قصيدة القيتها امام الضيوف

السلام عليكم ورحمة الله وبركاته

هذه القصيده القيتها امام عدد من الضيوف في مناسبة اقامتها اسرة ال خريم بحضور الشيخ ابا الروس والشيخ حناش بن جارالله والشيخ عبدالهادي بن ساري وعدد من قبائل شمر ومن قبيلة قحطان

[poem=font="Simplified Arabic,4,white,bold,normal" bkcolor="white" bkimage="backgrounds/21.gif" border="none,medium,gray" type=4 line=0 align=center use=ex num="0,black"]
يالله يامطلوب يامنشي الغمام=في المبتدى طلبتك ياعدل النظر
بسم آل خريم اتقدم بالسلام=تحية بضيوفنا واللي حضر
يامرحبا ترحيب قدر واحترام=من جد مانقصد بها مبدى خبر
ونثني الترحيب بضيوف حشام=اعداد ماهلت هماليل المطر
ذاليوم كنه يوم عيد بالتمام=من شان جيتكم لنا زود الفخر
قلته وربعي تنعرف يوم الزحام=ربعي عبيدة مايهابون الخطر
قبيلة دخيلها ماهو يظام=دخيلهم يامن بهم عقب الحذر
وبلادنا حامينها من كل هام=كم طامع جاء يبيها ما قدر
واليوم ممشانا على شرع ونظام=منفذٍ الشرع في بر وبحر
حكامنا ماوالله يلحقهم ملام=من فضلهم ياكثر مشروعٍ صدر
ياربنا تحفظ رفيعين المقام=طالبك تحفظهم لنا من كل شر
وسلام مني عد من صلى وصام=على الرسول محمد سيد البشر[/poem]

وارجو ان تحوز على رضاكم

تحياتي للجميع