مقارنة بين البنت الناعمة والبنت العربجية
السلام عليكم0000كيفكم انشاء الله تكونون بخير

خلونا نشوووووف هالمقارنه بين البنتين وطبايعهم
اللى هى مختلفه اختلاف كبير مابين هالبنتين 000
مقارنه بين البنت الناعمه والبنت العربجيه لاتفووووووووتكمممممم
وش الفرق بين البنت العربجية والناعمة
تعالو شوفو ا العربجيه والناعمه.....

طيب نبدا في الموضوع ... يالله نبدا


الناعمه..طبعا وهي نايمه الدبدوبي والغزولي والارنوبي كلهم في حظنها ما شاء الله صارت الغرفه محل العاب واذا قامت من النوم ما تقوم الا الساعه1 الظهر لا بعد واللي يصحيها الشغاله<<< تقومها بالانجليزي ...بس انا راح اترجمه لكم ....يالله مرام قوم ماما في قول قوم عاد هي تقول اوكي وتجي امها وتصحيها مره ثانيه يا مرام حبيبتي اصحي ..
ترد مرايم.. ماما والله بدري الساعه 1 الظهر بدرررررررررري<<<< تدلع هي وخشتها..
<<< يقالها تو الناس بدري ..طيب ماما من عيوني

قامت البنت من السرير وفتحت الستاره والشبابيك ... علشان الغرفه تتنفس ...يااااااااااااااي..وشغلت موسيقى رومنسيه علشان تروق بنت الحلال وراحت تاخذ حمام محترم وبعد ما تطلع من الحمام وررررررر على المرايه تحط من هالكريمات والدعافيس على وجهها .... تعرفون بنات لازم تحافظ على البشره خلصت من المرايه وتتجه الان الى الاستشوار وش..وش..وش.. وش لحووووووووووول ساعتين عز الله اللي اندمرت هالشوشه... خلصت منه دقت البنطلون الجينز والبلوزه ( هي لبست على الموضه بس ماني قايله ) .. ونزلت تحت تفطر على كاس عصير برتقال ..... ياي مسويه رجيييييييييييييييييم

نجي للعربجيه..تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى
لحووووووووووووووووووول زين زييييييييين <<< تنفخ بعد....

بس لو تشوفون شكلها وهي نايمه.. كراع هنا وكراع هناك .. لا وكل ثلاث ساعات وهي طايحه من السرير

يجي اخوها حميد <<< اسمه محمد بس يدلعونه حميد

ويقومها مره ثانيه ياااااا سوير تقول امي قومي جعلك الموت

ترد سوير..اقول اطلع ولا صكيتك على جبهتك..

ويجي مناحي اخوها الكبير ... سوير وجععععععععععع .. ويعطيها ذيك الرفسه اللي خلت عظامها تهلهل

وبعد تلك الرفسه العنيفه ... فزت فزه ما يعلمها الا الله

وقالها مناحي..قومي صلحي فطور عشر دقايق الا وهو جاهز زينننننن

شوفي ابي قرص وخبز مسح<<< يعني خبز على الحديده>>>

وقامت بعد جهد جهيد وعلى شتم ولعنت الحي والميت حتىىىىىىىى ولدعم جد ابوها ما سلم منها

عزيزاتي القارءات نعود الى الاخت الناعمه..
هذي ما تتغدا الا الساعه 3 ولا 5

لا ولا تتغدى الا على رز ابيض مسلوق وسلطه <<< تحافظ على الرشاقه يا بنات

العربجيه تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم عندها تشربه شربه وحده يعني ما في مجال انها تنفس وتترع ذيك الترعه أأأأأأأأأأأأأععع..طالعه من قلبها

الناعمه.. طلعتها تكون من بعد صلاة المغرب<<< ما تطلع في العصر يااااااااااي تحافظ على البشره
العربجيه.. تطلع الساعه2 القايله وتدقها كعااااااااااابي لبيت خوالها الين تنقلب خبز اسمر

الناعمه..تروح للفيصليه ولا المملكه وقبل ما تروح السوق تمر على المشغل علشان تحط ميك..اب سوق << مكياج سوق>>>
العربجيه .. تروح لسوق النسيم عشان تلقى العرابجه اللي مثلها
الناعمه.. اذا تطلعت تطلع مع يارا ولارا<< وخياره>> ورولا ومايا وغيرهم

العربجيه .. تطلع مع بنات خالاتها وضحى وشقحى ومزنه ومنيره وعمشاء

الناعمه..اذا شافت واحد حلووووووووو لابس صح وماركات وحركات وحاط سكسوكه ومحد قده قالت ..يااااااااااااااااااااي بنات نازرو >> يعني ناظرو هذا الله يسلمكم ماغير من الدلع>>> ياربيييييييييه واااااااااو عاد البنت اعجبها الشاب اللطيف هذا ودها تحتك وتقوم وتمر من عنده وتدفه بكتفها

ولا دفته بكتفها قالت اووووووووووه اسفه

ويرد عليها .. لا عادي على ايش الاسف عيوني وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون وهو دوره ما تلقاه من الحياء

العربجيه..لا جات تزين
شخطت هالعيون بهالكحل والبست البرقع وطلعت هي وشقحى ومنيره ومزنه وعمشاء لسوق النسيم

عاد العربجيه يمر من عندها واحد راكب جيب فكس اااار موديل 2002 وداق شماغه كوبرىىى ويمر بهالجيب وسوي حركات استعراضيه

وتقول يا بنات تكفووووووووووووون شوفو يا ويلي ويلاااااااااااااااااه تكفون يالربع

وتقوم بنت الحلال وتقزززززززززززه قز والرجال راح في خرايطها وعاد لا شافها تقزه قال... يا غزال ارحم حالييييييييييي يا ويلي تكفون يا عربان

الناعمه .. اذا مر عليها واحد قروي قالت وععععععععععععععع الله يقرفك ... تقل شايفه صرصور الله يعزكم

نعم وش تبي يالله هناك بلا قراوىىىى

العربجيه .. اذا مر عليها واحد لا بس بلوزه ضييييييييييييييييييقه وبنطلون ضيييييييييييييييق
وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك
قال..ليش العصبيه هذي
قالت اقول والله لو ما تضف خشتك لا اتوطى في حوض بطنك ... علم جاك وتعداك

ترى ما ابي اغلط عليك
تراك مثل اخـــــــــــــــــــتي<<< يقالها ما غلطت الحين

والله بصراحه شكله بنت

الناعمه.. لا جات تضحك هههههههه يالله تسمعها من النعومه

العربجيه..اذا ضحكت اضحكت كذا هع هاي هو هي...الحمد لله والشكر تقول بالعتنلها حمار الله يكرمكم
واذا جات تمزح مع حميد اخوها اعطته كف حلاقه ....يعني كف قوي علىرقبته

الناعمه..اذا تحب تسمع اغاني ما تسمع عربي خلقه ما تسمح الا ريكي ما رتن طبعااا لانه حلوووووووووووووووووووووووووووووووو

وممثلها المفضل .. توم كروز لاوسامته وميل جبسون وجيم كاري لخفة دمهم واحلى ممثله عندها جوليا روبرتس>> حتى انا بعد احبهااذا جتني بنت سميتها عليها علشان تعطيني السماوه<<

العربجيه ..الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي

الناعمه..لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه

العربجيه.. لا جات تناظر التلفزيون تشوف القناه الاولى والثانيه .. وتجلس على الارض وتحط المركا وراها والكراعين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه

الناعمه اذا تبي تحلم احلام اليقظه طلعت برىىىىى في الحديقه حقت بيتهم وجلست على الكرسي هزاز وقام الكرسي يروح ويعود

العربجيه ..اذا تحلم احلام اليقظه طلعت برى في حوشهم
وفرشت البساط<<< ابو خمس طعش اللي مخطط باحمر وازرق عرفتوه
وتكت على المركا قعدت تفكر في المروخ (شي مختلط من فكس وابو فاس مع حثال قهوه وشوي تمر) وهي يحطونها على الورم
هههههههههههههههههههههاااااااي

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

الله يرجك ياحساااام جبتها والله

__________________

الله يعطيك العافيه
والله مت من الضحك
حسبي الله عليك يا حسام

الله يعطيك العافيه ونا اخوك

والله انك صادق

ههههههههههههههههههههههههههه

الله يرجك يا شبل

قطعت بطني من الضحك
هذا انا مره في مار من عند واحد من اسواق شمال الرياض
وانا على فكس ار 2002 على قواتك وصدمت في مراية موتري وعفطتها هاذي وشهي عربجيه ولا ناعمه

والف شكر

__________________
[frame="6 80"]عدت من جديد [/frame]

مشكووووووووووورين على المرور وانشالله دوم ها الضحكه.

انا من ناحيه ال في اكس ار فما يحتاج اسئلني انا وربي يتحمل اللي مايتحمله انسان

__________________
[frame="7 80"]جميل ان تضحك للدنيا لكن الاجمل ان تضحك الدنيا لك[/frame]

هههههههههههههههههههههههههههههههه لا هنت

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

الله يرج عدوك يا شبل قحطان
ما قلت لي عصير الرايقة طازج والا قواطي

قول للرايقة اذا تبي تهميز ترسل لي ايميل
بس مو على الخاص يشوفونه المشرفين ويسقطون علينا

مقارنة حلوة

الله يعطيك العافية

تررررره مابقيت شي الله يعطيك العافيه
الله يسعدك دنيا واخره اضحكت اكثر من خمسه نفر(هندي) اقرا عليهم الموضوع
وكلهم ماتوا من الضحك ودعوا لك
شاكر لك على المشاركه

__________________