تسائل!!! الرجاء الأجابه!!! جت في سد الشوارب ومن فوق الخشووم!!!

اررررررررررررحب يا المسعودي

والقصيده هذي طال عمرك انا سمعت ان الفراج سرقها عيني عينك

وسمعت انه شراها من بن وسام
ولكن بن وسام اكد انها له يعني انه ما باعها

وصار عليها مشاكل قبل اقل من سنه او حدودها

وان شاء الله الي عنده خبر ما بيذخر عليك شئ يا الذيب
وسلامتك


وتقبل المرور

أخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ابيض وجه على ايراد القصيدة

وهي فعلا لسلطان الهاجري


واهني الصخره اللـي مايحرقهـا سمـوم
الزمـان اللـي يهـد الـعـزم ماهـدهـا

الزمـان اللـي تحـدا قوييـن الـعـزوم
ليـن مشاهـا علـى ود ماهـو ودهــا

والمجامل بعض الأحيان مايقضـى لـزوم
لابـو النفـس الضعيفـه لابـو جـدهـا


مير تجبرنـا العوايـد وتجبرنـا السلـوم
نكتـم الاسـرر ياليـن تاصـل حـدهـا


الردي لاطـاح جعلـه يطيـح ولا يقـوم
بـاح سـده والنشامـا ماباحـت سدهـا


كل ماكبرت وضاقت على عيـال الرخـوم
نحتـزم لاكبـر مصيبـه وناطـا خـدهـا


جعل قسمي عند ربي من خيـار القسـوم
واحـدٍ يعطـي العطـايـا ولا يرتـدهـا


ياعيـال آدم وحـوّا تـراهـا مـاتـدوم
دورة الايـــام لابـدهــا لا بـدهــا


ياوليـد البـط وشلـون مااتقـدر تعـوم
وانت أبوك يعوم جـزر البحـور ومدهـا


وانت ياحلمٍ حلمتـه مهـو مثـل الحلـوم
ياضحيّـة مـزح الاحـلام مـدرى جدهـا


ادرى ان فالناس معطى وفالناس محـروم
ايـه يابيـض النوايـا ويـا مسـودّهـا


ويا ضميري لا يهمك مـن الدنيـا همـوم
الصعيبـه حلّـهـا والبسيـطـه عـدهـا


جات في سد الشواااارب وفي سد الخشووم
كبر الضيفـه وعـش الضيـوف وغدهـا


والمراجـل ماتوفـي بضاافيـة الهـدووم
كـود بسيـوف يشـوق النواظـر حدهـا


والردي لو درس المرجله فـي كـل يـوم
المراجـل عنـد اهلهـا يذعـذع نـدهـا


يعتبر قسمه مثـل قسـم زاهيـة الرقـوم
يـوم تكحـل رمشهـا والقـرون تكدهـا


ماكسبت الا رضا اهل النمايـم والعلـووم
يارسـول الحكـي هـات العلـوم وودّهـا


الصفوف اثنيـن هـذا دفـاع وذا هجـوم
وانت اظنك لانت معها ولا انـت بضدهـا


شرهة الطيب تعـدااااك للغـوج العـزوم
وانت صلفات المشاريـه ماإنـت بقدهـا


وانت في سود الأظلـه تريّـح ومخـدوم
وإن ذبحـك الجـوع كـد التكاسـي كـدها

لا هنتوا جميعاً وبيض الله وجه صاحب الموضوع لتأكد والشرح من الأخوان

شاكر طرحك

__________________

لا هنت والقصيده جزله ولا تناسب الى شاعر مثل سلطان

لا تنسى ان فيه حرامية قصيد

تحياتي