قصيدة في الشيخ/هيف بن محمد بن عبود الرفيدي..... بأم رقيبة 1428هــ

بسم الله الرحمن الرحيم

في الحقيقه يشرفني المشاركة في مثل هذا الصرح الشامخ والذي يمثل قبيلة قحطان افضل تمثيل من خلال الشبكة

العنكبوتية.

وإليكم القصيدة والتي القيت في حفل الشيخ هيف بن محمد بن عبود الرفيدي في مزاين أم رقيبة لعام 1428هــ

[poem=font="Simplified Arabic,4,darkblue,bold,normal" bkcolor="transparent" bkimage="" border="double,medium,darkred" type=2 line=0 align=center use=ex num="0,black"]
أول بدايات الكلام وورودها=ذكرك يارب المسلمين امعبودها
المبتدا والمنتها كلها لك=وتخضع لك وجيه العباد بسجودها
وانك تديم الأمن والخير والرخا=وانك تعز المملكه في سعودها
عبدالله القايد وال سعود كلهم=قاداتها حما حماها اسودها
أبنا مؤسس مملكتنا وعزها=مرسي قواعدها مثبت حدودها
عبدالعزيز الله يوسع منازله=في جنة الفردوس يقطف ورودها
وطالبك توفبقك وعبدن توفقه=ما عاد تنحاه القمم من صعودها
وانا ليا مني بدعت المثايل=يقوى صمودي لين يكسر صمودها
أبدي العاصي على الطوع منها=وأذلل اصعبها وانوخ شرودها
ولا كل قصاد يمثل قبيلته=يوم العرب بالشعر تثبت وجودها
ولا كل رجال ٍ جدوده تنومسه=لا قامت الشعار تنسب جدودها
ولا كل زرّاق تنومسه حربته=ولا كل شلفا يشرب الدم عودها
ولا كل من يرمي الهدف صوب الهدف=وكل ايد قناص تضوي صيودها
سلام ياهيف السمين المسمى=سلام ياعشاق عالي سنودها
سلام ياراعي اليمين الطويله=اللي تماري الناس في فيض جودها
سلام ياللي للرفيق الموالي=درعن صليبات الهوايا يذودها
سلام ياشيخ ثقيل على العدا=عما نواظرها ولطمة خدودها
سلام ياعز الصحيب وسعادته=جمة قراح يهتنا في برودها
سلام ياجمعا رجال ٍ توافدت=في بيت كساب الجمايل حشودها
تسليمة احلى من الما على الضما=ومن نفحة الجاوي ذعاذيع نودها
في مجلس ٍ راعيه ذكره يجمله=واسمه معا جمع القبيله يزودها
شيخ رفع روس اقحطان ابفعايله=في صفحة الطاله بشتى بنودها
حتى الحلال اللي يحوزه ويملكه=شوايعه تعرف وتظهر بزودها
ابله ليا طبت مزاين هل البل=مراكز القمه تهلهل بفودها
يستاهل البل هيف والبل تليق له=ويستاهل الطالات شيخ يرودها
ويستاهل البل من يوفي نذورها=ويلطم عيون الطامع اللي يحودها
ويظهر لوازم درها يوم وردها=ويعشي الخاطر فقارة قعودها
ويستاهل الوضح الخيار المسيسه=اللي مزاحم غيرها يكودها
ذرية تمام تمام اللي تمام على اسمه=تمام وافحول الجزيره يسودها
وضحن مثل لون البرد يوم تنتشر=ومن بعدها صوت الموده يقودها
قلاطها كنه مدرب سريه=على حسب ليعاز تمشي جنودها
ليا اقبلت من عرقة زاف عشبها=تبعد من الكبد الحزينه لهودها
ومعها مجاهيم على غاية المنى=لعل تخطيها نواظر حسودها
ثقال مواطيها عراض جنوبها=وما قبلها تخلي موارد عدودها
وحمرن تقول ان جوخ لشراف لبسها=وكنها من الشيراز تطلى جلودها
سود مقاريها وسود خشومها=بيض لواحيها عراض بدودها
البل خيار المال واغلى حبايبه=وخيار الرجال اللي مشافي سعودها
جعل المزون اللي تداوم نصوبها=لا ناض بارقها وحنت رعودها
تمطر على خدن تربه وتدهله=لين اتغدي مثل الزوالي نفودها
من زودها يبني الشحم في ظهورها=ووقت الزوال تشوف ظله لهودها
الفوز ياهيف الرفيدي نصيبك=ذي كلمت كل البرية شهودها
استاذنك ذليل ياطيب النبا=باسم الرجال اللي وفت في وعودها
اطلق عليك اسم معا هيف واقبله=سيف اقحطان اللي تشده زنودها[/poem]

أخوكم الشاعر/ ذيب بن محمد الحميداني

أررررررررررررررررررحب يابو محمد


صح لسانك وعلا شانك


دائما حضورك رائع


تقبل تحياتي

__________________
]

ارررحب


ذيب بن محمد الحميداني


والله يحييك طال عمرك في محلك


صح الله السااانك على هذه الشامخة


كفيت ووفيت ومدحت من يستاهل المدح وكثر الله من امثالك وامثاله

ابومحمد لاتستغرب منك الجزاله والابداع شاعر نظم رائع ونجم من نجوم القلطه

مبدع وجزل ومتمكن لاعدمناك

لاتحرمنا تواجدك العذب

__________________

صح لسانك ياذيب

تفعل وهيف يستاهل اكثر

لاهنت وتقبل تحيات بحر

__________________

صح لسانك يا أبو محمد

بيّض الله وجهك

مدحت من يستاهل المدح

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

بيض الله جهك يابومحمد

قلت وابدعت


وهيف يستاهل المدح

ارحب وصح لسانك وبيض الله وجهك

__________________

لسماع قصائد الشاعر :
اضغط هنا

ذيب الحميداني

ارحب الله يحييك في منتداك

شاعر معورف ومتمكن في النظم والمحاوره

وصح لسانك على ذالرائعه الجزله

وبن عبود كفو يستاهل

لاهنت ،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

بسم الله الرحمن الرحيم
السلام عليكم ورحمة الله وبركاته

صح السااااااااااااااااااااااااااااااااااااااااااااااا ااااااااااااااانك


والله يحفظ الجميع

__________________

صح الساااااااااااانك ،،
وهيف يستاااااهل ،،،