الشمس غابت 000 قصيدة 4 في 1

[poem=font="Simplified Arabic,4,white,normal,normal" bkcolor="transparent" bkimage="backgrounds/37.gif" border="double,4,gray" type=0 line=0 align=center use=ex num="0,black"]

الشمس غابت وكلن دور سراجه = والشوق جمر مااحر الشوق لاجمر

دام اتجاهك شمال مودعك حاجه =سلم على حايل وسلم على شمـــر

قدامك الخافق اللي ينشد علاجــه =كنه معلق على برزان ومسمــــــر

وانت تعرف يابعد حيي من تواجه = بيضان الافعال لامن الزمن سمــــر

ان ضاقوا أعنف من البحر ومن امواجه = وان راقوا اركد من الخرمان لاعمر

كم صيت بيت عتق في الباب مزلاجـه =وكم شيخ اماره قبل تعيينه مومر

وكـــم حاتمي تكفـي فلـة حجـاجـــه = وشلون للضيف لو عن ساعده شمر

وان مر تاريخـــهم متلبسن تاجــــــــه = كم عاشقن كيف وكم حاسدن زمر

في جــو اغلى على الرجلي الى داجه = من ديرة السادس ومن ديرة معمر

كنه الى اهـــدى له البــراق ثجـاجــــه = طلة غرير ضحك ومن الخجل حمــر

توارثوا حـرثــه وتمتيـــر ديباجـــــــه =ركابة الجيب من ركابـــه الضمــــر

الــود لاغرس بدري صعب مخراجــــه = والله ولا الـذ واحلـــى منه لاثمــــــر

ادخل على اللي تطوف البيت حجاجــه = من ناقصن عند مدح الغيــر يتذمـــر

والمدح لو كان في الرديان للصاجــه =ويقال عمّــر بلد بلعـــون ماعمّـــــــر

والـــذم لو زاد فـي الطيّــب تولاجـــــه = لااحرق ولا اغــرق ولاعمــر ولادمــر

مانيب متحسف بشعــــري على حاجــه = الا اني اروح ماغنيت فــي شمــر[/poem]






[poem=font="Simplified Arabic,4,white,normal,normal" bkcolor="transparent" bkimage="backgrounds/37.gif" border="double,4,gray" type=0 line=0 align=center use=ex num="0,black"]

هلا بشهمٍ صدق في رسم منهاجـه =هلا بمنهو تمثّل فـي جبـل شمّـر

هلا بمن تعجـز القيفـان لحراجـه = ومن حقه إنه على القيفـان يتأمّـر

وصل سلامك ولا يحتـاج ديباجـه =عمّرت صرح الغـلا ياعلّـك تعمّـر

نظمت عـذرا تهبّـل فـي تغنّاجـه =لو حاول احدن يجاري حسنها قصّر

يامير الاشعار يامن يحسـده تاجـه = اعذر محاكيك بالقيفـان لـو كـرّر

لو يمرض الجود نادوا فيك لعلاجـه = تعطى البشاره لمن في جيتك بشّـر

لو يظلم الكون نورك يجلب افراجـه =ماعاشرك في حياتـك حـي ويكـدّر

يشهد لك ا لليل لامن ضوت ابراجـه = ويشهد لك الحبر والاقـلام والدفتّـر

والطيب يشهد لك انك صرت هداجه = نعم المراجل ونعم الاصل والمخبـر

قحطان كنه محيـطٍ تلطـم امواجـه = طوفان عارم ليامن الهـوى زمجـر

ولامن هدا الموج يهدي غالي انتاجه =الـدر واللـول والياقـوت والعنبـر

ما رامهم طامع إلا يرجـع ادراجـه = الليث ماينقـرب خـصٍ ليـا كشّـر

نبراس عزٍ يسـرك فـي توهّاجـه = من خلقت الكون حتى ساعة المحشر

يامن نظمت البيوت وقمت بخراجـه = عسى حياتك سهود ولايجيك الشّـر

منت الذي يحسب بيوته على حاجـه = حنّا هلك والجبل في مثلكـم يفخـر

ولا غابت الشمس محدن دور سراجه = نور القحاطين ساطع في جبل شمّـر [/poem]






[poem=font="Simplified Arabic,4,white,normal,normal" bkcolor="transparent" bkimage="backgrounds/37.gif" border="double,4,gray" type=0 line=0 align=center use=ex num="0,black"]

بديت باللي ينيـر الكـون بسراجـه =الواحد اللـي ينيـر الكـون لاسمـر

سبحان منهو نحت للسيـل مدراجـه =مظهر نجومه لامـن الشفـق حمّـر

ومن بعد ذكره ورّدت القاف لي حاجه = وشربت لين ارتويت وخاطري زمّـر

وبديت سيناريو شعري من إخراجـه = ردا ً على الشاعر اللي ماهو مقمّـر

بالله يامـودي المكتـوب رح ناجـه = وسلم عليـه وتكلـم بأسمنـا شمـر

سلم على اللي لضيفه يضحك حجاجه =من لابـةً تشبـع الجيعـان لا ظمـر

تاريخ قحطان مثل الشمـس وهاجـة = غلطان منهو يقول الشمـس تنخمـر

وفي حاضر اليوم شال الطيب هداجه = أنا أشهد انه علـى الشعـار ينومّـر

الشاعر اللي بيوت الشعـر تحتاجـه = ناصر لسلم الجـدود الطيبـه عمـر

هم منبع الطيب هم ساسـه وإنتاجـه = والطيب وسط البيوت الطيبـه ثمـر

كريم برقً علـى قحطـان ملعاجـه = على المطر في بلد قحطـان ينهمـر

بديار قحطان طيـر العـز مدلاجـه = عسى النفل في فياضه كثب ومغمـر

مدحت ربع ٍ ماهم للطيـب سمّاجـه = والطيـب مستاقـد ً فيهـم ولاجمـر

ولاهمني واحـد ٍ خطوتـه منعاجـه = اعرف راع العمار من الـذي دمـر

ولاني بمتحسف بشعري على حاجـه = إلا اني اروح مارديـت عـن شمـر [/poem]




[poem=font="Simplified Arabic,4,white,normal,normal" bkcolor="transparent" bkimage="backgrounds/37.gif" border="double,4,gray" type=0 line=0 align=center use=ex num="0,black"]
شمس الوفا للوفا بالنـور وهاجـه = وزرع الوفا بالوفا لأهل الوفا ثمـر
مندوبنا للجنوب خصوص منهاجـه = يحمل سلام الوفا من لابتـي شمـر
للابه اللي مقام المجـد هـو تاجـه = من وقت ركب المهار القب والضمر
قحطان حرار موت الحرب ياراجه = على العدو يشتكـي للـذل ويدمـر
عدوهم ياذكرهـم يكثـر احراجـه = الشاب واللي كبير السـن ومعمـر
منهم يشوف الوزاء والذل وازعاجه = يامن طبل الحرايـب للقـاء زمـر
اليا حصل بالفعايل حرب ومواجـه = حريبهـم بالشجاعـه ذل مانـمـر
فيه النواحي تضيق وصعب مخراجه = كان السبايا غباره بالسمـاء حمـر
للفعل تسجيل مجد وفيـه هراجـه = ماقاله اللي كذب بالهـرج ومقمـر
وقيل الفعايل لراع الشـك فلاجـه = تاريخهم ناصع الوجهيـن ماسمـر
ومنهم شهيم ٍ رموز المجد بحجاجـه = وافي مبادي لقصر المرجله عمـر
وسكن عوالي قصور المجد وابراجه = يبني قصور الشرف والمجد مادمـر
رقى لقصر ٍ طويل وصعبه ادراجه = حتى وصل قمته بالـدرب ماخمـر
يفداه منهو ضعيف النـاس هلباجـه = اللي على الجود واهل الجود يتأمـر
يوم غابت الشمس قام وولع اسراجه = وذكر خفوقه على برزان ومسمـر
ولولا الوفاء ماذكرله بالمثل حاجـه = وافي ويلقى الوفا منهو نصى شمـر [/poem]