حمدان بن محمد بن راشد ال مكتوم (( فزاع))

الشاعر فزاع .. شاعر متميز .. وأشعاره تتسم بالروعه ...
حبيت أكتب قصيده رائعه من قصائده ..

.................................................. ......................................

< يا أيّها >

تعالِ يا وجه السعد واشطب على الوجه البغيض ... يا حيّك وطلّتك في وجهي بعد يا حيّها

تنعشني انعاش الشفا العاجل للقلب المريض ... يا أيها .. تدري يا لبّيك انت وش يا أيّها ؟

ما انت بزي الناس واكتبها لك بخط عريض ... تبغيني احلف ؟ لا ورب البيت ما انت بزيّها

يللّي غرامك في خفوقي من كثر قدره يفيض ... النفس تندب حظّها والعين تبكي حيّها

من عوضك اليا فقدّتك وان وجد كيف استعيض ... وانت النهار وشمسه وشجرة غلاي و فيّها

هاجرت واصبح زولك فــي عيني يهاجرني وميض ... يا أول جروحي دخيل الله من تاليّها

أحيا على وصلك وأموت بكل برد وكل قيض ... تظما مشاعر خافقي لك وانت سبّة ريّها

لبّيك يللّي من عشقتك قمت احس انّي حظيظ ... يا مغوي نفسي ونفسي ذايبة من غيّها

أنا أعرف ان كل الليالي سود والأيام بيض ... دامك معي ما همّني في كثرها وشويّها

.................................................. .....................................
منقول