك والدشوش تملأ السطوح، إن بغيت الدين والله تره بذى عندك ببريده

رد أبو راشد: والله إنك صادق يا أبو صالح...

وأضاف أبو صالح: والله ماهوب دين كل أهل بريده على اللي إنت تبي!!! طلعت هالاستراحات وما يندرى من اللي يشوف الدش ومن اللي مايشوفه إن بغيت الدين إنزل ترى في حارتنا هاذى!!!

رد أبو راشد: والله إنك صادق يا أبو صالح...

قال أبو صالح: والله بعد ماهوب كل أهل الحارة على اللي أنت تبي، أشوفهم يسحبون رجليهم للمسجد تقل إنهم مغصوبين على الصلاة... والله ما بوه في الحارة إلا أنا وأنت يا بو راشد!!!

رد أبو راشد: والله إنك صادق يا أبو صالح...

أضاف أبو صالح: ماش، أشوفك منتب تخشع بالصلاة يا بو راشد!!!!!

الله يعطيك العافيه ياخوي ماجد على هذي القصه
صار ابو صالح تكفيري

هههههههههههههههههههه

لاهنت يابو عصام

__________________

والله ابو صالح كنه قريب من الواقع ---واذكر مره تعطلت سيارتي بالقرب من عنيزه -- وذهبت الى معرض قطع غيار

وبيدي ( سيجاره ) وعلى غفله مني --الا وهالشايب اللي ضربني على اليد التي بها السيجار --بالعصا

واتألمت كثير منها --ونويت اكفخه --تكفيخ منوع -- بكس --ركبه --جودو --ثم بالعقال هو وشايب اخر معه --ولكن اهل المعرض حالوا بيني وبينه --- وعذرهم (( ليه تشرب التتن )

ومن الزعل --اولع سيجارتين --في كل يد واحده --نكاية بهم

يعطيك العافيه

تحياتي

لاهنت يا ماجد

__________________

بسم الله الرحمن الرحيم
السلام عليكم ورحمة الله وبركاته

لاهنت ياماجد على القصه والله يعطيـــــــــــــــــــــــــــــــــــــــــ ـك الــــــــــــــــــــف عافيــــــــــــــــــــــــــــــه

بيض الله وجهك يالذيب...
قصه فكاهيه رائعه
تقبل تحياتي

والله إنك صادق يا أبو عصام


مشكور ياغالي

__________________


( لمراسـلتنـا اضغط هنا )

ههههههههههههه

الله لايهنك على القصه

ونتظر منك كل جديد

__________________


۩۞۩ بشـــر بن حـــرب اللـــي فرطهــم تمامــا ۩۞۞۞۞۩ عند الغضب مـــا تصـلـح الا بتنصــيــب ۩۞۩

تصدق اني عشت جو ذا الشيبان كاني اشوفهم وانا اقراء يالله لاتولينا واليا مسرف
لوان احدهم يصلي في مسجدنا ماعادجيته
يعطيك العافيه

__________________
[poem font="Tahoma,6,red,bold,normal" bkcolor="transparent" bkimage="" border="none,medium,skyblue" type=4 line=1 align=center use=ex num="0,black"]
الا لايجهل احد علينا=فنجهل فوق جهل الجاهلينا[/poem]