افتر فرويد لوشن قود مان = شبكة قحطان ثم ادخل دخول للشاعر/بدر بن هادي الوبري

[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black"]
[poem=font="Simplified Arabic,4,black,bold,normal" bkcolor="transparent" bkimage="backgrounds/5.gif" border="none,4,gray" type=0 line=0 align=center use=ex num="0,black"]
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,2,darkblue" type=0 line=0 align=center use=ex num="0,black"]
[
قرب الكيبورد وقبل الكنترول = حط قوقل ثم انتر كنترول
افتر فرويد لوشن قود مان = شبكة قحطان ثم ادخل دخول
وان فتحتو في المجالس يا وليد = ( افتح الصفحة وسجل ويش اقول)
موجز عما كشفته في الزمان =بعد ماسقت الرجل عرض وطول
صرت اطبق كل اساليب الرفاع = وصرت اجنب كل اساليب النزول
(واحمد الله قيمتي بين الرجال)= (لو تزول الهملايا ما تزول)
لاني قبل اصير شاعر محترم =شايع طيبي وزحل من زحول
فلو يضيق طويق من صلف الرياح = ما يضيق القلب من هرج العذول
وانت يالمبدع لو علومك كبار = مانشوفك غير علق في الحجول
كلما قالوا تحبه قلت ايه = وان خذيت اسبوع منه جاه كول
غير صار العرق من جد قديم = وصار في قلبه على جده ميول
لان نفس الحمض (دي ان دي) جاه = في الخلايا والبروتون مخزول
فغير مستغرب يخون الاتفاق = دام مايعرف نظام البروتوكول
فعلموه يرد سيفه للجفير = الجمل اليا هدر شال الحمول
والشعر ماهو بمقياس الرجال= حسب ما اعرف في العوايد والاصول
ما نقيس الناس غير بطيبها = عاشقين الطيب وافين الفعول
فكانها بالطيب نلته مثلما = للوفي من المراجل ويش ينول
وكانها بالشعر يشهد لي رشيد = غبة متحاشيه زمرد ولول
فيا صحيبي مالك ومال الدروب = لو تطيع الشور نوخ بالذلول
ما هي بلوغاتريم ولا دوال = لو تطول المسالة تلقى حلول
غير زلة بيت من حذفة شويل = وان تمادت جات عثرات الرجول
اللسان حصان وان خنتوه خان = والرخوم اللي تقول ولا تطول
واختلاف الراي في بعض الامور= كيف تفسد ود زاكين العقول
والعذر لو تقبله ناس كثير = شطبه ثم شطبه ماله قبول
ومن تكلم بالكلام المزدوج = مثل من ساوى الكدايش بالخيول
ومن يحط الجمر باسفل ملته= يتذاكى ما درى بانه مهبول
منتظر سحم الرفايا علموه =لارفايا ولا بروق ولا سيول
كيف انزل هامتي لا هامته = دام له اسم صغير ومخذول
والوعد قدام والدنيا عبر =وياصلاة الله وسلم للرسول [/poem][/poem][/poem]