(آه ياجرح المفارق ويا جرح الشعور***القرار الحاسم أبغى أكتبه وأصدّره)..."الشاعرالطرقي"

[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله إنك ترحم الحال وتعين الصبور=خاطري ضايق و جورالزمان مكدّره
والله إني صابر لو زماني فيه جور=راضي" باللي جرى والصدوف مقدّره
طال صبري يا هل العرف والدنيا تدور=و الحقيقة وارد العد غير مصدّره
القدر مكتوب للناس من حزن وسرور=الله يكتب أمر القدر ويقدّره
آه يا جرح المفارق ويا جرح الشعور=القرار الحاسم أبغى أكتبه وأصدّره
الآوادم تجهل الحق في بعض الامور=و العلوم مورده والعلوم مصدّره
صار وضع الناس تالي زمنا في دبور=العقول مهبّلة والدمي مهدّرة
قد وردنا جمة العد في ذيك الشهور=يوم بعض الناس عنها تقول مخدّره
شاربين" صافي الجم من قبل السبور =قبل تشرب منه وتغثربه و تكدّره
لي مع أهل الشعر و المعرفة و الرأي دور=ما ألتفت ولا أتشمّت بناس مجدرة
حالف إني ما أستمع من ردي الرأي شور=ما يفيدك سنّد العلم و ألا حدّره
الوفي دايم مقدر و قدره فالصدور =و الردي لو عاش بيموت ما أحد قدّره
والكفو فعله ينومسك و اللاش معثور=و الضعيّف دايم" همته متحدّره
والرجال إن جات حازتها ما هي تبور=و فالمراكز الاولة دايم متصدّره
سود الله وجه من سب وافين الشبور=و الله إن وجيههم غالية و مقدره[/poem]

__________________

أرررحب ييابن شنان تراحيب المطر

وصح الله لسانك وبيض الله وجهك على الكلام الجزل

وكعادتك يابو صالح ماتجيب إلا السمين يا السمين

وأتشرف أن أكون أول من شرف هذه الصفحة

وتقبل مروري ....

ششششششششششششششش

__________________


والله إنه صادق

صح لسانك ياسنايدي والله يعينك على هذا الزمان الشين

صح لسانك ياسنايدي

__________________

سود الله وجه من سب وافيـن الشبـور
و الله إن وجيههـم غاليـة و مـقـدره

ارحب يالطرقي

وصح لسانك وبيض الله وجهك

قصيده وافيه وانت وافي

ننتظر جديدك

تقبل ودي وتقديري

__________________

صح لسانك ياسنايدي والله يعينك على هذا الزمان الشين

__________________
محمد بن عبيان آل سالم الفهري

صح الله السانك

تقبل تحياتي ومروري

لاهنتوا جميع على مروكم المشرف والعطر

ولكم خالص الود والتقدير

__________________

الآوادم تجـهـل الـحـق فــي بـعـض الامــور *** و الـعـلــوم مــــورده والـعـلــوم مــصـــدّره
صـار وضـع النـاس تالـي زمنـا فــي دبــور *** الـعــقــول مـهـبّــلــة والـــدمـــي مـــهـــدّرة
قـد وردنــا جـمـة الـعـد فــي ذيــك الشـهـور *** يــوم بـعـض الـنـاس عنـهـا تـقـول مـخــدّره
سـود الله وجـه مـن ســب وافـيـن الشـبـور *** و الله إن وجـيـهـهــم غــالــيــة و مـــقـــدره


ياسلام ياسلام


صح الله لسانك ياشاعرنا ابو صالح واعتلى شانك


نص جزل ومليان وشهادتي فيك مجروحه


واقتباسي لايقلل من جزالة البقية


واسمك مقرون باالأبداع


ولايبطي جديدك ياكحيلان

.......................................
لاهنت يا ابوحسن شرفتني بمرورك

تقبل تحياتي

ودمت بخير

__________________