عسى جيب ثوب مامنـه ستـر بالفـاري ...&&&

الاخوه الأعزاء اخترت لكم هذه القصيده من قصائد الشاعر المعروف محمد بن سياف

ارجو ان اكون وفقت في حسن الأختيار وعساها تستر بايق المروآت ـ

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
انا يوم اقول الشعر واتعـب علـى قافـه=لجل يعجب السامع ويطـرب لـه القـاري
اطمع في جزيل القول واعرض عن اضعافه=واعزز جويد الساس قبل ابنـي اجـداري
يجي وسط سوقـه تنقـل اثقالـه اخفافـه=مـع العلـم مانـي بايـع بـه ولاشـاري
تصفية الذهب من صايغـه قبـل صرافـه=والافكـار بنـك فيـه درهـم وديـنـاري
ابغى البيت لامسنـد علـي عنـد عرافـه=ولاصار لي في مجلس اهل الوفـا طـاري
يجذبهم بصيغـة وزنـه ونظـم محرافـه=ويرجع تايه الطاروق مع دربـي أجبـاري
وكل على طـول انضـره يركـز اهدافـه=وعند الرمي يعرف وقعها هطف واسواري
وكـل محزمـه تنقـل معاليقـه اكتـافـه=شداد ورديـف وثالـث اصـل ومبـاري
كما قـال راعـي مـدة الرجـل ولحافـه=ولاينبكـي للـي وخـذ عقـب لـنـذاري
عط الحق من نفسك ومن اغيرك استافـه=ويعرف بو علوم اكبار وافعوله اصغـاري
نعرفـه بوسمـه لـدرج السيـر حذافـه=يرضى بالقصور وتكشفه حكمـة البـاري
لامن الجمل لحقت علـى الدفـه اضلافـه=على غير اهلهـا ينـزل الطـن قنطـاري
واليوم البشوت اطوال والسيـف باغلافـه=ولانيـب رب امـدور الستـر مالـعـاري
ولا اللي لبس له ثوب جيبه مـن اخلافـه=لو ينشـق للعرقـوب ماهـوب لـه داري
لو جا من يقطـع زرتـه راح مـا شافـه=عسى جيب ثوب مامنـه ستـر بالفـاري
باب مايـذري قـل لمـن يفتحـه جافـه=لاصار يكشف داخلـه شبـح الأنضـاري
عسى اللي شديد بطشها تنسـف اطرافـه=لاكان ارتفاعـه فالسمـا عشـرة ادواري
اقولـه وانـا اللـي مايخـاف الله اخافـه=بو وجهين مادله على مخـزن اسـراري
لـو قـدم لـي الخدمـه وكامـل تلطافـه=اعرف ان يديه الحلقي اقرب مـن ازراري
جسمه ظخم وان هزيته الين مـن السافـه=اشكال مثل وصـف الطفاريـش والنـاري
صيده سهل كثر وكثرتـه مصـدر اتلافـه=وانا لا بغيـت اصيـد باطـب واختـاري
لاكـن اتعيـب صيـدة النـذل والتـافـه=الا ان كان شفت انه على العمد متجـاري
فله منـي انـي لهجـره واثنـي اكتافـه=واهينه واخـرب سمعتـه بيـن لقطـاري
جزا اللي على المـاء مايسقيـه مغرافـه=وانا له علـى هـداج مـارد ومصـداري
تم القول والمشرف على نفسـه اشرافـه=وان قالو من القايل قـل محمـد الصـاري
وصلاتي عدد من حـج بيـت الله وطافـه=على خير من باب السما فتح لـه سـاري
[/poem]