مراسلة جديدة بيني وبين الشاعر/ ذيب بن محمد الحميداني
بسم الله الرحمن الرحيم
هذي القصيدة ارسلتها للشاعر / ذيب بن محمد بن ذيب بن فرحان ال حميدان و رد عليها
والقصيدة تعبر عن نفسها:
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
استغفر الله جليل الملك سبحـــانه= من حاجةٍ فالصدر ماني بكاتمها
إذا طغى الشعر وارخى الشاعر عنانه= جايز ولو للمثايل شرع يحكمها
يا فكر ما للهزيلة عندنا خانه=عوايدك ترسم الجزلة وتنظمها
أن كان فالبحر دانه ظّهر الدانه=لو كان تسبح من الغبات مظلمها
ولا اترك البحر لولوَه ومرجانه=لاصار منت بعلى ما قيل فاهمها
كلن على ما يقال لسانه حصانـه=امّا رفع هيبته ولا يحطّمها
صحيح من قال هرج الرجل ميزانه=لكن خبول الاوادم من يعلمها
شعار ذا الوقت كلن جرّد اسنانـه=ابيوت الاشعار بالتلفيق يرسمها
عجوز قومٍ تجمّع كل دندانه=واترادف الصوت مع هبَة نسايمها
عن منهج الشعر واهل الشعر عميانه=وأن علّمت بالقدى مدّت بلاعمهـا
يا ذيب يشرح لك المكتوب عنوانه=مانيب مخفي معانيّه ومبهمها
الشعر يشكي ويطلب فزعة اعوانه=من حالةٍ ربك الخلاّق يعلمها
استعبد وذل وارخص تالي ازمانـه=وصحوة رجاله معه ما قام قايمها
واللي لعب بالقصيد وحاس قيفانه=فزّت له الخلق جاهلها وعالمها
احدٍ تقفّاه واحدٍ وقّف وزانه=واحدٍ فلق بندقه واحدٍ يلقمها
واحدٍ بالامداح هيّض باقي اشجانه=واحدٍ خذا خطته منه يتعلمها
إلين طاش وطغى شيطان طغيانه=واعلن عن الخطة اللي كان مبرمها
مثل المريكي سعادة بوش واخوانه=بالفبركه يقبض القبضه ويحكمها
يا ذيب ماصغت قيفاني على شانه=ولاهمّني حافر العيلم وداهمها
لكن شعر العرب بغياب فرسانــه=يجعل لصوصه تمادى في جرايمها
لابد ناقف معاً في وجه عدوانه=ونكشف صحيح الدعاوي من مرهمها
واذا غدى للقصيد الجزل ترسانه=خلك لواها وانا جنبك ملازمهـا
البيت ما يرتفع من دون عمدانه=والنار ماتشتعل من دون مضرمها
والدار ما يندخل من غير بيبانه=والحرب ما تنتهي من غير حاسمها
ومن ما وقف بالمهنّد دون حدانه=راحت حياته علومٍ مع معلمها
والزيدي اللي ملا بالقات دكانه=لا خير في تجرته واللي يساومها
ذا قول منهو يحكم الرمي نيشانه=والهيّنة ما يجامل من ينادمها
هواجسه لا التقت خيله بميدانه=من المية تاخذ الخمسين بلجمها
يا ذيب جاز القصيد وطابت الحانه=في معزلٍ عن غثا الدنيا وعالمها
واخترت لك من جزيل النادر اسمانه=رسالةٍ ما تخجّل من يسلمها
رسالةٍ بالوفى والطيب رويانه=وتحيّتي واصدق الود يتقدمها
جاتك على العاجل الممتاز منصانه=بريد دولة قطر بالختم خاتمها
يا شاعرٍ سوق شعرك تغلي اثمانه=ويش انطباعك عن الفكرة وناظمها
والختم صلى الله المعبود سبحانه=على محمد هدى الامة معلمها[/poem]
الشاعر/ عايض بن هداف بن عايض بن غيده
رد الشاعر / ذيب بن محمد بن ذيب بن فرحان آل حميدان
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
مبداي ابذكر كريم عالي شانه=امدبر الكون والاسرار يعلمها
خزاينه جل رب الكون مليانه=ولا تنحصي نعمةٍ من جوده أنعمها
يا هاجس في صميم القلب مسكانه=عساك قد المهمة ما تثلمها
قافيك طرق تهول العقل قيفانه=صم الضلاعين عزك من يصادمها
بنات فكري لها في فكري اخزانه=عهدي بها ما تقصر في لوازمها
في لازمي بامر رب البيت سبحانه=لو تمضي سنين ما تفتر قوايمها
زهمتها واقبلت للصوت عجلانه=كنها ليا جيت أحليها وأقيمها
شول كبوده نهار الخمس عطشانه=في لاهب القيض والقلاط ناهمها
كن جلها لاقبلت للشرب سكرانه=يا عنك ما هوب حظ اللي يزاحمها
واللي حداها على الطاروق واوزانه=وتجمع حشود مسيرتها تنظمها
رسالة طيها بالود عنوانه=ظربت لي طرقة لاجل اتسلمها
رسالة من بحور العز رويانه=من حقي اتعب وابادر واتغينمها
يا مرحبا عد نو تردف امزانه=ترحيبة ما توخر عن مواسمها
بالورد والمسك واليشموم نشوانه=تعم الاجواء الخليجية نسايمها
بكتاب شيخ فعوله تطلق لسانه=وتطلق لسان إقحطاني يقدمها
نفسي على شوفه جويعه وظميانه=أبغى العوارف تنادمني وانادمها
فعل ابن غيده يوفي فعل جدانه=فيه المراجل موفرة معالمها
يحيي قدايمه والتاريخ برهانه=روس الرياجيل تفخر في قدايمهاِِِِِِ
ابوه شيخ رجح بالطيب ميزانه=هداف لا كبرت القالات يحكمها
وجده عسى جنة الفردوس مسكانه=له بصمة في سنام المجد بصّمها
يا عايض انت تعرف دنياك خوانه=روس الرياجيل تشكي من هضايمها
والشعر جا بين وقت وبين عوّانه=والساحه اليوم كاثرتٍٍ جرايمها
ما يغلي الطيب اللي يجهل اثمانه=ولا يتقن المهنة الا من تعلمها
الاول الابتدائي شفت ورعانه=تكتب على صفحة الشعر بمراسمها
من عقب ماكان قصر تذري اركانه=مكرم وساحته كلٍ يحشمّها
ما يقربه كون ناس تحرز اتقانه=ناس بحوره ما يخلفهم تلاطمها
مصيون ما دشوا الجهال بيبانه=كل يميز قوانينه ويكرمها
أهل الغشامه تداعو فوق جدرانه=كل ركب له تبيس وقام يصدمها
نامو حماته ورضيو فيه شيخانه=ولي طاشو الشرذمة ماني بلايمها
ركبت قطاره وجات اتلف سكانه=وتحاسب الناس وتوزع قسايمها
واهل الحداثة تحاول نقض سيسانه=تنكر قوانينه وتطمس معالمها
ناس مع العسر مغروره وفسقانه=ومن نعمة العقل رب البيت حارمها
ناس عن الرشد منحرفه وعميانه=والشعر يشكي ويبكي من تغيشمها
ينعى حياته وينخى روس خلانه=ويشق جيبه وباعلا الصوت يزهمها
ان كان ما وقفو من دون حدانه=نفسه توّفت عسى المعبود يرحمها
عليه من خالقه عفوه وغفرانه=يالله عسى خيرة ايامه خواتمها
الا ان هله كل واحد يسرج حصانه=يحارب الشلة القشرا ويلطمها
ونثبت جميعا على منهاج واديانه=ويصير له هيئةٍ تصدر مراسمها
امشكّلة من سلاطينه وفرسانه=انا الوزير المنفذ وانت حاكمها
ونحط للشرذمة مخفر وزنزانه=ونحطم اصنامها والله يحطمها
وقصاب روسٍ ما يفتر عزم ذرعانه=قدام لا تعدم الموروث نعدمها
لكن وقت العنا كشّر بنيبانه=وكوارث الوقت شبت فوق ميسمها
الخبل مبسوط والعقال بلشانه=وبقعا غرابيلها محد بسالمها
واليا خرشنا الزمان الشين باسنانه=يبين ضحظوحها ويبين عيلمها
ونشوف الانذال مبتلشة وحيرانه=والاجواد تصبر وتسعفها عزايمها[/poem]
الشاعر ذيب بن محمد ال حميدان
__________________
[poem font="Simplified Arabic,3,black,bold,normal" bkcolor="white" bkimage="" border="none,medium,gray" type=2 line=0 align=center use=ex num="0,black"]
صغار العطايا في عيون الصغار كبار=وعطيّه وراها منّ عارٍ لراعيها
وكبار العطايا في عيون الكبار صغار=وهل الطيب قوّ عزومها ما يونّيها
وهل البخل حتى فالرخى يغلقون الدار=وهل الجود وقت العسر تدسم صوانيها
وهل البخل لا جا الليل تحرص على المسيار=على شان لي جا لافيٍ ما يلاقيها
عايض هداف[/poem]
17-09-2006, 02:48 AM
تعليمات المشاركة
المواضيع المتشابهه
العرض العادي
