[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ما يرد العمر يا صاحبي كثر الفلوس = بعض تجار العرب لذته ما ذاقها
جتني الدنيا تمايل كما بنت عروس = وامتلكني صوت خلخالها في ساقها
اتخيلها معي وسط بستان وغروس = تقطف الزهرة وتنثر على اوراقها
احسب اني من تغريافها نمر فروس = قانع منها على جودها واخفاقها
واحسب إن قلبي ما اشواقها دونه حروس = لو جميع الخلق تشتاقها ما اشتاقها
ويوم شفت الناس في عشقها ترمي النفوس = فاتخطى الناس في ضمها واعناقها
أثرها معشوقة فوق عاشقها تدوس = عقب ذاك الزين غبرا جفت عشاقها
كثر ما اسقتني من المر اعطتني دروس = خير مما في بطون الكتب واوراقها
علمتني فن شرب المرارة في كؤوس = والضلوع العوج تصبر على خفاقها
علمتني في صعيب المواقف كيف اسوس = الظروف اللي تضيق علي خناقها
علمتني وش هو الذيب من غير الظروس = وان ذبحت الشاة ما ضرها علاقها
علمتني كيف اهل النميمة والدسوس = تنكشف عند الملمات في مراقها
علمتني إن الجمايل على عيال النجوس = مثل من أمن العشيرة مع سراقها
علمتني إن كل شي له موازين وقوس = وان عمر النفس محدود من خلاقها
علمتني كيف ما اكون من ربي يئوس = وان رزق الناس مقسوم من رزاقها
علمتني إن فيه ناس ابريا خلف الحبوس = تنتظر في داخل السجن أمر اطلاقها
اشهد إنه سيد القوم وان تاج روس = واحد ما يحسب اقبالها وافراقها
مطمئن النفنس والبال ما عنده هجوس = والعلوم الصاغرة من ضميره حاقها
صابر وان حس في خاطره بعض الحسوس = ساقه العية لدرب الطلاقة ساقها
والرجال اللي براس الهرم تبغى الجلوس = ما يقدمها على الناس كود اخلاقها
والزمن لو يتقلب على انواع الطقوس = ( الرجال العارفة ما ارتخى معلاقها )
محمد بن نغموش[/poem]

الأخ : محمد

صح لسانك ولاهنت

قلت فأبدعت .

إبداعك يجبرنا على متابعتك .

وكم نفتقد للقصائد النابعه عن التجربه . لأنها إختصار سنين طويله .

تقبل إعجابي وتقديري ،

اررررررررررررررررررررحب يامحمد



من طول الغيبات جاب الغنايم



الله يحييك ويحيي ما جيت به


صح لسااااااانك يا كحيلان



وعلى الاخرى عانك


والحقيقه انك حارمنا تواجدك وابداعك


لا تحرمنا تواجدك وابداعك يا القرم


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

بيض الله وجهك وصح لسانك

قصيده رائعة من شاعر وافي

وفي انتظار ابداعك وجديدك

تحياتي

صح لسانك صح لسانك صح لسانك


ولاهنت


وبيض الله وجهك


سلمت لنا


تحيتي وتقديري واحترامي لك

[poem=font="Simplified Arabic,5,crimson,bold,normal" bkcolor="transparent" bkimage="" border="none,medium,gray" type=3 line=0 align=center use=ex num="0,black"]
علمتني فن شرب المرارة في كؤوس = والضلوع العوج تصبر على خفاقها
علمتني في صعيب المواقف كيف اسوس = الظروف اللي تضيق علي خناقها
علمتني وش هو الذيب من غير الظروس = وان ذبحت الشاة ما ضرها علاقها[/poem]

الشاعر الرائع :محمد بن نغموش

صح لسانك



وفي الواقع أن الدنيا هي مدرسة والحكم تستقى من التجارب


وأنت نقلت لنا نتائج تجاربك بكل وضوح وتمكن فلك الشكر الجزيل..


القصيدة رائعة وتدل على معرفة وإطلاع وتجربة فلك الشكر الجزيل عاى هذا الإمتاع


تقبل خالص التحية والتقدير،،

صح السانك يامحمد

تقبل تحياتي وتقديري

صح لسانك يامحمد


قصيده رائعه جداً


ونالت إعجابي بشكل كبير


نتطلع لجديدك وفي الإنتظار


أخوووووك

ارررررحب يا محمد

صح لسانك واعتلى شانك

تجربه شاعر كبير نستفيد منه


تقبل تقديري

__________________
بدون توقيع هذي الايام راحه

اشكر لمرورك وتواضعك يا غالي