جــديدي..

[poem=font="traditional arabic,7,blue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلبي اللي هبوب العشق لافنّه = بين سور المحاني يرجل إرجالي
مأخذه حب غروّن لعنبو فنه = طيبٍ ساس جده طيب الخالي
أبتلاني بحبه وأشهدن كنه = عود موزٍ ليا هب الهواء مالي
مقدر أصد منه وأبتعد عنه = غالي ومنزله وسط الحشا غالي
أستوى هيل حبه وأستوى بنه = فوق نارن بحبه تشعل إشعالي
دام فرقاه نار وشوفته جنه = يا وجودي عليه ويابري حالي
والله إنه مناتي من صغر سنه = عاد ثوبه من ظروف الفقر بالي
إبدويٍ سلوم البدو ربنّه = لين فرق ما بين المر والحالي
ويوم جتنا الحضاره ما أخلفت ظنه = عالي ٍ مستواه ومنهجه عالي
في غيابه ردفت الونه بونه = آه يا روح روحي سلوة السالي
كل قافٍ يقول الفكر لي غنه = ولجل عين الغضي غنيت موالي
دام فرقاه نار وشوفته جنه = يا وجودي عليه ويا بري حالي


بن شبله[/poem]

أستوى هيل حبه وأستـوى بنـه
فوق نارن بحبه تشعـل إشعالـي
دام فرقاه نـار وشوفتـه جنـه
يا وجودي عليه ويابـري حالـي
بيض الله وجهك يا بن شبله

__________________

دام فرقاه نـار وشوفتـه جنـه
يا وجودي عليه ويابـري حالـي

الله الله صح الله لسانك ياسمي

وبيض الله وجهك

__________________