[] غدربي وليفي غدر أهل مصر للاخوان [] وسلّط علي هجره مثل سلطة السيسي []

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
يا رحمن وسوس بي على هقوتي شيطان = وأنا أعوذ بك من نزغة النفس و ابليسِي
خواطر خفوقي روّحت روحة الدخّان = ولكن حديث النفس بيّت هواجيسِي
تذكّرت دربٍ جيت له عادني طربان = ظلام وهبوب وعج . (صعب التضاريسِي)
وتذكّرت من صبح العنا ساعة الحرمان = وليلٍ حلومه من ظلامه كوابيسِي
وتذكّرت من دفتر حياة الشقى الأحزان = وشطبت السعادة والفرح من قواميسِي
سمعنا قصص للعشق في سالف الأزمان = معاييرها وحدة بكلّ المقاييسِي
وجرّبت وأثر التجربة باب للادمان = لو ان ماهي (بليلى) ولاني لها (قيسِي)
بنيت الهوى قصرٍ مشيّد مثل (برزان) = وغنّيت له مرحوم ( قصر السناعيسِي)
غدربي وليفي غدر اهل مصر (للاخوان) = وسلّط علي هجره مثل سلطة (السيسي)
وانا ما معي في المعركة (هدهد سليمان) = يجيب العلوم اللي ورى باب (بلقيسِي)
ولكن بقلبي حب عفو وصلاح إنسان = تنازلت عن ثاري ولا اطريت تفليسِي
زمان الهوى ما هو زمان إستلم يا فلان = إعادة على ( تويتر ) ولايك على (الفيسِي)

[/poem]

فهد الهباش !

اعجبتني التراكيب والصور والمعاني
عندي ملاحظة على بيت هدهد سليمان فالموضوع عشق وفراق وليست معركة خسرت فيها لتبرر
والبيت الاخر شطبت السعادة من قواميسي كان افضل لو صغت البيت بان السعادة انشطبت من قواميسك وليس انت تشطبها
هذي وجهة نظري وتظل القصيدة رائعه ..... صح لسانك
سجلني متابع لقصائدك