همسة غلا ((قصيده شعريه))رائعه..

ما برد عزمي و لا غير لهيب الحب لوني ..............
.............. دام لي قلبٍ من عروق الوفا يسقي وريده


و الهوى حظ ونصيب و دمعتي عذرى جفوني ..............
.............. و لـ إلجفون سلوم و الدمعه تخاف من النقيده


ليه يا من تسرقين الود من نظرة عيوني ..............
.............. ما حسبتي غيبة اللي لا نوا الغيبه فقيده


و ليه لا عزمت ابنسى من على الدنيا نسوني ..............
.............. ما ذكرت الا انتي وجرحٍ مساحاته عديده


ليت عذرك عن وفاك و غلطتك يلغي شجوني ..............
.............. و ليت لي قلبٍ بدون احساس و احكامه شديده


كنت اظنك ما تعيشين العمر لحظه بدوني ..............
.............. و أثر ما لـ إلظن غير اللوم و لحون القصيده


اذكريني كل ما فاضت عيونك و افقدوني ..............
.............. و كل ما دمعك نشد خدك و قال شصار بيده


واذكريني لا غزا البرد الضلوع و مآ لقوني ..............
.............. و لا جبرك الوقت في ممشاه واطباعك عنيده


و اذكريني كل ما جاتك من العالم لحوني ..............
.............. عقب ما كنتي من لساني تعرفين الجديده


و اذكريني كل ما احتجتي تخونيني وخوني ..............
.............. في غيابي كل ذكرى بيننا كانت سعيده


و الا انا لا من ذكرتك ما ذكرت الا طعوني ..............
.............. في الزمان اللي تجمعنا به الله لا يعيده


ما ربحت الا جفاك و ما خسرت الا جنوني ..............
.............. و لا بعد هذا سوى النسيان والفرقا الاكيده


سامح الله غلطة احساسي قبل غلطة عيوني ..............
.............. وسامح الله هاجسي في ما هدالك من رصيده


لو ظنوني يوم واحد تشعر بخيبة ظنوني ..............
.............. ما يصير الحزن سيد الصدر و افراحي عبيده


سامح الله ذنب كل اللي على الضيقه حدوني ..............
.............. لين صرت اواجه الايام في بسمه وحيده

__________________
ودي بخبل في اللقاء ما يمالي * ولا بصاحي في الشدايد هلامه..

لاهنت يابو سعيد على المشاركات الرائعه

تحياتي يالغالي

الاخ الغالي / ابراهيم اشكر لك مرورك المشرف على مواضيعي تقبل تحياتي واحترامي لشخصك الكريم ..

__________________
ودي بخبل في اللقاء ما يمالي * ولا بصاحي في الشدايد هلامه..

الله يـعـطـيك الـعافية
على الطرح المتميز

الاخ الغالي / مثل ابن سويدان اشكرك على المرور المشرف وتقبل خالص الود والتقدير ..

__________________
ودي بخبل في اللقاء ما يمالي * ولا بصاحي في الشدايد هلامه..

لاهنت يابو سعيد على المشاركات الرائعه

تحياتي يالغالي

__________________